गालाति 5:19 - आठपहरिया19 आनिना पाप निङ्ग्वाङा चोगुगा टोॽवाचि सोब्बेलाउङ्सा ठाहा युङ्ग्वा, हिट्नागाम्बाक् इम्मेप्माजामा टोॽवा चोक्मा, आसुद्दो निङ्ग्वा चोक्मा, हिट्नुङ् मोन्डिसिइना टोॽवा चोक्मा, အခန်းကိုကြည့်ပါ။ |
गालाति 5:19
30 ပူးပေါင်းရင်းမြစ်များ
आङा माङ्हाङ् पोए-पोए ठाङ्सुङ्टुङ्, उन्ङा डोक् आनि डाङ्बा येसु खिरिस्टलाम्मा छुट्कारा आपियुक्॥ हिट्डेउङ् आनिङ्ग्वालाम्मा माङ्हाङ्ङाना धारमाबिधि पालान् चोक्मा निङ्ग्वा चोगुङ्टुङ्, टरो हिट्ना ठिक्ए बेला आनिङ्ग्वाङि ओभेन्ना निङ्ग्वा लिसानाँ पापङा घारिघारि आङा आधिन् याङ्चोक्ना॥
धारमाबिधिङा पापङाना साक्तिलाम्मा आनि छुट्कारा पिमा आहिनेट्नि, पोङ्भोने आनि पाप चाट्लालोक्ना याप्मि लिसिनाँ धारमाबिधि पालान् चोक्मा हिनेट्निम्॥ टरो धारमाबिधिङा चोक्मा हिडुवाट्टुन्ना रिङ् माङ्हाङ्ङा चोगुए॥ हिट्नुङ् उन्ङा आनि याप्मिङाना गाड्डेना येम्ङि उइछा पाङ्सुए, हिट्नुङ् उन्ङा खिरिस्टङाना ओयेम् भोक् पिडुङ् आनि पाप जाखाम् चोगुए॥
हिट्नुङ् हाट्ले चा खानि आप्पे निङ्ग्वाङिगा रिङ् युमाङि एडोक् लाहाब् आलिसिइसिए हिट्नुङ् खानि खानिङि रेक् काप्माना रिङ् हिट्नुङ् खेमाबुङ्मा युङ्ग्वा॥ नाड्डेगा रिङ् आचोगुम्टुम् भोने, पाक् आझै चा खानि आप्पे निङ्ग्वाङिगा रिङ् एडोक् पुरो चोग्मा लाहाब् आलिसिन्गेट्टिन्गै टे? छेम्बा डोक्, खानि नाराङिगा याप्मिचि गाड्डे डोक् आचोगेट्टि॥
आनिना ओचाफेम्मा निङ्ग्वाङा चोक्मा कोलुना रिङ् सेङ्सेङ्ना हाङ्साङाना बिरुद्दाङि लियुक्, हिट्नुङ् सेङ्सेङ्ना हाङ्साङा चोक्मा कोलुना रिङ् आनिना ओचाफेन्ना निङ्ग्वाङाना बिरुद्दाङि लियुक्॥ नागाचि इप्पोक् साक्ति ठिक् आरकोङाना बिरुद्दाङि कोब्चिगा॥ हिट्डेउङ् आनिना ओभेन्ना निङ्ग्वाङा चोगुनाँ आनि चोक्मा कोलुम्ना ओचेट्नुना टोॽवा चोक्मा हिनिम्ना॥
ठिक् बेला आनि आप्पे चा डोम्डोम्गा, रिङ् खेम्निम्गा हिट्नुङ् ठागाँ लिसिगा याप्मि लिसिएसिगा॥ आनि जोम् ओचाफेन्ना निङ्ग्वा लोक् ओचाफेन्लोक् मोज्मोज्जाङाना कामारा लिसेइसिगा॥ आनि चोला ख्वाप्पा दुस्टा हिट्नुङ् रेक् काप्मा रिङ्ङा इप्टुएसुना, हिट्नुङ् याप्मिचिङा चिम्मा आफुट्टागा हिट्नुङ् याप्मिचि चिम्मा फुट्टुम्चिम्गा याप्मिचि वासेट्टिगा॥
टरो डारछेरुवा याप्मिचि, धोका कापि याप्मिचि, चिम्मा फुट्टुम्ना टोॽवा काचोक्चि, याप्मि कासेट्, हिट्नुङ् इम्मेट्माजामा टोॽवा काचोक्चि, चाटाके याप्मिचि, मुरति साम्माङ् काचोक् याप्मिचि हिट्नुङ् माङ्जो रिङ् ओचेग्गा याप्मिचि मि लोक् गान्धाक् हाट्ना भाट्टिङि ओठायुक्॥ हिट्नाम्बाक् दोस्रो खेप् सिमा ए॥”
ကြော်ငြာတွေ