हिब्‍रु 11:25 - आठपहरिया

²⁵ उन्‍ङा पापलाम्‍मा टाना छोप्‍मोङ् धारि सुखा टोग्‍मा नुङ्‌ना माङ्‌हाङ् ओयाप्‌मिचिलोक् एक्‍के याङ्‌छामा आङ्‌मा डोक् उनिङ्‌ग्‍वा टाए॥

हिब्‍रु 11:25 ပူးပေါင်းရင်းမြစ်များ

मात्‌ति 13:21

टरो गाइरो सोम्‍मा जारा ओठेन्‍डुन्‍गा उभुङ्‌मा याप्‍मा बेला सोम्‍मा टाक्‍टुन् गाड्‌डे डोक् हिट्‌नागाँ होप्‍मो बेला सोम्‍मा एडोक् बिस्‍वास ओचोगुटु, हिट्‌नुङ् माङ्‌हाङ् रिङ् बिस्‍वास ओचोगुनाँ याङ्‌छामा लोक् निङ्‌ग्‍वा छिक्‍मा टानामे बिस्‍वास ओनाडुएट्‌टुटु॥

लुका 16:25

“टरो आब्‍राहामङा हिट्‌ना लोडुए, ‘आइछा, खान्‍ङा मिट्‌टुटे, नाराङि आवासानाँ खान्‍ङा चाहाबा आलिसागा सोब्‍बे ओचेट्‌नुगा थोक्‌चि काचोलाङि आटोगुए, टरो ना लाजारसम्‍बाक् जाइले टैइले याङ्‌छामा एडोक् टोगुए॥ टरो हाट्‌ले ना लाजारस नाहि सुखि लिसैसे हिट्‌नुङ् खान्‍ना हिट्‌नि याङ्‌छामा आआङ्‌डुएट्‌टु॥

मुलिचेला टोॽवा 7:34

आयाप्‌मिचिङा मिस्‍रा देसङि याङ्‌छामा ओटोगुना आङा निसुङे हिट्‌नुङ् हिट्‌नागा सानिङ्‌ग्‍वा ओलोसागा रिङ् आङा खेम्‍सुङे॥ हिड्‌डेउङ् आङा इस्‍राइलिचि मिस्‍रा देसङिगा याप्‌मिचिलाम्‍मा छुट्‌कारा पिमा उङ्‌सेसाङे॥ हाट्‌ले हिट्‌नागा घुवार फासिङा मिस्‍रा देसङि आङा खान् पाङ्‌नाँ हिट्‌नि खाप्‍मा टेयार लिसा॥’

रोमि 5:3

हिट्‌टेप्‍मा एडोक् माखाक्, याङ्‌छामाङि चा आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने याङ्‌छामा टोगुम्‍नाँ याङ्‌छामाङा आङ्‌मा हिमाना बोल् आपियुक् नुङ् आन्‍याँ ठाहा टोगुएसुम्‍मे॥

२ कोरिन्‌थि 5:17

नाड्‌डेउङ् कोइ याप्‌मि खिरिस्‍टङि वाहेट् भोने, हिट्‌ना ओछोङ्‌ग्‍वाट् याप्‌मि लियुक्॥ पाइलेगा रिङ् मासाउङ् खाडे, पुयानुम्, हाट्‌ले सोब्‍बे रिङ् ओछोङ्‌ग्‍वाट् उलिसेसे॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

२ तिमोथि 1:8

हिट्‌डेउङ् आनि टाङ्‌बाङाना बारेङि माप्‍मा मोन्‌निसिनेन्, हिट्‌नुङ् आङा आनि डाङ्‌बाङाना उनिङ्‌ङि खाम्‍बाङ्‌ङि ठायाङे नुङ् मोन्‌निसिनेन्॥ टरो खान् चा आङालोक् नुना खाबोर खेम्‍मेप्‍मा याङ्‌छामा फोगु॥ ना चोक्‍मा लोङ्‌सा माङ्‌हाङ्‌ङा खान् बोल् मापियुक्॥

हिब्‍रु 10:32

खानिङा पाइले खिरिस्‍टङाना व्‍हाङ् आटोगुम्‍ना बेलाङाना रिङ् मिट्‌टानुम्॥ खानिङा आड्‌डिक् टुक्‍लोक् याङ्‌छामा आआङ्‌डुम्‍चा बिस्‍वासङि दोरो आलिसिए॥

हिब्‍रु 11:37

हिट्‌नुङ् कोइम्‍बाक् लिङ्‌गेॽवाङा ओलेप्‍टुचिउङ् ओसेडुचे, कोइम्‍बाक् आराङा ओहेगुचिउङ् ओसेडुचे, हिट्‌नुङ् कोइम्‍बाक् चेप्‍साङा ओचेप्‍टु ओसेडुचे॥ हिट्‌नागा पाक्‍चा वानिगा उलिसे हिट्‌नुङ् ठुँबा लोक् मेरबाचि ओहोॽवा उरिगुङ् उन्‌चि येम् ओटेप्‍टुए, हिट्‌नुङ् याङ्‌छामा ओटोगुङ् योम्‍बो-टोम्‍बो ओलाम्‌टियागोन्‍डे॥

हिब्‍रु 4:9

हिट्‌डेउङ् माङ्‌हाङ्‌ङा सि लेम्‍बा आराम चोगा गाड्‌डे डोक् आराम चोक्‍माना बेला उन्‌ङि बिस्‍वास काचोक्‌चि लाउङ्‌सा आझै टामा युङ्‌ग्‍वा॥

याकुब 1:20

पोङ्‌भोने याप्‌मिङाना ओयाग्‌लेडे भोने, हिट्‌नाँ माङ्‌हाङ्‌ङा निङ्‌ग्‍वा टासुना धारमिक्‍ताङाना टोॽवा चोक्‍मा हिडुन्‍ना॥

याकुब 5:5

नाराङि खानि औधि मोज्‍मोज्‍जाङि आयुङिएसिए हिट्‌नुङ् खानिङा जे चोक्‍मा आमिट्‌टिए हिट्‌ना आचोगुएसुम्‍मे॥ हिट्‌नुङ् जानावारचि चेप्‍मा सेप्‍मा टेयार चोगि गाड्‌डे खानिङा आप्‍पे लाउङ्‌सा पोस्‍याँ आचोगुएसुम्‍मे॥

१ पाटरुस 2:10

“पाइले खानि माङ्‌हाङ् ओयाप्‌मिचि आवासेट्‌टिन्‍गा, टरो हाट्‌ले खानि ओयाप्‌मिचि आलिसिएसे॥ ठिक् बेला खानिङा माङ्‌हाङ्‌ङाना ओदाया आटोक्‌निम्‍गेट्‌निम्‍ना डाना, हाट्‌ले खानिङा ओदाया आटोगुएसुम्‍मे॥”

पारकास 18:7

हिट्‌नागाँ उन्‌चि निङ्‌ग्‍वाङा ओचोगु गाड्‌डे सुख चैन् ओचोगुएसुए, हाट्‌ले हिट्‌नागा याङ्‌छामा लोक् दुखे पिडानुम्‌चिम्॥ पोङ्‌भोने हिट्‌नागाँ उन्‌चि निङ्‌ग्‍वाङि नाड्‌डे ओमाट्‌टुगा, ‘आङा हाङ्‌मारानि लिसाउङ् युङेसाङे, हिट्‌नुङ् आङा लाङ्‌लेप्‍मा मेच्‍छेमा माखाक्, हिट्‌नुङ् आङा काइले चा सानिङ्‌ग्‍वा चोक्‍मा कोन्‌निना॥’