हिब्‍रु 13:12 - आठपहरिया

¹² हिट्‌नाडेउङ् येसुङा चा आप्‍पे ओहेलिक्‍ङा याप्‌मिचि पापलाम्‍मा चोखो चोक्‍मा यरुसलेम खालाङ्‌गा भारा ओयेम् भोक् पिडुए॥

हिब्‍रु 13:12 ပူးပေါင်းရင်းမြစ်များ

लुका 4:29

हिट्‌नागा ओकोबाउङ् येसु डोरोरो साट्‌सा साट्‌सा खालाङ्‌गालाम्‍मा भारा ओहोट्‌टुए॥ हिट्‌ना खालाङ्‌गाउम्‍बाक् झोन्‍झोबाङि डाना॥ हिट्‌नुङ् हिट्‌नागाँ येसु याक्‍ठेरेक् ओछोम्‍बोलाम्‍मा लेप्‍माढामा लोङ्‌सा ओखाट्‌टुए॥

युहान्‍ना 17:19

हिट्‌नागाँ उन्‌चि चोला खान्‍ङाना छेम्‍बाना रिङ्‌लाम्‍मा सेङ्‌सेङ् चोक्‍मा उहिडु नुङ् हिट्‌नागा आङा चा आप्‍पेलोङ्‌सा खान्‌ङि सेङ्‌सेङ् चोगुङ्‌टुङ्॥

युहान्‍ना 19:34

टरो ठिबाङ् टिलिङ्‌गाङा ओकोखाङि तिक्‍फेङा रोक्‍टुए, हिट्‌नुङ् हिट्‌ना बेला डोक् ओकोखालाम्‍मा हेलिक् लोक् चुवा होन्‍डे॥

मुलिचेला टोॽवा 7:58

हिट्‌नागाँ खालाङ्‌गा भारा ओसाडुङ् ओहोट्‌टुए हिट्‌नुङ् लिङ्‌गेॽवाङा लेप्‍मा ठालाँ ओचोगुए॥ हिट्‌नुङ् इस्‌तिफानास फाट्‌टुर कालाप्‍बा याप्‌मिचिङा उन्‌चि लोट्‌लिङ् ओफेन्‍डुङ् सावाल ओलोडुना ठाङ्‌बेन् याप्‌मि ओलाङ्‌ङि उयुङ्‌सुए॥

१ कोरिन्‌थि 6:11

खानि माड्‌डे आम्‍टेप्‍मा ठिक् बेला नाड्‌डेगा डोक् आवासेट्‌टिगा डागा॥ टरो माङ्‌हाङ्‌ङा खानि पाप माटुगिबिडिसिए, हिट्‌नुङ् सेङ्‌सेङ् माचोगिएसिए॥ हाटले टाङ्‌बा येसु खिरिस्‍टङा चोगुनाँ हिट्‌नुङ् आनि माङ्‌हाङ्‌ङाना ओहाङ्‌सालाम्‍मा माङ्‌हाङ्‌ङा खानि धारमोति याप्‌मि नुङ् माछेम्‌डिएसिए॥

एफिसि 5:26

उन्‍ङा हिड्‌डे चोगुङ् उन्‍ङागा याप्‌मिचि चोक्‍मा आनि आसाम्‍डे, हिट्‌नुङ् उन्‍ङा माङ्‌हाङ् उरिङ् लोक् चुवाङाना बाप्‌टिस्‍मालाम् आनि सुद्‌दो आचोगे॥

हिब्‍रु 10:10

हिट्‌डेउङ् आनि सेङ्‌सेङ् लिसेसे, पोङ्‌भोने येसु खिरिस्‍टङा ओयेम् भोक् पिडुङ् माङ्‌हाङ् उनिङ्‌ग्‍वा पुरो चोगुए॥ ना रिङ्‌म्‍बाक् सोरोक् लाउङ्‌सा एक् खेप् एडोक् लिसे, फेरि फेरि चाहाब् लिनिना॥

हिब्‍रु 10:29

हाट्‌ले खानि आप्‍पेङा निङ्‌ग्‍वा रिसानुम् टे, जुन्‍ङा माङ्‌हाङ् छा चिम्‍मा फुट्‌टुटु, जुन्‍ङा आनि सेङ्‌सेङ् आचोक्‍ना माङ्‌हुप्‌ङाना हेलिक्‌ङाना मान् चोगुन्‍ना, हिट्‌नुङ् मायादाया आपिना सेङ्‌सेङ्‌ना हाङ्‌सा इन्‍कार चोगुटु हिट्‌नागाँ झान् आड्‌डिक् टुक्‍ना साजाए ओटोगुटु॥

हिब्‍रु 2:11

हाट्‌ले येसुङा सेङ्‌सेङ् चोगुचिगा याप्‌मिचि हिट्‌नुङ् सेङ्‌सेङ् उलिसागा याप्‌मिचि सोब्‍बेङाना ठिक्‍ए पाबा ए॥ नाड्‌डेउङ् येसुङा हिट्‌नागा सोब्‍बेलाउङ्‌सा आम्‍भु-आन्‍झाचि हिट्‌नुङ् आनो-आन्‍झाचि नुङ् लोमा मोन्‌निसिनिना॥

पारकास 14:20

हिट्‌नुङ् हिट्‌नागा आङ्‌गुर खालाङ्‌गा भारा कोल्‌ङि पेलाँ उलिसे, हिट्‌नुङ् हिट्‌ना कोललाम्‍मा हेलिक् होन्‍डाउङ् टाङ्‌राङ्‌बाङाना ओसाङ्‌मारिक् टेप्‍मा घाइरो लिसाउङ् सुम्‍बोक् साए किलो मिटर लाप्‍माङ् बागाँ लिसाउङ् खाडे॥