गालाति 4:6 - आठपहरिया

⁶ हाट्‌ले आनि माङ्‌हाङ् ओछालेट्‌चि ए, हिट्‌नुङ् माङ्‌हाङ्‌ङा उइछाङाना ओहाङ्‌सा आनि निङ्‌ग्‍वाङि आठेन्‍डाबिडाइसे, हिट्‌नुङ् हिट्‌ना हाङ्‌सालाम्‍मा आनि उन् “हाउ आब्‍बा, पाबा” नुङ् छेम्‍मा हिडुम्‍टुम्॥

गालाति 4:6 ပူးပေါင်းရင်းမြစ်များ

मारकुस 14:36

उन्‍ङा नाड्‌डे माट्‌टुङ् बिन्‌टि चोगुए, “आब्‍बा, माङ्‌हाङ् पाबा, खान्‍ङा सोब्‍बे रिङ् चोक्‍मा आहिडुटु॥ ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा माखाक्, कानिङ्‌ग्‍वा गाड्‌डे डोक् उलियाक्॥”

लुका 11:13

खानि ओभेन्‍गा याप्‌मिचि आलिसि चा खानि छाचि लोङ्‌सा आम्‍टेप्‍मा नुगा थोक्‌चि आपिडुम्‌चिम्‍गा भोने, खानिङा टोनालोग्‌ङिना माङ्‌हाङ् टोकुबालोक् सेङ्‌सेङ्‌ना हाङ्‌सा आनाक्‍टुमे भोने, खानि उन्‍ङा मापिडिन्‍गै टे?”

लुका 11:2

हिट्‌नुङ् येसुङा हिट्‌नागा लोडुचे, “खानि नाड्‌डे पारा बिन्‌टि चोगानि– ‘हाउ माङ्‌हाङ् पाबा, कानिङ् सेङ्‌सेङ् उलियाक्, खान्‍ङाना कामुलुक् ओटायाक्॥

युहान्‍ना 14:16

हिट्‌नुङ् आङा पाबाङि बिन्‌टि ठाङ्‌सुङ्‌टुङ्, हिट्‌नुङ् उन्‍ङा आरको घुवार काफाबा खानि लाउङ्‌सा मापाङ्‌सिबिडिटि, हिट्‌नुङ् उन् सोरोक् खानिलोक् लियुक्॥

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

युहान्‍ना 16:7

टरो आङा खानि छेम्‍बाना रिङ् लोनाँनि, आङा नाहिलाम्‍मा खाप्‍मा डोक् खानिलोङ्‌सा ओचेट्‌नुना लियुक्, पोङ्‌भोने आङा खाट्‌नेट्‌निङ् भोने, घुवार काफाबा खानिङि उङ्‌निना॥ टरो आङा खाडाङे भोने उन् खानिङि आङा पाङ्‌सुङ्‌टुङ्॥

युहान्‍ना 3:34

पोङ्‌भोने उन् माङ्‌हाङ्‌ङा पाङ्‌सुना॥ उन्‍ङा माङ्‌हाङ्‌ङाना डोक् रिङ् माट्‌टुटु, पोङ्‌भोने माङ्‌हाङ्‌ङा सेङ्‌सेङ्‌ना हाङ्‌सा उन्‌लाउङ्‌सा आड्‌डिक् जोम् पिडुटु॥

युहान्‍ना 7:39

ना रिङ् येसुङा उन्‌ङि बिस्‍वास काचोक्‌चिङा ओटोगु लाबुना सेङ्‌सेङ्‌ना हाङ्‌साङाना बारेङि माट्‌टुना डाना॥ टरो हिट्‌ना बेला सोम्‍मा माङ्‌हाङ्‌ङा सेङ्‌सेङ्‌ना हाङ्‌सा हिट्‌नागा पिडुन्‍गेट्‌टुन्‌चिन्‍गा डागा, पोङ्‌भोने उन्‍ङा येसुङाना माहिमा पारकाट् चोगुन्‍गेट्‌टुन्‍ना डाना॥

मुलिचेला टोॽवा 16:7

हिट्‌नुङ् माइसिया छेट्‌राङाना साँधेरिङि ओटासुङ् हिट्‌नागा बिथिनिया छेट्‌रालेङ् खाप्‍माना निङ्‌ग्‍वा ओचोगुए॥ टरो येसुङाना ओहाङ्‌साङा हिड्‌डे चोक्‍मा पिडुवाट्‌टुन्‌चिन्॥

रोमि 5:5

हिट्‌नुङ् आनि चोगुम्‍ना आसाङा निरासा आचोक्‌निना, पोङ्‌भोने माङ्‌हाङ्‌ङा आनि औधि माया आचोक्‍ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

रोमि 8:9

छेम्‍बा डोक्, माङ्‌हाङ्‌ङाना सेङ्‌सेङ्‌ना ओहाङ्‌सा खानिलोक् युङ्‌ग्‍वा भोने, खानि पापलोक्‍ना निङ्‌ग्‍वाङाना आधिन्‌ङि आवासिन्‍गा, टरो खानि माङ्‌हाङ्‌ङाना ओहाङ्‌साङाना आधिन्‌ङि आवासिटि॥ हिट्‌नुङ् खोना चा याप्‌मिलोक् खिरिस्‍टङाना ओहाङ्‌सा वाइना भोने, हिट्‌ना खिरिस्‍टङाना ओयाप्‌मि लिमा डोक् लिनिना॥

१ कोरिन्‌थि 15:45

धारमाछाप्‍लाङि नाड्‌डे छेप्‍टेसे, “पाइलेना याप्‌मि आदाम उहिङ्‌ग्‍वाट् याप्‌मि लिसे॥” खिरिस्‍टम्‍बाक् आखेरिङिना आदाम ए, उन् चोला कापिबा हाङ्‌सा लिसे॥

२ कोरिन्‌थि 1:22

हिट्‌नुङ् आनि उन्‍ङाना डोक् नुङ् निमेट्‌माउङ्‌सा उन्‍ङा सेङ्‌सेङ्‌ना हाङ्‌साङा उन्‍ङाना आङ्‌गुलिङाना छाप् आनि निङ्‌ग्‍वाङि आयुङ्‌साबिडेसे॥ नाड्‌डेउङ् सेङ्‌सेङ्‌ना हाङ्‌सा आपिडानाँ उन्‍ङाना ख्‍वाप्‍पा चामारसिङा आनि टोगुम्‍टुम्॥

२ कोरिन्‌थि 3:17

पोङ्‌भोने टाङ्‌बा हाङ्‌सा ए, हिट्‌नुङ् टाङ्‌बाङाना ओहाङ्‌सा खोनि खोनि लियुक्, हिट्‌ना हाङ्‌साङा हिट्‌ना सोतान्‍तर चोगुटु॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

एफिसि 2:18

हिट्‌नुङ् उन्‌लाम्‍मा डोक् आनि इप्‍पाङ् छोङ्‌बा ठिक्‍ए सेङ्‌सेङ्‌ना हाङ्‌सालाम्‍मा माङ्‌हाङ् पाबा ओटोकानाङि खाट्‌मा टोगुएसुम्‍मे॥

एफिसि 4:30

माङ्‌हाङ्‌ङाना सेङ्‌सेङ्‌ना हाङ्‌सा दुखे चाट्‌नेनुम्, पोङ्‌भोने सेङ्‌सेङ्‌ना ओहाङ्‌साङा डोक् खानि ठिक् लेम्‍बा माङ्‌हाङ्‌ङा छुट्‌कारा माचोगिटि नुङ् मापिडिना चिन्‍ना ए॥

एफिसि 6:18

माङ्‌हाङ् घुवार नाक्‍टानुमुङ् सोरोक् बिन्‌टि चोगायाक्‍टानि, हिट्‌नुङ् सोब्‍बे बेला सेङ्‌सेङ्‌ना हाङ्‌साङाना ओबोल्‌ङि बिन्‌टि चोगानि॥ सोरोक् ओछेक्‍छेक् लिसानि हिट्‌नुङ् ख्‍वाप्‍पा माङ्‌हाङ् ओयाप्‌मिचि लाउङ्‌सा सोरोक् बिन्‌टि चोगायाक्‍टानुम्॥

फिलिप्‌पि 1:19

पोङ्‌भोने खानिङा आङा लाउङ्‌सा बिन्‌टि आचोगुमुङ् हिट्‌नुङ् टाङ्‌बा येसु खिरिस्‍टङा आपिडाना सेङ्‌सेङ्‌ना हाङ्‌साङा घुवार याङ्‌फाडाउङ् छुट्‌कारा टोगुङ्‌ना नुङ् आङा ठाहा टोगुङ्‌टुङ्॥

१ थेसालोनिकि 4:8

हिड्‌डेउङ् जुन्‍ङा ना रिङ् इन्‍कार चोगुटु हिट्‌नाङाम्‍टे याप्‌मिङाना माखाक्, टरो माङ्‌हाङ् इन्‍कार चोगुटु, उन्‍ङा डोक् आप्‍पे उन्‍ङाना सेङ्‌सेङ्‌ना हाङ्‌सा आपियुक्॥

१ पाटरुस 1:11

माङ्‌काटाचिङा ना खोड्‌डेउङ् हिट्‌नुङ् खोना बेला लियुक्‍ना नुङ् ठाहा टोक्‍मा ओकोलुए॥ हिट्‌नुङ् हिट्‌नागा भिट्‌रा लिसाना खिरिस्‍टङाना सेङ्‌सेङ्‌ना ओहाङ्‌साङा उन्‍ङा याङ्‌छामा आङ्‌मा कोन्‌युक् हिट्‌नुङ् आड्‌डिक् मान् टोगुटु नुङ् पाइले डोक् लोडुचे॥

याहुदा 1:20

टरो मायालु आसाइबाचि, खानिम्‍बाक् सेङ्‌सेङ्‌ना बिस्‍वासङि बोल्‍लेउ लिसानिउङ् पोसा खाडानि, हिट्‌नुङ् सेङ्‌सेङ्‌ना हाङ्‌साङाना बोल्‌ङि बिन्‌टि चोगानि॥

पारकास 19:10

हिट्‌नुङ् हिट्‌ना माङ्‌हाङ् रिङ् काउग्‍बा माङ्‌ध्‍यान् चोक्‍मा लाउङ्‌सा ओटोकानाङि गुङ् चोगाङे, टरो हिट्‌नाङा आङा नाड्‌डे याङ्‌लोडे, “नाड्‌डे चोक्‍नेन्॥ आङाउम्‍टे खान् हिट्‌नुङ् बिस्‍वासि कासाइबाचि गाड्‌डे येसुङाना सेवा काचोक्‍बा एडोक् ए॥ खान्‍ङा माङ्‌हाङ् एडोक् माङ्‌ध्‍यान् चोक्‍मा कोन्‌युक्, पोङ्‌भोने छेम्‍बाना माङ्‌हाङ्‌लाम्‍माना रिङ् काचेक्‍बाङा एडोक् येसुङाना बारे आरु लोडुचिचि॥”