गालाति 4:26 - आठपहरिया

²⁶ टरो साराम्‍बाक् टोनालोग्‌ङिना यरुसलेमलोक् टोङ्‌मा हिडुम्‍टुम्, पोङ्‌भोने उन् चाकारनि माखाक्॥ हिट्‌नुङ् हाट्‌ले सारा डोक् आनि मामा नुङ् लोमा हिडुम्‍टुम्॥

गालाति 4:26 ပူးပေါင်းရင်းမြစ်များ

युहान्‍ना 8:36

हिड्‌नाड्‌डेउङ् छाङा खानि छुट्‌कारा मापिडिटि भोने, खानिङा छेम्‍बारोक् छुट्‌कारा आटोगुम्‍टुम्॥

रोमि 6:14

हिट्‌नुङ् पापङा खानि उठुङ्‌ङि आधिन् चोगुन्‍ना, पोङ्‌भोने खानि धारमाबिधिङाना ओआधिन्‌ङि माखाक्, टरो माङ्‌हाङ्‌ङाना ओदायामायाङाना आधिन्‌ङि आवासेट्‌टि॥

रोमि 6:18

हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् ओचेट्‌नुना टोॽवा चोक्‍मा लाउङ्‌सा माङ्‌हाङ् ओकामारा खानि आलिसेसिए॥

गालाति 4:22

धारमाछाप्‍लाङि नाड्‌डे छेप्‍टेसे, आब्‍राहामङाना इप्‍पाङ् येम्‍बेछा उइछाचि डाचिगा, ठिबाङ् चाकारनि हागारलाम्‍मा भोने, आरकोम्‍बाक् आप्‍पे ओटालिमाङ् सारालाम्‍मा॥

गालाति 5:1

खिरिस्‍टङा आनि सोतान्‍तर लिमाउङ्‌सा छुट्‌कारा आचोगाइसे॥ हिड्‌डेउङ् दोरो लिसानिउङ् युङानि, हिट्‌नुङ् फेरि धारमाबिधिङाना चाकार लिनेनिन्॥

फिलिप्‌पि 3:20

टरो आनिम्‍टे टोनालोग्‌ङिना नागारिक् ए, हिट्‌नुङ् हिट्‌नालाम्‍मा उङ्‌ना काहिङ्‌मेप्‍बा डाङ्‌बा आन्‍याँ टाङ्‌बा येसु खिरिस्‍टङाना ओलाम्‍बो आन्‍याँ पुयेट्‌टुम्‍मा॥

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

१ पाटरुस 2:16

सोतान्‍तर लिसाना याप्‌मिचि गाड्‌डे डोक् युङानि, टरो सोतान्‍तर लिसाङे नुङ् ओभेन्‍गा टोॽवा चोक्‍माना बाहाना चोग्‍नेनुम्॥ बोरु माङ्‌हाङ्‌ङाना चाकार गाड्‌डे डोक् चोगानिउङ् युङानि॥

पारकास 12:1

हिट्‌नुङ् टोनालोग्‌ङि आङा ठिक् डोङ् ठोङ्‌डिना ठेना चिन्‍ना निसुङे॥ हिट्‌नि नाम्‍छेडाना गाड्‌डे डोक् ओम्‍साना लोट्‌लिङ् वाडुना मेन्‍झेमा आङा निसुङे, लालिप्‍माङ् येप्‍टुङ् हिट्‌ना येबैसाना॥ हिट्‌नुङ् ओटेहेक्‌ङि बारो ओटा चोक्‌चिङ्‌गेट्‌ङाना मुकुट् वाडेसुना॥

पारकास 17:5

हिट्‌ना मेन्‍झेमाङाना ओनाम्‍धाङ्‌ङि ठिक् ठोबाना उटुप् लिना निङ् छेप्‍टेसाना॥ हिट्‌नि नाड्‌डे छेप्‍टेसाना, “माङ्‌ठेना बेबिलोन खालाङ्‌गा, नाराङिगा वालाफेडुमाचिगा मामा गाड्‌डे डोक् चोक्‍ना, हिट्‌नुङ् नाराङिगा सोब्‍बे ओचाफेन्‍ना टोॽवाङाना उपुन् हिट्‌ना डोक् ए॥”

पारकास 21:2

हिट्‌नुङ् आङा सेङ्‌सेङ्‌ना खालाङ्‌गा ओछोङ्‌ग्‍वाट् यरुसलेम निसुङे, हिट्‌ना टोनालोग्‌ङि माङ्‌हाङ्‌लाम्‍मा नाराङि उङ्‌सागेट्‌टाना॥ हिट्‌ना खालाङ्‌गा बेउला टुब्‍मा सिङ्‌गार लिसाना बेहुलि गाड्‌डे डोक् टेयार लिसाना आङा निसुङे॥

पारकास 3:12

“जुन्‍ङा दुस्‍टा मेट्‌टुटु, हिट्‌ना आङाना माङ्‌हाङ् ओटोकानाङि मान् चोगुङ्‌टुङ्॥ हिट्‌ना सोरोक् हिट्‌नि लियुयाक्‌युक् हिट्‌नुङ् खोना बेला चा होन्‌निना॥ आङा हिट्‌नाङि आङाना माङ्‌हाङ् उनिङ् हिट्‌नुङ् उन्‍ङाना खालाङ्‌गा उनिङ् छेप्‍टुङ्‌बिडुङ्‌टुङ्, हिट्‌नाम्‍बाक् आमाङ्‌हाङ्‌लाम्‍मा टोनालोग्‌लाम् उङ्‌युगेट्‌ना ओछोङ्‌ग्‍वाट् यरुसलेम ए॥ हिट्‌नुङ् हिट्‌नाङि आप्‍पे आङाना ओछोङ्‌ग्‍वाट् आनिङ् चा छेप्‍टुङ्‌टुङ्॥