हिब्‍रु 4:9 - आठपहरिया

⁹ हिट्‌डेउङ् माङ्‌हाङ्‌ङा सि लेम्‍बा आराम चोगा गाड्‌डे डोक् आराम चोक्‍माना बेला उन्‌ङि बिस्‍वास काचोक्‌चि लाउङ्‌सा आझै टामा युङ्‌ग्‍वा॥

हिब्‍रु 4:9 ပူးပေါင်းရင်းမြစ်များ

मात्‌ति 1:21

उन्‍ङा ठिबाङ् ओओ पोङ्‌सुटु हिट्‌नुङ् हिट्‌नाङा ओयाप्‌मिचि उन्‌चि पापलाम्‍मा हिङुचिचि, हिट्‌नुङ् हिट्‌ना ओओङाना उनिङ् खान्‍ङा येसु युङ्‌सु॥”

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

हिब्‍रु 11:25

उन्‍ङा पापलाम्‍मा टाना छोप्‍मोङ् धारि सुखा टोग्‍मा नुङ्‌ना माङ्‌हाङ् ओयाप्‌मिचिलोक् एक्‍के याङ्‌छामा आङ्‌मा डोक् उनिङ्‌ग्‍वा टाए॥

हिब्‍रु 3:11

नाड्‌डेउङ् आयाक्‍लेडाउङ् चामारसिङा चाङुङ् माट्‌टुङ्‌ङे, ‘हिट्‌नागा खोना बेला चा आङाना युङ्‌माना डेन्‌ङि लिक्‍मा पिनिङ्‌चिङ्‌गा॥’”

हिब्‍रु 4:1

हिट्‌नाड्‌डेउङ् आनि आझै चा माङ्‌हाङ्‌ङाना आराम चोक्‍माना डेन्‌ङि लिग्‍मा हिडिटि नुङ् उन्‍ङाना बाचाङा माट्‌टुटु॥ नाड्‌डेउङ् ओछेक्‍छेक् चोगि, हिट्‌नुङ् हिट्‌ना आराम चोक्‍माना डेन्‌ङि लिग्‍मा ओटोगुन्‍गा खानि माड्‌डे साक्‍चा लिनेनिन्॥

हिब्‍रु 4:10

माङ्‌हाङ्‌ङा ओटोॽवा चोक्‍मा हिडुङ् आराम चोगा गाड्‌डे डोक् माङ्‌हाङ्‌ङाना आराम चोक्‍माना डेन्‌ङि उलिग्‍गाङा चा उन्‌चि टोॽवालाम्‍मा आराम ओचोगुटु॥

हिब्‍रु 4:3

हाट्‌ले आनि बिस्‍वास काचोक्‍बाचि एडोक् हिट्‌ना युङ्‌माना डेन्‌ङि लिग्‍मा टोगुम्‍टुम्॥ माङ्‌हाङ्‌ङा हिट्‌नागा बिस्‍वास ओचोग्‍वाट्‌टुन्‍गा लाउङ्‌सा नाड्‌डे लोडुचे, “नाड्‌डेउङ् आयाक्‍लेडाउङ् चामारसिङा चाङुङ् माट्‌टुङे, ‘हिट्‌नागा खोना बेला चा आङाना युङ्‌माना ठोङ्‌ङि लिग्‍मा ओटोगुन्‍ना’॥” माङ्‌हाङ्‌ङा नारा सिरिस्‌टि चोगुना बेला डोक् उन्‍ङाना युङ्‌माना डेन् चोक्‍मा हिडु चा उन्‍ङा हिट्‌डे माट्‌टुए॥

हिब्‍रु 4:8

पोङ्‌भोने याहोसुङा इस्‍राएलि याप्‌मिचि युङ्‌माना ठोङ्‌ङि खाट्‌टुचिनाँ बे माङ्‌हाङ्‌ङा आरको युङ्‌माना लेम्‍बा आझै टायुक् नुङ् रिङ् डोक् माट्‌टुवाट्‌टुन् बे॥

१ पाटरुस 2:10

“पाइले खानि माङ्‌हाङ् ओयाप्‌मिचि आवासेट्‌टिन्‍गा, टरो हाट्‌ले खानि ओयाप्‌मिचि आलिसिएसे॥ ठिक् बेला खानिङा माङ्‌हाङ्‌ङाना ओदाया आटोक्‌निम्‍गेट्‌निम्‍ना डाना, हाट्‌ले खानिङा ओदाया आटोगुएसुम्‍मे॥”

पारकास 14:13

हिट्‌नुङ् टोनालोग्‌लाम् नाड्‌डे मुक्‍टाना ठिक् सोरा आङा खेम्‍सुङे, “ना रिङ् छेप्‍टु, हाट्‌ले नुङ् टाङ्‌बा बिस्‍वास ओचोगुङ् उसियागा याप्‌मिचि माङ्‌हाङ्‌ङा आसिक् पिडुचिचि॥” सेङ्‌सेङ्‌ना हाङ्‌साङा नाड्‌डे माट्‌टुए, “छेम्‍बा ए, हाट्‌ले नुङ् हिट्‌नागाँ टुक्‍ना टोॽवा चोक्‍मा कोन्‌निना॥ हिट्‌ना ओसाट्‌टोङि माङ्‌हाङ्‌ङा हिट्‌नागा आराम पिडुचिचि, हिट्‌नुङ् हिट्‌नागाँ ओचोगुना टोॽवाङाना इनाम् हिट्‌नागा पिडुचिचि॥”

पारकास 21:4

हिट्‌नुङ् उन्‍ङा उन्‌चि मिक्‌ङिगा सोब्‍बे मिॽवा टुगुबिडुचिचि, हिट्‌नुङ् हाट्‌ले खोना चा सिमा कोन्‌निना, हिट्‌नुङ् खोनाङा चा सानिङ्‌ग्‍वा ओलोयुङ् हाप्‍मा कोन्‌निना, हिट्‌नि पाक्‍चा याङ्‌छामा लिनिना॥ पोङ्‌भोने पाइलेगा रिङ् सोब्‍बे ओलाट्‌टाडे॥”