हिब्‍रु 5:14 - आठपहरिया

¹⁴ टरो खाक्‍ना चामाउम्‍टे हुरकाङा उलिसागा याप्‌मिचि लोङ्‌सा ए॥ हिट्‌नागाँउम्‍टे ओचेट्‌नुना लोक् ओचाफेन्‍ना रिङ् साम्‍मा उहिडुटु, पोङ्‌भोने हिट्‌नागाँ हिट्‌डे चोक्‍मा सोरोक् ओचोगुयाक्‍टुङ् आप्‍पेलाउङ्‌सा तालिम उपिडुएसुए॥

हिब्‍रु 5:14 ပူးပေါင်းရင်းမြစ်များ

मात्‌ति 5:48

हिट्‌डेउङ् टोनालोग्‌ङि युङ्‌ना खानि माङ्‌हाङ् पाबाङा सोरोक् पाक् नुना हिट्‌ना चोगु गाड्‌डे डोक् खानिङा चा सोरोक् पाक् नुना हिट्‌ना डोक् चोगानुम्॥”

रोमि 14:1

बिस्‍वासङि कामजोर उलिसागा आरु बिस्‍वासिचिलाउङ्‌सा मान् चोगानुम्‌चिम्, हिट्‌नुङ् हिट्‌नागाँ उन्‌चि निङ्‌ग्‍वाङि पाक् माहामाना आथाबा माङ्‌जोना उमिट्‌टुना रिङ्‌ङि बादबिबाद चोक्‍नेनुम्॥

१ कोरिन्‌थि 2:6

टरो चा बिस्‍वासङि पासिङ् उलिसागालोक् ठोना लिसा गाड्‌डे आनि चेक्‌टिटि, टरो ना जुगङिना ठोना माखाक् आथाबा ना टालाङि सासान् काचोक्‍बाचिगा ठोना चा माखाक्, नागा सासान् काचोक्‌बाचिउम् एला डोक् ओमेग्‌युक्॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 4:13

नाड्‌डेउङ् आनि सोब्‍बे बिस्‍वासङि ठिक्‍ए मिलेए सोम्‍मा, माङ्‌हाङ् छा बारेङि ठाहा मिटोक्‍ङे सोम्‍मा, बिस्‍वासङि मिपोङे सोम्‍मा, हिट्‌नुङ् खिरिस्‍ट गाड्‌डे डोक् पुरो पारिपाक्‍का याप्‌मि मिलिए सोम्‍मा ना टोॽवा चोक्‍मायाक्‍मा कोन्‌युक्॥

फिलिप्‌पि 3:15

आनि बिस्‍वासङि पोसा खाडिगा ख्‍वाप्‍पाङा नाड्‌डेगा रिङ्‌ङि निङ्‌ग्‍वा चोक्‍मा कोन्‌युक्, हिट्‌नुङ् खानि साक् साक्‌लोक् नागा रिङ् नुङ्‌ना आरको पाराना निङ्‌ग्‍वा युङ्‌ग्‍वा भोने चा माङ्‌हाङ्‌ङा डोक् पाक् माहामाना हिट्‌ना बुजा चोक्‍माउङ्‌सा खानि घुवार माफाडिटि॥

१ थेसालोनिकि 5:21

टरो सोब्‍बे रिङ्‌चि जाँच चोगानुम् हिट्‌नुङ् खोनाम्‍बाक् रिङ् ओचेट्‌नुना हिट्‌ना युङ्‌सानुम्॥

१ तिमोथि 4:7

बिथाँङिगा माङ्‌हाङ् मालेगा रिङ्‌ङि हिट्‌नुङ् खेडोक्‍गा छिॽवा मुन्‍डुम्‌चिङि निङ्‌ग्‍वा पिडुन्॥ नाङाना ओसाट्‌टोङि माङ्‌हाङ्‌ङि भाक्‌ति ठाङ्‌मा आप्‍पेलोङ्‌सा तालिम पिडु॥

हिब्‍रु 6:1

नाड्‌डेउङ् खिरिस्‍टङाना बारेङि उटुम्‌ङिगा हिसिक्‍माचि एडोक् फेरि फेरि रिङ् चोगिन्‍चा, टरो हाङ्‌साङि बोल्‍लेउ आचोक्‍ना हिसिक्‍मालेङ् लाहाब् लिसि॥ हाट्‌ले आनिम्‍टे ओचाफेन्‍ना टोॽवाचिलाम्‍मा काएल्-काबु लिमाना रिङ् हिट्‌नुङ् माङ्‌हाङ्‌ङि बिस्‍वास चोक्‍माना रिङ् फेरि फेरि चोग्‌निम्‍चा॥

याकुब 3:2

छेम्‍बा डोक् आनि सोब्‍बेङा याप्‍मा गाल्‌ति चोगुम्‍टुम्॥ जुन् याप्‌मिङा उन् चेक्‍ना रिङ्‌ङि गाल्‌ति चोगुन्‍ना, हिट्‌नाङा ख्‍वाप्‍पा ओयेम् चा साधाँ चोक्‍मा हिडुटु, हिट्‌नुङ् हिट्‌ना डोक् पारिपाक्‍का याप्‌मि लियुक्॥