हिब्‍रु 10:11 - आठपहरिया

¹¹ सोरोक् लेम्‍बा इस्‍राएलङिगा पुजारिचि माङ्‌हाङ् सोरि ओयेब्‌युक् हिट्‌नुङ् सोरोक् ठिक्‍ए पारिक्‍ना भोक् ओठाङ्‌सुटु॥ टरो नाड्‌डे पारिक्‍ना भोक्‍ङा खोना बेला चा पाप टुग्‍मा हिडुन्‍ना॥

हिब्‍रु 10:11 ပူးပေါင်းရင်းမြစ်များ

हिब्‍रु 10:1

मोसाङाना धारमाबिधि आप्‍पेम्‍बाक् छेम्‍बाना रिङ् माखाक्, टरो हान्‍डेङ् टाना छेम्‍बाना रिङ्‌ङाना ओझालाक् एडोक् ए॥ हिट्‌नाड्‌डेउङ् सालिन्‍ने धारमाबिधि गाड्‌डे भोक् ठाङ्‌बालाक् नाड्‌डेना भोक्‍ङा माङ्‌हाङ् सोरि माङ्‌ध्‍यान् चोक्‍मा ओखाट्‌गा याप्‌मिचि सिद्‌दा चोक्‍मा हिडुन्‌चिन्‍गा॥

हिब्‍रु 5:1

माङ्‌हाङ्‌ङा खोना चा सानिङ्‌डाङ्‌बा याप्‌मिचि माड्‌डेलाम्‍मा डोक् सेगुचिचि, हिट्‌नुङ् उन्‍ङा हिट्‌नागा याप्‌मिचिगा सेवा चोक्‍मा नियुक्‍ता चोगुचिचि॥ हिट्‌नुङ् याप्‌मिचिङा उन्‌चि पाप छेमा ओटोगुवाक् नुङ् हिट्‌नाङा भेटि हिट्‌नुङ् भोक् ठाङ्‌सुबिडुचिचि॥

हिब्‍रु 7:27

येसुङा आरु सानिङ्‌डाङ्‌बाचि गाड्‌डे आप्‍पे उन्‍ङाना पाप छेमा लाउङ्‌सा हिट्‌नुङ् आरु याप्‌मिचिगा पाप लाउङ्‌सा लेन्‍सेन् भोक् ठाङ्‌मायाक्‍मा कोन्‌निना॥ पोङ्‌भोने उन्‍ङा सोब्‍बे याप्‌मिचिगा पाप लाउङ्‌सा एक्‍के खेप् आप्‍पे लाउङ्‌सा उन्‍ङा भोक् ठाङ्‌सुए॥

हिब्‍रु 8:2

उन्‍ङा टोनालोग्‌ङि आड्‌डिक् सेङ्‌सेङ्‌ना डेन्‌ङि पुजारिङाना सेवा चोगुटु, हिट्‌ना सेङ्‌सेङ्‌ना डेन्‌उम्‍टे याप्‌मिङा ओचोगुना माखाक्, टरो टाङ्‌बा आप्‍पेङा चोगुना ए॥

हिब्‍रु 8:4

उन् ना नाराङि डोक् लिसायाक्‍टानाम्‍बे पुजारि लिनेट्‌नि बे, पोङ्‌भोने धारमाबिधिङा माट्‌टु गाड्‌डे भेटि उठाङ्‌सुगा पुजारिचिम् नेहि पाइलेलाम्‍मा डोक् ओवाहेट्॥