हिब्रु 1:14 - आठपहरिया14 पोङ्भोने माङ्हाङ् रिङ् काउक्बाचिम् माङ्हाङ्ङाना टोॽवा काचोक् हाङ्साचि एडोक् ए॥ उन्ङा डोक् हिट्नागा मुक्टि ओटोगुगा लाउङ्सा घुवार फामा पाङ्सुचिचि॥ အခန်းကိုကြည့်ပါ။ |
हिब्रु 1:14
65 ပူးပေါင်းရင်းမြစ်များ
हिट्नागा जोतिसिचि ओखाडाउङ्, टाङ्बाङाना ठिबाङ् माङ्हाङ् रिङ् काउग्बा सेम्माङ्ङि योसेफ सोरि ठेट्टे, हिट्नुङ् हिट्नाङा नाड्डे लोडुए, “कोबा, ओओ लोक् उमा खाट्टुचिउङ् मिस्रा देसङि पिन्डा खाडालेट्टा, हिट्नुङ् आङा खान् पाक्चा मिलोए सोम्मा हिट्नि डोक् युङा, पोङ्भोने हेरोदङा ओओ सेप्मा लोङ्सा निङ्ग्वा चोगुएट्टु॥”
हिट्ना बेला डोक् हिट्नि टाङ्बाङाना ठिबाङ् माङ्हाङ् रिङ् काउग्बा ठेट्टे हिट्नुङ् खाम्बाङ्ङिना कोठा व्हाङ् लिसे॥ हिट्नुङ् माङ्हाङ् रिङ् काउग्बाङा पाटरुस ओफाक्टाङ्ङि खोट्टुङ् वान्सा चेन्डुए, हिट्नुङ् “एला कोबा,” पिक्सा फोगुए॥ हिट्ना बेला डोक् पाटरुसङाना उमुक्ङि रेक्बालाक् धाउङाना साङ्लाचि ओफेन्डाउङ् ओठाए॥
आङा पानिछोङ्बाचिलाउङ्सा माङ्हाङ्ङाना बारेङि ओचेट्नुना खाबोर पारचार चोगुङुङ् खिरिस्ट येसुङाना सेवा चोगुङ्टुङ्॥ नाड्डेउङ् पुजारिङा भेटि ठाङ्सु गाड्डे डोक् आङा चा हिट्नागा माङ्हाङ्ङाना उनिङ्ग्वा टासुना भेटि ठाङ्मा हिडुङ्टुङ्, पोङ्भोने सेङ्सेङ्ना हाङ्साङा हिट्नागा सेङ्सेङ्गा याप्मिचि चोगुएसुचे॥
हिट्नागा आप्पेङा डोक् यरुसलेमङिगा बिस्वासिचि घुवार फामा निङ्ग्वा ओचोगुएसुगा डागा॥ छेम्बा डोक्, हिट्नागाँ हिट्नागा घुवार फामाचि उन्चि टोॽवा डोक् ए, पोङ्भोने याहुदि बिस्वासिचिलाम्मा माङ्हाङ्ङाना बारेङि पानिछोङ्बाचिङा ओखेम्सुङ् आसिक् ओटोगुए॥ नाड्डेउङ् पानिछोङ्बाचिङा चा उन्चिलोक् लिसागा थोक्चि याहुदि बिस्वासिचि उपिडुचिउङ् घुवार फामाचि कोन्युक्॥
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
आङालोक् खानि ठिक् रिङ् लोमाना रिङ् युङ्ग्वा॥ हाट्ले माङ्हाङ्ङि भोक् ठाङ्माना याप्मिचिलोक् जिवाट् युङ्ग्वा भोने, हिट्नागालोक् आङ्गुर ओमोॽवा चा युङ्ग्वा हिट्नागाँ हिट्ना भोक्ङाना रुपङि ओठाङ्सुटु॥ छेम्बा डोक्, खानि बिस्वास चा माङ्हाङ्ङि आठाङ्सुम्ना हिट्ना भोक् गाड्डेना डोक् ए॥ हिट्नुङ् याप्मिचिङा आङा सेप्मा चा उहिङा, हिट्डेउङ् आचोलाम्बाक् माङ्हाङ्लाउङ्सा ठाङ्बालाक् आङ्गुर ओमोॽवालोक् टोङ्मा हिडुङ्टुङ्॥ हिट्नुङ् आङा खानिलोक् एक्केउ आनान्दा चोक्ङा॥
माङ्हाङ्ङा हिट्नागा माङ्काटाचिङा ओचोगुना सेवा हिट्नागा आप्पे लाउङ्सा माखाक्, टरो खानि लाउङ्सा नुङ् हिट्नागा लोडुचे॥ हिट्नुङ् टोनालोग्लाम्मा पाङ्बालाक् सेङ्सेङ्ना हाङ्साङाना बोल्ङि खानि लाउङ्सा टाप्बालाक् नुना खाबोर हिट्नागाँ हाट्ले खानि माझाङि पारचार ओचोगुएसुए॥ ना रिङ् माङ्हाङ् रिङ् काउग्बाचिङा चा ठाहा टोक्मा ओकोलुएट्टु॥
नाड्डेडोक्, टालिबाङ्चि खानि टालिमाङ्चि खानि नुङ्ना फेटुलो उलिगा नुङ् बुजा चोगानुमुङ् उन्चिलोक् आयुङिनाँ मान् चोगानुम्चिम्॥ पोङ्भोने हिट्नागाँ चा खानिलोक् डोक् माङ्हाङ्ङा आपिना चोला ओटोगुटु॥ नाड्डेउङ् खानिङा आचोगुम्ना बिन्टिङि खोना खाले चा बाधा उलिनि चा नुङ् खानिङा हिट्नागा नुलोक् चाट्ला मेट्टानुम्चिम्॥
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
ကြော်ငြာတွေ