हिब्‍रु 13:13 - आठपहरिया

¹³ नाड्‌डेउङ् आनि चा यरुसलेम खालाङ्‌गा भारा उन् सोरि खाडि, हिट्‌नुङ् उन्‍ङा आङ्‌डुना ओचाफेम्‍मा आनि चा आङ्‌डुम्॥

हिब्‍रु 13:13 ပူးပေါင်းရင်းမြစ်များ

मात्‌ति 16:24

हिट्‌नुङ् येसुङा ओचेलाचि लोडुचे, “कोइ आचेला लिमा कोन्‌युक् भोने, हिट्‌नाङा आप्‍पे लोङ्‌सा माया चोक्‍मा नामा कोन्‌युक्, हिट्‌नुङ् उखाप्‍चे आप्‍पे खुयुङ् आएङ्‌स्‍वा ओआप्‌याक्॥

मात्‌ति 27:32

लाम्‍बोङि ओखाडागेट्‌टाना बेला हिट्‌नागाँ सिमोन उनिङ् लिसाना कुरेनि खालाङ्‌गाङिना ठिबाङ् याप्‌मि उटुबुए॥ हिट्‌नुङ् हिट्‌नागाँ हिट्‌ना याप्‌मि येसुङाना खाप्‍चे खुमा ओमेट्‌टुए॥

मात्‌ति 5:11

“आङि बिस्‍वास आचोगुम्‍नाँ याप्‌मिचिङा चिम्‍मा माफुट्‌टिटि, हिट्‌नुङ् ओचाफेन्‍लोक् मामेट्‌टिटि, हिट्‌नुङ् माङ्‌जो ओचेक्‌युउङ् खानि बिरुद्‌दाङि सोब्‍बे पारिक्‍गा ओचाफेन्‍गा रिङ् मालोडिटि, टब माङ्‌हाङ्‌ङा खानि आसिक् मापिडिटि॥

लुका 6:22

“याप्‌मि छाङि बिस्‍वास आचोगुम्‍नाँ याप्‌मिचिङा खानि चिम्‍मा माफुट्‌टिटि, हिट्‌नुङ् पाङ्‌ठाङ्‌लाम्‍मा माहोट्‌टिटि, हिट्‌नुङ् मोम्‍मासिमा आलिसिलोक् माचोगिटि, हिट्‌नुङ् ओचाफेम्‍मा चाट्‌ला माचोगिटि, टब माङ्‌हाङ्‌ङा खानि आसिक् मापिडिटि॥

लुका 9:23

हिट्‌नुङ् येसुङा सोब्‍बे याप्‌मिचि लोडुचे, “खानि माड्‌डे आचेला लिमा आकोलिटि भोने, खानि आप्‍पे लोङ्‌सा माया चोक्‍मा नामा कोन्‌युक्, हिट्‌नुङ् लेन्‍सेन् उखाप्‍चे आप्‍पे खुयुङ् आएङ् ओआप्‌याक्॥

मुलिचेला टोॽवा 5:41

हिट्‌नुङ् मुलिचेलाचि काचाहारि-कुन्‍डाललाम्‍मा भारा ओहोन्‍डाउङ् “माङ्‌हाङ्‌ङाना ओनाजारङि आनिम्‍टे येसु लोङ्‌सा चिम्‍मा फुट्‌मा हिट्‌नुङ् याङ्‌छामा आङ्‌मा आखान्‌युक्” पिक्‍सा आड्‌डिक् उन्‌चि चाप् टाए॥

२ कोरिन्‌थि 12:10

हिट्‌डेउङ् खिरिस्‍ट लोङ्‌सा आङा फेतुलो लिङानाँ, चिम्‍मा याङ्उफुट्‌नाँ, आप्‍ठेरो बेला, खेदो याङ्ओचोक्‍नाँ हिट्‌नुङ् याङ्‌छामा आङ्‌डुङ्‌नाँ आङा हारका लिङा॥ पोङ्‌भोने जब आङा फेतुलो लिङा, टब आङा खिरिस्‍टङि बोल्‍लेउ लिङा॥

हिब्‍रु 11:26

हिट्‌नुङ् मिस्‍रा देसङिना माक्‍फेन्‍सुबेन् नुङ्‌ना खिरिस्‍ट लाउङ्‌सा याङ्‌छामा आङ्‌मा डोक् उन्‍ङा ठेना रिङ् नुङ् ठाहा टोगुए, पोङ्‌भोने उन्‍ङाम्‍टे हान्‍डेङ् टोक्‍माना इनामङि उनिङ्‌ग्‍वा चोगुएसुना॥

हिब्‍रु 12:2

हाट्‌ले आनि बिस्‍वास उटुम् काचोक् हिट्‌नुङ् पुरो काचोक् येसु पुयुम्॥ उन्‍ङा उन् सोरि युङ्‌बालाक् आनान्‍दा लाउङ्‌सा खाप्‍चेङिना याङ्‌छामा आङ्‌डुए हिट्‌नुङ् हिट्‌नालाम्‍मा टाना मोम्‍मासिमाना रिङ् पाक्‍चा ठानाँ चोग्‍वाट्‌टुन्, हिट्‌नुङ् हाट्‌ले माङ्‌हाङ्‌ङाना सिङासान् उछुप्‍टाङ्‌लेङ् आदारङाना ठोङ्‌ङि युङेसे॥

हिब्‍रु 12:3

पापि याप्‌मिचिगा जोम् ओभेन्‍गा टोॽवाचि आङ्‌डुना येसु मिट्‌टानुम्, हिट्‌डेउङ् खानि निङ्‌ग्‍वा भेन्‌निना हिट्‌नुङ् खानि निङ्‌ग्‍वा आसेट्‌निम्‍ना॥

हिब्‍रु 12:4

पोङ्‌भोने खानि पापङाना बिरुद्‌दाङि टोॽवा आचोगेट्‌टुम्, टरो हिट्‌ना टोॽवाङा खानि सिमा डोक् कोन्‌लोक् आलिसिन्‍गेट्‌टिन्‍गा॥

१ पाटरुस 4:4

हाट्‌ले खानि नाड्‌डे पाराना ओचाफेम्‍मा टोॽवा चोक्‍मा हिट्‌नागा आबिस्‍वासिचिलोक् आवासिन्‍गा रिङ् उनिसुङ् उन्‌चि छाक्‍का उलिसाइसे, हिट्‌नुङ् हिट्‌नागाँ खानि खिसि माचोगिटि॥