गालाति 6:16 - आठपहरिया

¹⁶ हाट्‌ले ना रिङ् जुन् जुन्‍ङा उन्‌चि चोलाङि पालान् ओचोगुटु हिट्‌नागा माङ्‌हाङ्‌ङा सान्‌ति पिडुचिचि हिट्‌नुङ् लुक्‍मा टुक्‍टुचिचि॥ हिट्‌नागा याप्‌मिचि डोक् माङ्‌हाङ् ओयाप्‌मिचि ए॥

गालाति 6:16 ပူးပေါင်းရင်းမြစ်များ

युहान्‍ना 1:47

येसुङा नाथानेल उन्‌लेङ् आबागेट्‌टाना निसुङ् हिट्‌नाङाना बारेङि माट्‌टुए, “ठिबाङ् छेम्‍बाना इस्‍राइलि याप्‌मि पुयानुम्, उनिङ्‌ग्‍वाङि पाक्‍चा ओचाफेन्‍मा वाइना॥”

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

युहान्‍ना 16:33

“खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

रोमि 1:7

हिट्‌डेउङ् खानि सोब्‍बे रोमङि आयुङिगा मायालु याप्‌मिचि खानिलाउङ्‌सा माङ्‌हाङ्‌ङा माया माचोगिटि हिट्‌नुङ् ओयाप्‌मिचि नुङ् माछेम्‌डिगा खानि लाउङ्‌सा ना चिट्‌ठि छेप्‍टुङ्‌गेट्‌टुङ्॥ हिट्‌नुङ् खानिलाउङ्‌सा माङ्‌हाङ् आनि पाबा लोक् आनि डाङ्‌बा येसु खिरिस्‍टङा मायादाया लोक् हाङ्‌हाङ् मापिड्‌याक् नुङ् आङा बिन्‌टि चोगुङ्‌टुङ्॥

रोमि 4:12

आब्‍राहाम चा खाताना ओचोगुगा ख्‍वाप्‍पाङागा टुबाठेबा ए, टरो हिट्‌नागाँ खाताना ओचोगुनाँ एडोक् आब्‍राहाम हिट्‌नागाँगा टुबाठेबा लिसाना माखाक्॥ आब्‍राहाम उन्‍ङा खाताना चोक्‍मा पाइले माङ्‌हाङ्‌ङि बिस्‍वास चोगु गाड्‌डे बिस्‍वास ओचोगुगा याप्‌मिचिगा चा टुबाठेबा ए॥

गालाति 1:3

आनि माङ्‌हाङ् पाबा लोक् टाङ्‌बा येसु खिरिस्‍टङा खानि मायादाया लोक् हाङ्‌हाङ् मापिडियाक्॥

गालाति 3:29

हिट्‌नुङ् हाट्‌लेउङ् खानि खिरिस्‍टङाना ओयाप्‌मिचि ए हिट्‌नुङ् खानि आब्‍राहाम ओछालेट्‌चि गाड्‌डे डोक् आलिसिएसिए, हिट्‌नुङ् माङ्‌हाङ्‌ङा आब्‍राहाम लाउङ्‌सा चोगुना चामारसिङा डोक् खानिङा चा आटोगुम्‍टुम्॥

गालाति 5:16

हिड्‌नाडेउङ् आङा खानि लोनाँनि, सेङ्‌सेङ्‌ना हाङ्‌साङा मालोडि गाड्‌डे लाम्‌टियानि, हिट्‌नुङ्‌ना खानिना पापलोक्‍ना निङ्‌ग्‍वाङा चोक्‍मा कोलु गाड्‌डे ओचाफेम्‍मा टोॽवा आचोक्‌निम्‍ना॥

गालाति 5:25

आनि सेङ्‌सेङ्‌ना हाङ्‌साङा ओछोङ्‌ग्‍वाट् चोला आपिडाइसे, हिड्‌डेउङ् हाङ्‌साङा आलोडा गाड्‌डे आनि चोगुम्॥

एफिसि 6:23

ख्‍वाप्‍पा बिस्‍वासि भुम्‍भु-झान्‍झाचिलाउङ्‌सा माङ्‌हाङ् पाबा हिट्‌नुङ् डाङ्‌बा येसु खिरिस्‍टङा हाङ्‌हाङ् मापिड्‌याक्, हिट्‌नुङ् ठिबाङ्‌ङा आरको माया चोक्‍मा काहिबा हिट्‌नुङ् खिरिस्‍टङि बिस्‍वास चोक्‍मायाक्‍मा काहिबा माचोगियाक् नुङ् आङा बिन्‌टि चोगुङ्‌टुङ्॥

फिलिप्‌पि 3:16

माङ्‌हाङ्‌ङा पाइले जे आनि आनिमेट्‌टेसे हिट्‌ना छेम्‍बाना हिसिक्‍मा गाड्‌डे डोक् आनि युङ्‌मा कोन्‌युक्॥

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

फिलिप्‌पि 4:7

खानिङा हिड्‌डे आचोगुमे भोने माङ्‌हाङ् खानिलोक् लियुक् हिट्‌नुङ् खानि निङ्‌ग्‍वाङि हाङ्‌हाङ् मापिडिटि, हिट्‌ना हाङ्‌हाङ् आड्‌डिक् ठेना खोनाङा चा बुझा चोक्‍मा डोक् उहिडुन्‍ना॥ ना हाङ्‌हाङ्‌ङा डोक् खानिगा खेक् हिट्‌नुङ् निङ्‌ग्‍वा खिरिस्‍ट येसुङि जोगाँ चोगुङ् युङ्‌सुटु॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

याहुदा 1:2

माङ्‌हाङ्‌ङा खानि औधि दाया, हाङ्‌हाङ् हिट्‌नुङ् माया मापिडियाक्॥