याहुदि याप्मिचि माङ्हाङ्ङा लेट्टुना हिट्नुङ् स्यारसुसार चोगुना ओचेट्नुना जैतुन उभुङ्मालोक् टोङ्मा हिडुम्चिम्चिम्, टरो इम्टेप्मा ओहागेप्पाचिम्बाक् ओएगाडे॥ हिट्नुङ् खानि पानिछोङ्बाचि जाङ्गालि जैतुन उभुङ्माङाना ओहागेप्पाचिलोक् टोङ्मा हिडुम्टुम्, खानि हिट्ना ओचेट्नुना सिङ् उभुङ्माङाना ओहागेप्पाचिङि कालामि मारेक्टेसिए॥ हिट्डेउङ् हाट्ले खानिङा हिट्ना ओचेट्नुना जैतुन उभुङ्मालाम्मा बारगाट् हिट्नुङ् चोला आटोगुम्टुम्॥
हिब्रु 3:14 - आठपहरिया14 नाड्डेउङ् पाइले आनि उन्ङि बिस्वास चोगुम् गाड्डे आखेरि सोम्मा आनि चोलाङि बिस्वास जोगाँ चोगुम्याक्टुम्टुम् भोने, आनि खिरिस्टलोक् एक्केउ हाक्दार लिसिटि॥ အခန်းကိုကြည့်ပါ။ |
हिब्रु 3:14
17 ပူးပေါင်းရင်းမြစ်များ
हिट्नाड्डेउङ् माङ्हाङ् इम्टेप्मा माया काचोक्बा हिट्नुङ् उन्ङा साजाए चा आपियुक् नुङ् मिट्टानुम्॥ बिस्वास ओचोगुन्गा याप्मिचि उन्ङा साजाए पिडुचिचि, टरो खानिङा उन्ङाना मायादायाङि बिस्वास आचोगुम्याक्टुम्मे भोने, उन्ङा खानि दाया माचोगिटि॥ हिट्डे आचोक्नेट्निम् भोने खानि चा माचेप्टिउङ् मालेप्टिटि॥
कामाराचिगा उन्चि बिस्वासि डाङ्बाचि उयुङ्ग्वा भोने हिट्नागाँ उन्चि आप्पे बिस्वासि भुम्भु-झान्झाचि डोक् उमिट्टुङ् मान् चोक्मा ओनाडुन्चा॥ हिट्डे चोक्माना साट्टोङि हिट्नागाँगा आझा जोम् सेवा चोक्मा कोन्युक्, पोङ्भोने हिट्नागाँ ओचोगुना सेवाङाना फाइदाम्बाक् उन्चिङा माया ओचोगुना बिस्वासि डाङ्बाङा डोक् टुबुटु॥ नागा रिङ्चि डोक् चोक्मा लोङ्सा हिसिक्टुचि हिट्नुङ् आँट् पिडुचि॥
जुन् याप्मिङा पाइले डोक् सात्याताङाना व्हाङ् निसेसुए, हिट्नुङ् टोनालोग्ङिना बारदान हिट्नुङ् सेङ्सेङ्ना हाङ्सा चा टोगेसुए, हिट्नुङ् आड्डिक् नुना माङ्हाङ्ङाना उरिङ् हिट्नुङ् टायुगेट्ना जुगङाना साक्ति बारे ठाहा काटोक्चि बिस्वासलाम्मा ओनोक्टा ओखाडे भोने हिट्नागा फेरि काएल्-काबु लिमा हिट्नुङ् नोक्मा आप्मा साम्भाब् लिनिना, पोङ्भोने हिट्नागाँ ओचोगुना टोॽवाङा माङ्हाङ् छा आरको खेप् खाप्चेङि उछुडुटु हिट्नुङ् सोब्बे याप्मिचि टोकानाङि उन्ङाना ओचाफेम्मा ओचोगुटु॥
ကြော်ငြာတွေ