गालाति 3:5 - आठपहरिया

⁵ माङ्‌हाङ्‌ङा खानि सेङ्‌सेङ्‌ना हाङ्‌सा मापिडिटि हिट्‌नुङ् खानि माझाङि डोङ् ठोङ्‌डिना टोॽवा चोगुटु॥ पाक् खानिङा धारमाबिधि पालान् आचोगुमुङ् इ टे? माखाक्॥ नाउम्‍टे खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् लिसाना ए॥

गालाति 3:5 ပူးပေါင်းရင်းမြစ်များ

मुलिचेला टोॽवा 14:3

हिट्‌नुङ् चा पावाल लोक् बारनाबास हिट्‌ना खालाङ्‌गाङि याप्‍मा लेन् सोम्‍मा युङाचे॥ हिट्‌नागाचि टाङ्‌बाङाना बारेङि मिकिट्‌ने चेक्‍टाचे॥ टाङ्‌बाङा उन्‌चि मुक्‌लाम्‍मा डोङ् ठोङ्‌डिना टोॽवाचि हिट्‌नुङ् चिन्‍ना चोक्‍माना बोल् पिडुचिउङ् हिट्‌नागाचिङा माट्‌टाचुना दायाङाना खाबोर छेम्‍बाना ए पिक्‍सा पारमान् चोगुए॥

रोमि 10:17

हिट्‌डेउङ् बिस्‍वासम्‍बाक् खाबोर खेम्‍सुम्‍मुङ् टायुक्, हिट्‌नुङ् खाबोरम्‍बाक् खिरिस्‍टङाना रिङ्‌लाम्‍मा खेम्‍सुम्‍टुम्॥

रोमि 15:19

हिट्‌नुङ् हिट्‌नागाँ ठे-ठेगा चिन्‍नाचि हिट्‌नुङ् माङ्‌डोङ् ठोङ्‌डिगा टोॽवा सेङ्‌सेङ्‌ना हाङ्‌साङाना ओबोल्‍ङा चोगुना उनिसुएसुए॥ हिट्‌डेउङ् आङा खिरिस्‍टङाना बारेङि नुना खाबोर यरुसलेम नुङ् इल्‍लुरिकान छेट्‌राङिगा ख्‍वाप्‍पा ठोङ्‌ङि पारचार चोगुएसुङे॥

१ कोरिन्‌थि 12:10

हिट्‌नुङ् कोइम्‍बाक् डोङ् ठोङ्‌डिगा टोॽवा चोक्‍माना, कोइम्‍बाक् माङ्‌हाङ्‌ङाना रिङ् चेक्‍माना बारदान, कोइम्‍बाक् छेम्‍बाना आथाबा माङ्‌जोना हाङ्‌साचि साम्‍मा काहिबा बारदान, कोइम्‍बाक् खाले-खाले रिङ्‌ङि चेक्‍माना बारदान, हिट्‌नुङ् कोइम्‍बाक् हिट्‌नागा रिङ्‌ङाना उटुप् माप्‍मा हिमाना बारदान उन्‍ङा पिडुचिचि॥

२ कोरिन्‌थि 10:4

आनि चालाँ चोगुम्‍गा हातियारम्‍बाक् नाराङिगा याप्‌मिचिङा चालाँ ओचोगुना हातियार माखाक्, टरो माङ्‌हाङ् बिरुद्‌दाङि ओकोब्‍गा माङ्‌जोगा रिङ् हिट्‌नुङ् साट्‌टुरचिगा बोल्‍लेउ ठोङ्‌चि जाखाम् चोक्‍माना माङ्‌हाङ् ओबोल्‌ङाना हातियारम्‍बाक् आनिलोक् युङ्‌ग्‍वा॥

२ कोरिन्‌थि 12:12

आङा खानिलोक् वासाङ्‌नाँ आड्‌डिक् धैइरे चोक्‍सा, याप्‍मा चिन्‍नाचि, डोङ् ठोङ्‌डिगा टोॽवाचि, हिट्‌नुङ् ठे-ठेगा टोॽवाचि चोगुङुङ् आङा मुलिचेला नुङ् पारमान् चोगेसुङे॥

२ कोरिन्‌थि 13:3

खिरिस्‍ट आङालोक् चेक्‌युक्‌नि चेक्‌निना इ नुङ् खानिङा पारमान् आटोगुम्‍टुम्॥ खिरिस्‍ट खानिलोक् काम चोक्‍नाँ उन् फेटुलो लिनिना, टरो उन् बोल्‍लेउना ए॥

२ कोरिन्‌थि 3:8

सिइना रिङ्‌ङि आठेन्‍ना धारमाबिधिउम् माहिमाङि ओम्‍से भोने, सेङ्‌सेङ्‌ना हाङ्‌साङाना सेवा आझै झान् माहिमाङि ओम्‍मा हिनिनाइ टे?

२ कोरिन्‌थि 9:10

माङ्‌हाङ्‌ङा टोॽवालासि काचोक् हिमाउङ्‌सा लालिक् हिट्‌नुङ् चामाउङ्‌सा चामागा थोक् पिडुटु॥ हिट्‌नाड्‌डे डोक् उन्‍ङा खानिलाउङ्‌सा चाहाब् लिना ख्‍वाप्‍पा थोक् मापिडिटि हिट्‌नुङ् जोम् जोम् माचोगिबिडिटि, हिट्‌नुङ् खानिङा आचोगुम्‍ना ओचेट्‌नुना टोॽवा आड्‌डिक् खुल्‍ला निङ्‌ग्‍वालाम्‍मा जोम् मापोइबिडिटि॥

गालाति 3:2

आङा खानि ठिक् रिङ् सिलाप्‍नानि, पाक् खानिङा धारमाबिधि पालान् आचोगुमुङ् सेङ्‌सेङ्‌ना हाङ्‌सा आटोगुमेनि टे? माइना? टरो खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् सेङ्‌सेङ्‌ना हाङ्‌सा आटोगुम्‍मे॥

फिलिप्‌पि 1:19

पोङ्‌भोने खानिङा आङा लाउङ्‌सा बिन्‌टि आचोगुमुङ् हिट्‌नुङ् टाङ्‌बा येसु खिरिस्‍टङा आपिडाना सेङ्‌सेङ्‌ना हाङ्‌साङा घुवार याङ्‌फाडाउङ् छुट्‌कारा टोगुङ्‌ना नुङ् आङा ठाहा टोगुङ्‌टुङ्॥