गालाति 5:16 - आठपहरिया

¹⁶ हिड्‌नाडेउङ् आङा खानि लोनाँनि, सेङ्‌सेङ्‌ना हाङ्‌साङा मालोडि गाड्‌डे लाम्‌टियानि, हिट्‌नुङ्‌ना खानिना पापलोक्‍ना निङ्‌ग्‍वाङा चोक्‍मा कोलु गाड्‌डे ओचाफेम्‍मा टोॽवा आचोक्‌निम्‍ना॥

गालाति 5:16 ပူးပေါင်းရင်းမြစ်များ

रोमि 6:12

हिट्‌नाडेउङ् खानिना ना सियुएट्‌ना येम्‌ङि पापलाउङ्‌सा आधिन् चोक्‍मा पिनेनुम्, हिट्‌नुङ् खानि येम्‌ङा चोक्‍मा कोलुगा ओचाफेन्‍गा थोक्‌चि चोक्‍मा पिनेनुम्॥

रोमि 8:1

हिट्‌नाडेउङ् हाट्‌ले खिरिस्‍ट येसुङि भोरोसा उयुङ्‌सुगालाउङ्‌सा माङ्‌हाङ्‌ङा फाट्‌टुर लाबुन्‌चिन्‍गा॥

१ कोरिन्‌थि 7:29

बिस्‍वासि आसाइबाचि, हाट्‌ले आङा खानि ना रिङ् लोनाँनि, ना नाराङि युङ्‌माना आनिलोक् याप्‍मा बेला वाइना॥ हाट्‌लेउङ् खानि भ्‍या आलिसिगा येम्‍बेछाचि खानि टालिमाङ्‌ङि एडोक् निङ्‌ग्‍वा पिनेनुम्॥

२ कोरिन्‌थि 7:1

मायालु आसाइबाचि, माङ्‌हाङ्‌ङा आनि नागा चामारसिङा आचोगानाँ आनि येम् हिट्‌नुङ् आनि हाङ्‌सा आसुद्‌दो चोगुना साब्‍बे पारिक्‍गा रिङ् चोक्‍मा नाडुम्, हिट्‌नुङ् माङ्‌हाङ् मान् चोगुमुङ् पुरो सेङ्‌सेङ् लिसा खाडि॥

गालाति 3:17

आङा माप्‍मा कोलुङ्‌ना रिङ्उम्‍बाक् ना ए, माङ्‌हाङ्‌ङा आब्‍राहामलोक् चोगुना माङ्‌हुप् युमा निस्‌चित चोगुए॥ हिट्‌डेउङ् टेम्‍बोक् साए तिस बारखा एङ्‌स्‍वा टायाना धारमाबिधिङा हिट्‌ना माङ्‌हुप् टुग्‍मा हिडुन्‍ना॥

गालाति 6:8

जुन् याप्‌मिङा उनिङ्‌ग्‍वाङिना ओचाफेम्‍माना रिङ् चोक्‍मा एडोक् निङ्‌ग्‍वा पिडुटु, हिट्‌नाङा जाखाम् लिमाना रिङ् टाडुटु॥ टरो जुन्‍ङा सेङ्‌सेङ्‌ना हाङ्‌साङाना निङ्‌ग्‍वाङाना रिङ् चोगुटु, हिट्‌नाङा सेङ्‌सेङ्‌ना हाङ्‌सालाम्‍मा लाट्‌निना चोला टोगुटु॥

एफिसि 2:3

ठिक् बेला आनि सोब्‍बे चा हिट्‌नागा गाड्‌डे डोक् आनि येम्‌ङा कोलुगा ओभेन्‍गा थोक्‌चि हिट्‌नुङ् आनि निङ्‌ग्‍वाङा चोक्‍मा आमेट्‌टाना रिङ्‌चि चोक्‍सा वासिगा डागा॥ आनिलोक् माङ्‌हाङ्‌ङाना ओयाक् लेडे हिट्‌नुङ् आरु याप्‌मिचि साजाए पिडुचि गाड्‌डे आनि चा साजाए आपिडालाबाना डाना॥

कालास्‌सि 2:11

खानि खिरिस्‍टङि आलिसिनाँ डोक् खानि खाताना आलिसिगा डागा॥ ना रिङ्‌ङा माप्‍मा कोलुनाम्‍बाक् याप्‌मिलाम्‍मा येम्‌ङि खाताना चोक्‍मा माखाक्, टरो खिरिस्‍टङा खानिगा पापलोक्‍ना निङ्‌ग्‍वा ख्‍वाप्‍पा टुगुडिसुए नुङ् माट्‌टुना ए॥

१ पाटरुस 1:14

खानि माङ्‌हाङ् छाचि गाड्‌डे आग्‍याँकारि आलिसिनाँ पाइले ठाहा मिटोक्‍ङे आचोगुम्‍गा ओभेन्‍गा निङ्‌ग्‍वा गाड्‌डे हाट्‌ले चोक्‍नेनिन्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 2:11

आसाइबाचि, ना नाराङि खानि होप्‍मो बेला सोम्‍मा आयुङिगा हिट्‌नुङ् भारा देसङि आयुङिगा गाड्‌डेगा डोक् ए॥ हिट्‌नुङ् खानि येम्‌ङा कोलुगा ओचाफेन्‍गा रिङ् चोक्‍मालाम्‍मा लाप्‍माङ् युङानि नुङ् खानि बिन्‌टि चोक्‍नाँनि॥ नाड्‌डेगा रिङ् हाङ्‌साङाना बिरुद्‌दाङि सोरोक् कोब्‌युयाक्‌युक्॥

१ पाटरुस 4:6

हिट्‌नाड्‌डेउङ् नुना खाबोर उसियागालाउङ्‌सा चा पारचार चोक्‍बालाक् ए, पोङ्‌भोने हिट्‌नागाँगा चा आरु याप्‌मिचि गाड्‌डे न्‍याए लिसा चा हाङ्‌साङिम्‍बाक् माङ्‌हाङ् गाड्‌डे डोक् उहिङ्‌याक् नुङ् हिट्‌नागा नुना खाबोर ओखेम्‍मेट्‌टुचिगा ए॥