गालाति 5:26 - आठपहरिया

²⁶ हिट्‌नुङ् आनि आम्‍टेप्‍मा औधि ठेङाना नुङ् माट्‌मा लिनिना, आरु याप्‌मिचिलोक् चुङ्‌मा लिनिना, हिट्‌नुङ् ठिबाङ्‌ङा आरको रेक् काप्‍माना टोॽवा चोक्‍मा लिनिना॥

गालाति 5:26 ပူးပေါင်းရင်းမြစ်များ

लुका 14:10

टरो निम्‍टो आटोगुङ् भ्‍या भातेरङि आखाट्‌नाँ यो खाम्‌मि डोक् युङा, हिट्‌नुङ् निम्‍टो कालोबा आप्‌युङ् खान् मालोयुक्, ‘हाउ आम्‍बु, नाहि नाट्‌टो डोक् काडाउङ् युङा॥’ हिट्‌ना बेला सोब्‍बे सोरि कानिङ् भेन्‌युक्॥

१ कोरिन्‌थि 3:7

हिट्‌नाड्‌डेउङ् लालिक् कालेट्‌बा लोक् चुवा काठेन् ठेना माखाक्, टरो माङ्‌हाङ् एना ठेना, पोङ्‌भोने उन्‍ङा लालिक् पोमेट्‌टुटु॥

गालाति 5:15

टरो खानि आप्‍पे-आप्‍पे आखेइयाक्‌टिटि हिट्‌नुङ् खानि खानि केङ्‌केङ् आचोगिटि भोने, ओछेक्‍छेक् चोगानि, नाभाम्‍टे खानि आप्‍पे-आप्‍पे जाखाम् आलिसिटि॥

फिलिप्‌पि 4:15

खानि फिलिप्‌पिङिगा आसाइबाचि, उटुम्‌ङि आङा खानि सोरि नुना खाबोर पारचार चोगुङुङ् माकेडोनिया पोक्‍टुङ् खाडाङ्‌नाँ आङा घुवार काफाबाचि खानि एडोक् नुङ् खानि आप्‍पेलाउङ्‌सा ठाहा युङ्‌ग्‍वा॥ खानिङा एडोक् आङा ओफाबा याङ्‌हाक्‌टिङाउङ् घुवार याङ्आफाडिङे॥

याकुब 4:16

टरो खानि नाड्‌डे आचोगिन्‍गेट्‌टिन्‍गा, खानिङा आप्‍पे योजाना आचोगुमुङ् ठेलोक् आचोगेएट्‌टि॥ ना पारा ठेलोक् चोक्‍मा उचाफेम्‍मा ए॥

१ पाटरुस 5:5

हिट्‌नाड्‌डे डोक् ठाङ्‌बेन् याप्‌मिचि, खानि माङ्‌पाङ्‌ङिगा एल्‍डारचिगा आधिन्‌ङि युङानि॥ खानि ख्‍वाप्‍पा मेयोक् लिसानिउङ् युङानि हिट्‌नुङ् ठिबाङ्‌ङा आरकोङाना सेवा चोगानुम्॥ पोङ्‌भोने धारमाछाप्‍लाङि नाड्‌डे छेप्‍टेसे, “माङ्‌हाङ्‌ङा ओठेयुजागा याप्‌मिचि बिरोध चोगुचिचि, टरो मेयोक् उलिगा याप्‌मिचि मायादाया चोगुचिचि॥”