गालाति 6:14 - आठपहरिया

¹⁴ टरो आङाम्‍बाक् आरु रिङ्‌ङि माखाक्, आनि टाङ्‌बा येसु खिरिस्‍ट खाप्‍चेङि सियाना रिङ्‌ङि एडोक् ठेलोक् नाभुक् चोगुङ्‌टुङ्॥ उन् खाप्‍चेङि सियानाँ आङा लाउङ्‌सा नाराङिगा थोक्‌चि पाक्‍चा माखाक्, हिट्‌नुङ् नारा लाउङ्‌सा आङा पाक्‍चा माखाक्॥

गालाति 6:14 ပူးပေါင်းရင်းမြစ်များ

लुका 20:16

स्‍वाँरा डाङ्‌बा आप्‍पे आप्‌युङ् हिट्‌नागा दुस्‍टा आधिया कामाँ काचोक्‍बाचि सेडुचिचि हिट्‌नुङ् ओस्‍वाँरा आरुलोङ्‌सा पिडुचिचि॥” ना रिङ् याप्‌मिचिङा ओखेम्‍सुङ् ओमाट्‌टुए, “हिट्‌डेम् खोना बेला चा उलिनि चा॥”

रोमि 1:16

आङा खिरिस्‍टङाना बारेङि ना नुना खाबोर खेम्‍मेट्‌मा मोन्‌निङ्‌सिनिङ्‌ना, पोङ्‌भोने ना नुना खाबोर बिस्‍वास काचोक् सोब्‍बे याप्‌मिचि माङ्‌हाङ् ओबोल्‍ङा हिङुचिचि॥ ना नुना खाबोर पाइले आन्‍याँ याहुदि छोङ्‌बाचिङा खेम्‍सुम्‍मे, हिट्‌नुङ् हाट्‌ले खानि पानिछोङ्‌बाचिङा चा आखेम्‍सुम्‍मे॥

रोमि 6:2

हिट्‌डे माखाक्॥ हाट्‌ले नुङ् आनि चोलाङि पापङा आधिन चोगुन्‍ना, हिट्‌डेउङ् आनि पाप चोक्‍मायाक्‍मा कोन्‌निना॥

रोमि 6:6

आनिना ना चोलालाम्‍मा पापङाना आधिकार जाखाम् उलियाक्, हिट्‌नुङ् हाट्‌लेउङ् पापङाना ओकामारा आनि उलिसिन्‍चा नुङ् आनिना पाइलेना चोला याप्‌मिचिङा येसु खाप्‍चेङि उछुडुनाँ उन्‌लोक् डोक् खाप्‍चेङि छुडाना रिङ् आनिलाउङ्‌सा ठाहा युङ्‌ग्‍वा॥

१ कोरिन्‌थि 1:23

टरो आन्‍याँम्‍बाक् खाप्‍चेङि छुडाना खिरिस्‍टङाना खाबोर पारचार चोगुम्‍टुम्‍मा॥ याहुदिचिङा ना खाबोर लाड्‌मा चिम्‍मा उफुट्‌टुए, हिट्‌नुङ् पानिछोङ्‌बाचिङा ना खाबोर काम लाहाब् लिनिना नुङ् उमिट्‌टुए॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

१ कोरिन्‌थि 2:2

पोङ्‌भोने खानिलोक् लिसाङ्‌नाँ येसु खिरिस्‍ट लोक् उन् खाप्‍चेङि उछुडुना रिङ् माले पाक्‍चा लोमाना निङ्‌ग्‍वा चोक्‍नेयाट्‌निङ्॥

१ कोरिन्‌थि 3:21

हिट्‌डेउङ् याप्‌मिङा ओचोगुना टोॽवाङाना बारेङि ठेलोक् लिमाना टोॽवा चोग्‍नेनुम्॥ पोङ्‌भोने सोब्‍बे थोक् खानिगा ओचेट्‌नु लोङ्‌सा डोक् माङ्‌हाङ्‌ङा मापिडिटिटि,

२ कोरिन्‌थि 11:12

टरो आङा सोरोक् चोगुङ्‌ना टोॽवा डोक् चोगुङ्‌याक्‍टुङ्‌टुङ्॥ हिट्‌नुङ् आप्‍पे ठेगा मुलिचेलाचि नुङ् लिमा ओकोन्‍गा याप्‌मिचिङा आन्‍याँ चोगुम्‍मागा टोॽवा गाड्‌डे डोक् चोगुएट्‌टुम्‍मा नुङ् ठेलोक् रिङ् पिक्‍मा उहिडुन्‍गा॥

गालाति 1:4

हाट्‌ले आनि माङ्‌हाङ् पाबाङाना उनिङ्‌ग्‍वा गाड्‌डे येसुङा ना भेन्‍ना जुगलाम्‍मा छुट्‌कारा पिमाउङ्‌सा आनि पापङाना ओसाट्‌टोङि आप्‍पे ओचोला भोक् पिडुए॥

गालाति 2:17

टरो आम्‍टेप्‍मा याहुदिचिङा आनि पापि लिसिएसिङे नुङ् उमिट्‌टुगा, पोङ्‌भोने आनि धारमोति लिमाउङ्‌सा धारमाबिधि पालान् चोक्‍मा नाडुमुङ् खिरिस्‍टङि बिस्‍वास चोगुम्‍टुम्॥ हिड्‌डे भोने धारमाबिधि पालान् चोक्‍मा नाडुम्‍नाँ, पाक् खिरिस्‍टङा पाप चोक्‍मा आनि आमेट्‌युक्‌नि टे? हिट्‌नाडे लिनिना॥

गालाति 2:19

पाइले आङा धारमाबिधि पालान् चोक्‍मा कोलुङे, टरो ना धारमाबिधिङा आङा फाट्‌टुर याङ्‌लाबे॥ हिट्‌डेउङ् माङ्‌हाङ् लाउङ्‌सा हिङ्‌मा आङा धारमाबिधि पालान् चोक्‍मा नाडुङे॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

गालाति 3:21

हिट्‌डे भोने पाक् धारमाबिधि माङ्‌हाङ्‌ङाना चामारसिङा एङ्‌फुट्‌ङि कोब्‌युक्‌नि टे? हिट्‌डे माखाक्॥ धारमाबिधिङा याप्‌मि ओछोङ्‌ग्‍वाट् चोला पिडुनाँ बे, हिट्‌ना पालान् चोगुङ् डोक् याप्‌मि माङ्‌हाङ् ओटोकानाङि फाट्‌टुर माले लिसे बे॥

गालाति 5:24

खिरिस्‍ट येसुङि उलिगा याप्‌मिचि टेप्‍माङा उन्‌चि पापलोक्‍ना चोलालोक् ओभेन्‍गा निङ्‌ग्‍वा चा खाप्‍चेङि ओसेडुटु॥

फिलिप्‌पि 3:18

पोङ्‌भोने आङा पाइले डोक् खानि याप्‍मा खेप् लोनानिगा याप्‌मिचि बारेङि फेरि चा हाप्‍सा खानि लोनाँनि, नाहि जोम् याप्‌मिचि ओवाहेट्, हिट्‌नागाउम् खिरिस्‍ट बिस्‍वास चोगुम्‍टुम्‍मा नुङ् उपिग्‍गा, टरो हिट्‌नागाउम् खिरिस्‍टङाना खाप्‍चेङाना साट्‌टुरचि गाड्‌डे चाट्‌ला ओचोग्‍गा॥

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

कालास्‌सि 2:20

खानिउम् टे खिरिस्‍टलोक् डोक् आसिए हिट्‌नुङ् ना नाराङिगा निति नियाम हाट्‌लेउङ् खानिङा टेम्‍मा कोन्‌निना॥ हिट्‌डेउङ् पोङ् आझै ना नाराङिगा निति नियामचि नाड्‌डे पिक्‍सा,