हिब्‍रु 1:9 - आठपहरिया

⁹ खान्‍ङा जे छेम्‍बाना हिट्‌ना रिङ् निङ्‌ग्‍वा आटाडेसुए हिट्‌नुङ् जे माङ्‌जोना हिट्‌ना रिङ् चिम्‍मा आफुट्‌टुएसुए॥ नाड्‌डेउङ् हाउ माङ्‌हाङ्, कामाङ्‌हाङ्‌ङा खान् मासेगाइसे, हिट्‌नुङ् आरु कासाइबाचि नुङ्‌ना याप्‍मा मान्‌ङाना आनान्‍दा मापिडेसे॥”

हिब्‍रु 1:9 ပူးပေါင်းရင်းမြစ်များ

लुका 4:18

“माङ्‌हाङ् डाङ्‌बाङा ओहाङ्‌सा आठुङ्‌ङि याङ्‌ठेन्‍डाबिडैसे, पोङ्‌भोने पाक्‍चा ओवानिगा लोङ्‌सा ओचेट्‌नुना खाबोर खेम्‍मेप्‍मा आङा याङ्‌सेगाउङ् याङ्‌पाङ्‌साइसे॥ खाम्‍बाङ्‌ङि ओठायागा याप्‌मिचि छुट्‌काराङाना रिङ् लोसिङा, याङ्‌कानिनिबाचिङा उनिसुलोक् चोक्‍माना रिङ् लोसिङा, निम्‍छारो उलिसागा छुट्‌कारा पिमा,

युहान्‍ना 1:41

छोप्‍मोङ्‌ङा आन्‍दरियासङा उम्‍भु सिमोन टुबुङ् लोडुए, “आन्‍याँ मासिहा (ना रिङ्‌ङाना उटुप् खिरिस्‍ट लियुक्) टुबुम्‍मे॥”

युहान्‍ना 10:17

“पाबाङा आङा माया याङ्‌चोक्‌युक्, पोङ्‌भोने आङा आचोला फेरि नोक्‍माउङ्‌सा भोक् चोगुङ्‌टुङ्॥

युहान्‍ना 20:17

येसुङा हिट्‌ना लोडुए, “आङा याङ्‌खोट्‌नेन्, पोङ्‌भोने ना बेला सोम्‍मा आङा माङ्‌हाङ् पाबा सोरि खाट्‌निङ्‌गेट्‌निङ्‌ना॥ टरो भुम्‍भु-झान्‍झाचिङि खाडाउङ् हिट्‌नागा लोडुचि, ‘आप्‍पा लोक् खानि पाबा, आङाना माङ्‌हाङ् हिट्‌नुङ् खानि माङ्‌हाङ्‌ङि आङा खाट्‌नागेट्‌नाँ॥’”

युहान्‍ना 3:34

पोङ्‌भोने उन् माङ्‌हाङ्‌ङा पाङ्‌सुना॥ उन्‍ङा माङ्‌हाङ्‌ङाना डोक् रिङ् माट्‌टुटु, पोङ्‌भोने माङ्‌हाङ्‌ङा सेङ्‌सेङ्‌ना हाङ्‌सा उन्‌लाउङ्‌सा आड्‌डिक् जोम् पिडुटु॥

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 4:26

नाराङिगा हाङ्‌चि हिट्‌नुङ् सासाक्‌चि माङ्‌हाङ् डाङ्‌बा हिट्‌नुङ् काहिङ्‌मेप्‍बा डाङ्‌बा खिरिस्‍टङाना बिरुद्‌दाङि एक्‍केउ उछुमे॥’

मुलिचेला टोॽवा 4:27

“छेम्‍बा डोक् हेरोद हाङ्‌बा, पान्‌तियास पिलातास, पानिछोङ्‌बाचि हिट्‌नुङ् इस्‍राएलि याप्‌मिचि खान्‍ङा आसेगुना सेङ्‌सेङ्‌ना सेवाक् येसुङाना बिरुद्‌दाङि ना खालाङ्‌गाङि उछुमाइसागा॥

रोमि 12:9

खानिङा आरु निङ्‌ग्‍वालाम्‍मा डोक् माया चोगानुम्‌चिम्॥ ओचाफेन्‍गा रिङ् नाडानुम् हिट्‌नुङ् खोना रिङ् ओचेट्‌नुना हिट्‌ना रिङ्‌ङि लाहाब् लिसायाक्‍टानि॥

रोमि 15:13

खानि आसा कापिबा माङ्‌हाङ्‌ङा खानि निङ्‌ग्‍वाङि आड्‌डिक् आनान्‍दा हिट्‌नुङ् हाङ्‌हाङ् मापिडियाक् नुङ् आङा बिन्‌टि चोगुङ्‌टुङ्, पोङ्‌भोने खानिङा उन्‌ङि बिस्‍वास आचोगुएसुम्‍मे॥ नाड्‌डेउङ् सेङ्‌सेङ्‌ना हाङ्‌साङाना साक्‌तिलाम्‍मा खानिङि लिसाना आसा पोसा पोसा खाट्‌युक्॥

१ कोरिन्‌थि 1:9

माङ्‌हाङ्‌ङा ना रिङ् चोगुटु, पोङ्‌भोने उन् बिस्‍वासयोग्‍ए वाहेट्॥ उन्‍ङा डोक् उन्‍ङाना छा आनि टाङ्‌बा येसु खिरिस्‍टलोक् साङ्‌गातिङि युङ्‌माउङ्‌सा खानि माछेम्‌डिएसिए॥

२ कोरिन्‌थि 11:31

टाङ्‌बा येसु खिरिस्‍टङाना पाबा माङ्‌हाङ्‌लाउङ्‌सा आङा छेम्‍बाना रिङ् माट्‌टुङ्‌टुङ्, माङ्‌जो चेक्‌निङ्‌ना नुङ् ठाहा युङ्‌ग्‍वा॥ हिट्‌नुङ् उन्‍ङाना सोरोक् पोए-पोए उलियाक्॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

एफिसि 1:3

आनि टाङ्‌बा येसु खिरिस्‍टङाना माङ्‌हाङ् पाबालाउङ्‌सा पोए-पोए उलियाक्॥ उन्‍ङा येसु खिरिस्‍टलाम्‍मा आनिलाउङ्‌सा टोनालोक्‌ङिना ख्‍वाप्‍पा आत्‌मिक् आसिक् आपिडेसे॥

फिलिप्‌पि 2:9

हिड्‌डेउङ् माङ्‌हाङ्‌ङा उन् सोब्‍बे नुङ्‌ना टो मान् चोक्‍माना डेन्‌ङि फोगुए, हिट्‌नुङ् सोब्‍बे नुङ्‌ना माङ्‌ठेना निङ् पिडुङ् उन् टो चोन्‍डुए॥

हिब्‍रु 2:11

हाट्‌ले येसुङा सेङ्‌सेङ् चोगुचिगा याप्‌मिचि हिट्‌नुङ् सेङ्‌सेङ् उलिसागा याप्‌मिचि सोब्‍बेङाना ठिक्‍ए पाबा ए॥ नाड्‌डेउङ् येसुङा हिट्‌नागा सोब्‍बेलाउङ्‌सा आम्‍भु-आन्‍झाचि हिट्‌नुङ् आनो-आन्‍झाचि नुङ् लोमा मोन्‌निसिनिना॥

हिब्‍रु 2:9

टरो छोप्‍मोङ् लाउङ्‌सा माङ्‌हाङ्‌ङा येसु माङ्‌हाङ् रिङ् काउग्‍बाचि नुङ्‌ना खाट्‌टिउना चोगुना रिङ् आनि ठाहा टोगुम्‍टुम्॥ माङ्‌हाङ्‌ङाना ओमायादायाङा उन् सोब्‍बे याप्‌मिचि लाउङ्‌सा सिए, हिट्‌डेउङ् माङ्‌हाङ्‌ङा उन् माहिमा लोक् मान् टोगुम्‍ना मुकुट् मेट्‌टुए॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

१ युहान्‍ना 1:3

आन्‍याँलोक् खानिगा साङ्‌गाति उलियाक् नुङ् डोक् आन्‍याँ जे निसुम्‍मे हिट्‌नुङ् खेम्‍सुम्‍मे, हिट्‌ना डोक् खानिलाउङ्‌सा लोनाँनि॥ आनि साङ्‌गातिउम्‍बाक् माङ्‌हाङ् पाबा हिट्‌नुङ् उन्‍ङाना छा येसु खिरिस्‍टलोक् युङ्‌ग्‍वा॥

पारकास 2:15

हिड्‌डे डोक् खानिङि कोइ-कोइउम् निकोलाइटास ओलोडुचिगा याप्‌मिचिगा हिसिक्‍मा काखेम्‍बा याप्‌मिचि चा ओवाहेट्॥