हिब्‍रु 11:4 - आठपहरिया

⁴ हाबिलङा माङ्‌हाङ्‌ङि बिस्‍वास चोगुनाँ उन्‍ङा उम्‍भु कायिनङाना नुङ्‌ना ओचेट्‌नुना भोक् ठाङ्‌सुए॥ बिस्‍वासलाम्‍मा डोक् माङ्‌हाङ् ओटोकानाङि हाबिल धारमोति लिसे हिट्‌नुङ् उन्‍ङा ठाङ्‌सुना भोक् माङ्‌हाङ्‌ङा उनिङ्‌ग्‍वा टासुए॥ हिट्‌नुङ् हाबिल सियाडाचा उन्‍ङा चोगुना बिस्‍वासलाम्‍मा हाट्‌ले चा माङ्‌हाङ्‌ङि भोरोसा चोक्‍माना बारेङि सिकाँ आचोक्‌युक्॥

हिब्‍रु 11:4 ပူးပေါင်းရင်းမြစ်များ

मात्‌ति 23:35

हिट्‌डेउङ् नाराङिगा ख्‍वाप्‍पा धारमोति याप्‌मिचिगा हेलिक्‌ङाना फाट्‌टुर खानि उठुङ्‌ङि ठायुक्, धारमोति हाबिलङाना ओहेलिक्‌लाम्‍मा बेरेक्‍याहङाना उइछा जाकारियाङाना ओहेलिक् सोम्‍मा, उन् खानिङा माङ्‌ठाना लोक् बेदिङाना माझै आसेडुम्‍मे॥

लुका 11:51

छेम्‍बा डोक्, आङा खानि लोनाँनि, हाबिल नुङ् बेदि माझै हिट्‌नुङ् सेङ्‌सेङ्‌ना डेन्‌ङि ओसेडुना जाकारिया सोम्‍मा माङ्‌काटाचिगा हेलिक्‌ङाना फाट्‌टुर ना टालाङिगा याप्‌मिचिगा टेप्‍टेप्‍पाङि डोक् ठायुक्॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

हिब्‍रु 11:2

आच्‍छोङिगा याप्‌मिचिङा माङ्‌हाङ्‌ङि बिस्‍वास ओचोगुङ् डोक् हिट्‌नागा माङ्‌हाङ्‌ङा उनिङ्‌ग्‍वा टासुचे॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥

हिब्‍रु 12:24

खानिम्‍टे माङ्‌हाङ् लोक् याप्‌मिचि माझाङि ओछोङ्‌ग्‍वाट् माङ्‌हुप् कारेक्‍बा येसु सोरि ओटाइसे, हिट्‌नुङ् खानि हाबिलङाना ओहेलिक् नुङ्‌ना चा आझै ओचेट्‌नुना रिङ् चामारसिङा चोगुना येसुङाना ओहेलिक् सोरि आटाइसे॥

हिब्‍रु 5:1

माङ्‌हाङ्‌ङा खोना चा सानिङ्‌डाङ्‌बा याप्‌मिचि माड्‌डेलाम्‍मा डोक् सेगुचिचि, हिट्‌नुङ् उन्‍ङा हिट्‌नागा याप्‌मिचिगा सेवा चोक्‍मा नियुक्‍ता चोगुचिचि॥ हिट्‌नुङ् याप्‌मिचिङा उन्‌चि पाप छेमा ओटोगुवाक् नुङ् हिट्‌नाङा भेटि हिट्‌नुङ् भोक् ठाङ्‌सुबिडुचिचि॥

हिब्‍रु 9:22

छेम्‍बा डोक्, धारमाबिधिङा माट्‌टु गाड्‌डे भोक् ठाङ्‌बालाक् हेलिक्‍ङा कारिब् कारिब् सोब्‍बे थोक् चोख्‍याँ चोगुटु, हिट्‌नुङ् हेलिक्‌ङाना भोक् मिठाङ्‌ङे पाप छेमा लिमा हिनिना॥

२ पाटरुस 2:8

लोत हिट्‌नागा ओभेन्‍गा याप्‌मिचिगा माझाइ युङाना डाना, हिट्‌नुङ् लेन्‍सेन् हिट्‌नागाँ ओचाफेम्‍मा रिङ् ओचोगुगा निसुए हिट्‌नुङ् खेम्‍सुए, हिट्‌नुङ् नागा ख्‍वाप्‍पा रिङ्‌ङा उन्‍ङाना उनिङ्‌ग्‍वा आड्‌डिक् टुगे, पोङ्‌भोने उन् धारमोति याप्‌मि डाना॥

याहुदा 1:11

इनामा, नागा याप्‌मिचिलोङ्‌सा! हिट्‌नागाँ कायिनङाना लाम्‍बो ओलाबुए, जुन्‍ङा उन्‍झा सेडुए॥ ओफाबा टोग्‍मालोङ्‌सा बालामङा चोगुना ओचाफेम्‍मा टोॽवा डोक् चोक्‍माना निङ्‌ग्‍वा ओचोगुए॥ हिट्‌नुङ् कोरहङा बिरोध चोगु गाड्‌डे डोक् नागाँ चा ओचोगुए, हिट्‌नुङ् हिट्‌नागा चा कोरह गाड्‌डे डोक् जाखाम् उलियुक्॥