हिब्‍रु 2:17 - आठपहरिया

¹⁷ हिड्‌डे लिसाउङ् सोब्‍बे रिङ्‌ङि उन् आप्‍पे उम्‍भु-उन्‍झाचि गाड्‌डे लिमा कोले॥ नाड्‌डेउङ् माङ्‌हाङ्‌ङाना सेवा चोक्‍माना रिङ्‌ङि उन् दाया काचोक्‍बा हिट्‌नुङ् बिस्‍वासिलो सानिङ्‌डाङ्‌बा लिमाहिना लिसे॥ हिट्‌नुङ् आनि पाप छेमा पिमाउङ्‌सा उन् आप्‍पेङा भोक् चोगुए॥

हिब्‍रु 2:17 ပူးပေါင်းရင်းမြစ်များ

रोमि 15:17

हिट्‌नाडेउङ् माङ्‌हाङ् लोङ्‌सा आङा चोगुङ्‌ना टोॽवाङि खिरिस्‍ट येसुङा घुवार याङ्‌फाडानाँ आङा ठेलोक् चोक्‍मा हिङा॥

रोमि 5:10

पोङ्‌भोने आनि माङ्‌हाङ्‌ङाना ओसाट्‌टुर लिसिना बेला डोक् उन्‍ङा उइछा आनि लाउङ्‌सा सिमा पाङ्‌सुङ् आनि ओसाइबाचि आचोगेसे॥ छेम्‍बा डोक्, हाट्‌ले आनि ओसाइबाचि लिसिनाँ आनि उन्‍ङा उइछाङाना ओचोलालाम्‍मा आहिङ्‌युक्॥

एफिसि 2:16

हिट्‌नुङ् उन् खाप्‍चेङि सियाउङ् इप्‍पोक् छुम्‍माङिगा याप्‌मिचि ठिक्‍ए चोगुचे हिट्‌नुङ् हिट्‌नागा सोब्‍बे माङ्‌हाङ् ओसाइबाचि चोगुचे॥ हिट्‌डेडोक् हिट्‌नागाङि लिसाना साट्‌टुरता चा जाखाम् चोगुए॥

कालास्‌सि 1:21

ठिक् बेला खानि माङ्‌हाङ्‌लाम्‍मा लाप्‍माङ् आलिसिए॥ हिट्‌नुङ् खानिङा ओचाफेन्‍गा निङ्‌ग्‍वा हिट्‌नुङ् ओभेन्‍गा टोॽवा आचोगिउङ् खानि माङ्‌हाङ् ओसाट्‌टुर आलिसिए॥

हिब्‍रु 10:21

हिट्‌नुङ् उन् आनिना माङ्‌ठेना सानिङ्‌डाङ्‌बा ए, उन्‍ङा माङ्‌हाङ् ओयाप्‌मिचि सासान् चोगुचिचि॥

हिब्‍रु 2:11

हाट्‌ले येसुङा सेङ्‌सेङ् चोगुचिगा याप्‌मिचि हिट्‌नुङ् सेङ्‌सेङ् उलिसागा याप्‌मिचि सोब्‍बेङाना ठिक्‍ए पाबा ए॥ नाड्‌डेउङ् येसुङा हिट्‌नागा सोब्‍बेलाउङ्‌सा आम्‍भु-आन्‍झाचि हिट्‌नुङ् आनो-आन्‍झाचि नुङ् लोमा मोन्‌निसिनिना॥

हिब्‍रु 2:14

पोङ्‌भोने नागा छालेट्‌चि हेलिक् लोक् साङाना येम् उलिसानाँ येसु चा हिट्‌नागा गाड्‌डे डोक् सा लोक् हेलिक् लिसाना याप्‌मि लिसे॥ हिट्‌नुङ् येसु सियाउङ् एडोक् आसेड्‌ना साक्‌ति लिसाना सैतान जाखाम् चोगुए॥

हिब्‍रु 2:16

छेम्‍बा डोक्, येसु माङ्‌हाङ् रिङ् काउग्‍बाचि घुवार फामा माखाक्, टरो आब्‍राहामङाना ओछालेट्‌चि घुवार फासिङा उङ्‌साना ए॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥

हिब्‍रु 3:2

मोसा माङ्‌हाङ्‌ङाना ख्‍वाप्‍पा ओपाङ्‌ङि सेवा चोक्‍माना रिङ्‌ङि बिस्‍वासिलो डाना, हिड्‌डे डोक् येसु चा उन् सेगुना माङ्‌हाङ्‌ङि बिस्‍वासिलो डाना॥

हिब्‍रु 3:5

मोसाङा माङ्‌हाङ्‌ङाना उपाङ्‌ङिगा ख्‍वाप्‍पा ओयाप्‌मिचि लाउङ्‌सा बिस्‍वासिलो चाकार गाड्‌डे डोक् टोॽवा चोगुए, हिट्‌नुङ् हान्‍डेङ् माङ्‌हाङ्‌ङा माप्‍मा कोलुना रिङ्‌ङाना बारेङि मोसाङा साँचि पिडुए॥

हिब्‍रु 4:14

हाट्‌ले आनि चोगुम्‍ना बिस्‍वासङि आझै डोरो लिसिउङ् युङि, पोङ्‌भोने टोनालोग्‌ङि खाडाजाना माङ्‌हाङ् छा येसु डोक् आनिना माङ्‌ठेना सानिङ्‌डाङ्‌बा ए॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥

हिब्‍रु 5:1

माङ्‌हाङ्‌ङा खोना चा सानिङ्‌डाङ्‌बा याप्‌मिचि माड्‌डेलाम्‍मा डोक् सेगुचिचि, हिट्‌नुङ् उन्‍ङा हिट्‌नागा याप्‌मिचिगा सेवा चोक्‍मा नियुक्‍ता चोगुचिचि॥ हिट्‌नुङ् याप्‌मिचिङा उन्‌चि पाप छेमा ओटोगुवाक् नुङ् हिट्‌नाङा भेटि हिट्‌नुङ् भोक् ठाङ्‌सुबिडुचिचि॥

हिब्‍रु 5:10

हिट्‌नुङ् माङ्‌हाङ्‌ङा डोक् उन् माल्‌किसेदेक गाड्‌डे डोक् सानिङ्‌डाङ्‌बा चोगुए॥

हिब्‍रु 5:2

सानिङ्‌डाङ्‌बाङा पाक्‍चा उनिसुन्‍गा याप्‌मिचि हिट्‌नुङ् ओचाफेन्‍ना टोॽवा चोगुएट्‌टुम्‍मा नुङ् ठाहा ओटोगुन्‍गा लाउङ्‌सा नाम्‍रा लियुङ् दाया चोक्‍मा हिडुचिचि, पोङ्‌भोने उन् आप्‍पे चा याप्‌मि ए, उन्‍ङा चा गाल्‌ति चोक्‍मा हिडुटु॥

हिब्‍रु 5:5

नाड्‌डेउङ् खिरिस्‍टङा चा सानिङ्‌डाङ्‌बा लिमा आप्‍पेलाउङ्‌सा मान् कोलोवाट्‌टुन्॥ टरो माङ्‌हाङ् आप्‍पेङा उन् सेगुए हिट्‌नुङ् लोडुए, “खान् आइछा ए, आङा काप्‍पा लिसैसाङे॥”

हिब्‍रु 6:20

हिट्‌नि येसु आनि लाउङ्‌सा पाइले डोक् खाप्‍माहिडेसे॥ माल्‌किसेदेक पुजारि गाड्‌डे डोक् उन् सोरोक् आनिना सानिङ्‌डाङ्‌बा लिसेसे॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

हिब्‍रु 7:28

धारमाबिधिङा गाल्‌ति चोक्‍मा उहिडुगा याप्‌मिचि सानिङ्‌डाङ्‌बा लिमा सेगुचे, टरो धारमाबिधि नुङ्‌ना एङ्‌स्‍वा टाएना चामारसिङाङा माङ्‌हाङ् आप्‍पेङा उइछा सानिङ्‌डाङ्‌बा लिमा सेगुए॥ हिड्‌डेप्‍मा एडोक् माखाक्, उन् सोरोक् चोखो सानिङ्‌डाङ्‌बा लियुयाक्‌युक्॥

हिब्‍रु 8:1

आन्‍याँ माप्‍मा कोलुम्‍माना मुलि रिङ्‌म्‍बाक् ना डोक् ए, आनिलोक् नाड्‌डेना सानिङ्‌डाङ्‌बा वाहेट्, उन् टोनालोग्‌ङि आड्‌डिक् बोल्‍लेउ माङ्‌हाङ्‌ङाना सिङासान्‌ङाना छुप्‍टाङ् उमुक्‌लेङ् युङेसे॥

हिब्‍रु 8:3

सोब्‍बे सानिङ्‌डाङ्‌बाचि भेटि हिट्‌नुङ् भोक् ठाङ्‌माउङ्‌सा नियुक्‍टा उलियुक्॥ हिट्‌नाड्‌डेउङ् आनि सानिङ्‌डाङ्‌बालोक् भोक् ठाङ्‌मा लाउङ्‌सा पालोवालो थोक्‍उम् लिमा डोक् कोलाना डाना॥

हिब्‍रु 9:11

टरो खिरिस्‍टउम्‍टे हाट्‌ले आनिलोक् लिसागा सोब्‍बे ओचेट्‌नुना रिङ्‌चिगा सानिङ्‌डाङ्‌बा लिसाउङ् टाए॥ उन् माङ्‌ठेना हिट्‌नुङ् आड्‌डिक् चोखो पालङि लिगे, हिट्‌नाम्‍बाक् याप्‌मिचिङा ओचोगुना चा माखाक् हिट्‌नुङ् ना नाराङि सिरिस्‌टि लिसाना थोक् चा माखाक्॥