गालाति 4:17 - आठपहरिया

¹⁷ माङ्‌जोना रिङ् काहिसिक्‍बाचिङा खानि निङ्‌ग्‍वा मेप्‍मा आड्‌डिक् ओकोलुएट्‌टु, टरो हिट्‌नागाँगा निङ्‌ग्‍वाम्‍बाक् ओचेट्‌नुना चोक्‍माउङ्‌सा माखाक्॥ खानिङाम्‍बाक् हिट्‌नागालेङ् एडोक् निङ्‌ग्‍वा आपिडुम् नुङ् आङालाम्‍मा साम्‍मा हिट्‌नागाँ खानि माकोलेएट्‌टि॥

गालाति 4:17 ပူးပေါင်းရင်းမြစ်များ

मात्‌ति 23:15

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा ठिबाङ् खानि धारमाङि चोक्‍मा लोङ्‌सा सामुन्‍दरा हिट्‌नुङ् नारा डोक् आलिन्‍डुम्‍गा, हिट्‌नुङ् हिट्‌ना खानि धारमाङि आचोगुमुङ् खानि नुङ्‌ना चा टुक्‍लोक् योनालोग्‌ङि साजाए टोगुना हिट्‌ना आचोगुम्‍टुम्॥

रोमि 10:2

हिट्‌नागाँ माङ्‌हाङ्‌ङाना सेवा चोक्‍मा आड्‌डिक् निङ्‌ग्‍वा ओचोगुएट्‌टु नुङ् आङा ठाहा टोगुङ्‌टुङ्, टरो खोड्‌डे पारिक् छेम्‍बा डोक् उन्‍ङाना सेवा चोक्‍माना हिट्‌ना रिङ् उनिसुन्‍गा॥

रोमि 16:18

पोङ्‌भोने नाड्‌डेगा याप्‌मिचिङा आनि टाङ्‌बा खिरिस्‍टङाना टोॽवा ओचोगुन्‍गा, टरो हिट्‌नागाँ उन्‌चि निङ्‌ग्‍वाङिगा रिङ् युमा एडोक् निङ्‌ग्‍वा ओचोगुगा॥ हिट्‌नागा याप्‌मिचिङा नुगा नुगा रिङ् ओमाट्‌टुङ् मोक्‍खाक् ओचोगुचिउङ् सोजो याप्‌मिचि उसुबुचिगा॥

१ कोरिन्‌थि 11:2

हाट्‌ले खानिलोक् आड्‌डिक् आङाना आचाप् टायाइसे, पोङ्‌भोने सोब्‍बे रिङ्‌ङि खानिङा आङा याङ्आमिट्‌टिटिङा, हिट्‌नुङ् आङा हिसिक्‍नानिगा हिसिक्‍मा पालान् आचोगुएट्‌टुम्॥

१ कोरिन्‌थि 4:18

हिट्‌नुङ् आङा खानि सोरि आप्‌निङ्‌ना नुङ् उमिट्‌टाउङ् कोइ-कोइम्‍बाक् ठेलोक् उलिसेसे॥

१ कोरिन्‌थि 4:8

खानिलाउङ्‌सा चाहाब् लिना ख्‍वाप्‍पा थोक् आटोगुएसुम्‍मे नुङ् खानिङा आमिट्‌टुम्‍गा॥ खानिम्‍टे वागाठागा आलिसिसिए बो॥ खानि आन्‍याँ माले चा हाङ्‌बा आलिसिएसिए, छेम्‍बा डोक् खानि हाङ्‌बा आलिसिना बे ओचेट्‌नुना लिसे बे हिट्‌नुङ् खानिलोक् आन्‍याँ चा सासान् चोगुम्‍मे बे॥

२ कोरिन्‌थि 11:3

टरो याप्‍मा बारखा पाइले ओप्‍पुङा ओचाप्‍पाङ् रिङ् लोडुङ् हाब्‍बा छालाँ चोगु गाड्‌डे डोक् खानि चा खिरिस्‍टङि आचोगुम्‍ना सोजो हिट्‌नुङ् चोखो भाक्‌तिलाम्‍मा लाप्‍माङ् माखाट्‌टिटि नुङ् आङा किट्‌टाइसाङे॥

गालाति 4:16

हाट्‌ले पाक् आङा खानि छेम्‍बाना रिङ् लोनानिनाँ खानि साट्‌टुर लिसाङेनि टे?

गालाति 4:18

हाट्‌ले हिट्‌नागा याप्‌मिचिङा खानि हिसिक्‍मा निङ्‌ग्‍वा चोक्‍मा ओचेट्‌नुना रिङ् ए॥ टरो आङा खानिलोक् लाप्‍माङ् वाङा चा हिट्‌नागाँ हिट्‌डे निङ्‌ग्‍वा चोक्‍मा खानिगा ओचेट्‌नु लाउङ्‌सा डोक् ए॥

फिलिप्‌पि 2:21

पोङ्‌भोने आरु सोब्‍बेङा आप्‍पे लाउङ्‌सा एडोक् यान्‍दा ओचोगुगा, टरो येसु खिरिस्‍टङा निङ्‌ग्‍वा चोगुना रिङ्‌म्‍बाक् यान्‍दा ओचोगुन्‍गा॥

२ पाटरुस 2:18

हिट्‌नागाँ खेडोक्‍गा ठे-ठेगा सिङ्‌सागा रिङ् ओमाट्‌टुगा, हिट्‌नुङ् ओचाफेम्‍मा टोॽवा चोक्‍मा ओनाडुङ् लोप्‍मो बिस्‍वासि उलिसागा याप्‌मिचि चा हिट्‌नागाँ उन्‌चि येम्‌ङा चिम्‍मा फुट्‌टुम्‍गा रिङ् ओचोगुङ् वारिक्‌ङि ओठेन्‍डुचिगा॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥