गालाति 3:22 - आठपहरिया

²² टरो धारमाछाप्‍लाङा आनि सोब्‍बे पापङाना आधिन्‌ङि लिसेइसिए नुङ् माट्‌टुटु, हिट्‌डेउङ् येसु खिरिस्‍टङि बिस्‍वास चोगुमुङ् एडोक् माङ्‌हाङ्‌ङा चोगुना चामारसिङा आनि टोगुम्‍टुम्॥

गालाति 3:22 ပူးပေါင်းရင်းမြစ်များ

मारकुस 16:16

हिट्‌नुङ् जुन्‍ङा बिस्‍वास चोगुटु हिट्‌नुङ् बाप्‌टिस्‍मा लाडुटु हिट्‌नागा लोङ्‌सा माङ्‌हाङ्‌ङा हिङुचिचि॥ टरो बिस्‍वास ओचोगुन्‍गा लाउङ्‌सा माङ्‌हाङ्‌ङा साजाए पिडुचिचि॥

युहान्‍ना 12:46

आङा बिस्‍वास काचोक्‍बा साक्‍चा डुम्‌ङि उलिनि चा नुङ् आङा नाराङिना व्‍हाङ् लिसाउङ् टाइसाङे॥

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

युहान्‍ना 6:40

पोङ्‌भोने आङाना पाबाङाना उनिङ्‌ग्‍वाम्‍बाक् छा मिसेन् कानिबा हिट्‌नुङ् उन्‌ङि बिस्‍वास काचोक्‍बा ख्‍वाप्‍पाङा खोना बेला चा लाट्‌निना चोला ओटोगुवाक् नुङ् ए॥ हिट्‌नुङ् आङा हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ्‌चिङ्॥”

मुलिचेला टोॽवा 16:31

हिट्‌नुङ् हिट्‌नागाचिङा लोडाचुए, “टाङ्‌बा येसुङि बिस्‍वास चोगु, हिट्‌नुङ् खान् लोक् कापाङ्‌ठाङ्‌ङिगा याप्‌मिचिङा मुक्‌टि ओटोगुटु॥”

रोमि 10:9

हिट्‌नुङ् खान्‍ङा येसुलाउङ्‌सा टाङ्‌बा ए नुङ् आरु याप्‌मिचि सोरि सुइकार आचोगुटु हिट्‌नुङ् माङ्‌हाङ्‌ङा उन् सियानालाम्‍मा उहिङ्‌ग्‍वाट् चोगुए नुङ् कानिङ्‌ग्‍वाङा बिस्‍वास आचोगुटु भोने, माङ्‌हाङ्‌ङा खान् बाचाँ माचोग्‌युक्॥

रोमि 11:32

माङ्‌हाङ्‌ङा सोब्‍बे याप्‌मिचि खाम्‍बाङ्‌ङि ओठायागा गाड्‌डे डोक् चोगुचे, पोङ्‌भोने हिट्‌नागाँ उन्‍ङाना आग्‍याँ पालान् ओचोग्‍वाट्‌टुन्॥ हिट्‌नुङ् हिट्‌नागा ख्‍वाप्‍पालाउङ्‌सा उन्‍ङाना दाया निमेट्‌मा उन्‍ङा हिट्‌डे चोगुए॥

रोमि 3:22

येसु खिरिस्‍टङि बिस्‍वास काचोक् जुन् याप्‌मि चा माङ्‌हाङ्‌ङा धारमोति याप्‌मि चोगुटु, पोङ्‌भोने उन्‍ङा खोना चा साम्‍डुन्‌चिन्‍गा॥

रोमि 3:23

पोङ्‌भोने सोब्‍बे याप्‌मिचिङा पाप ओचोगुएसुए, हिट्‌नुङ् माङ्‌हाङ्‌ङाना माहिमा टोक्‍मालाम्‍मा लाप्‍माङ् उलिसेसेए॥

रोमि 5:12

पाइलेना याप्‌मि आदामलाम्‍मा नाराङि पाप टाए, हिट्‌नुङ् हिट्‌ना पापङा सिमाना रिङ् टाडुए॥ नाड्‌डेउङ् ख्‍वाप्‍पा याप्‌मिचिङि सिमाना रिङ् टाए, पोङ्‌भोने ख्‍वाप्‍पा याप्‌मिचिङा पाप ओचोगुए॥

गालाति 3:14

माङ्‌हाङ्‌ङा आब्‍राहामलाउङ्‌सा चोगुना चामारसिङाना आसिक् पानिछोङ्‌बाचिङा चा ओटोगुवाक् नुङ् उन्‍ङा आनि छुट्‌कारा आपिडे, हिट्‌नुङ् माङ्‌हाङ्‌ङा चोगुना सेङ्‌सेङ्‌ना हाङ्‌साङाना चामारसिङाम्‍बाक् बिस्‍वासलाम्‍मा आनि सोब्‍बेङा खिरिस्‍ट येसुङि टोगुम्‍टुम्॥

गालाति 3:17

आङा माप्‍मा कोलुङ्‌ना रिङ्उम्‍बाक् ना ए, माङ्‌हाङ्‌ङा आब्‍राहामलोक् चोगुना माङ्‌हुप् युमा निस्‌चित चोगुए॥ हिट्‌डेउङ् टेम्‍बोक् साए तिस बारखा एङ्‌स्‍वा टायाना धारमाबिधिङा हिट्‌ना माङ्‌हुप् टुग्‍मा हिडुन्‍ना॥

गालाति 3:23

टरो खिरिस्‍टङि बिस्‍वास चोक्‍माना खाबोर टामा पाइले धारमाबिधिङाना आधिन्‌ङि आनि वासेट्‌टिगा, हिट्‌नुङ् माङ्‌हाङ्‌ङा टायुगेट्‌ना बिस्‍वासङाना लाम्‍बो आनि मिनेट्‌मे सोम्‍मा धारमाबिधिङा आनि आरेक्‍टेसाना डाना॥

गालाति 3:29

हिट्‌नुङ् हाट्‌लेउङ् खानि खिरिस्‍टङाना ओयाप्‌मिचि ए हिट्‌नुङ् खानि आब्‍राहाम ओछालेट्‌चि गाड्‌डे डोक् आलिसिएसिए, हिट्‌नुङ् माङ्‌हाङ्‌ङा आब्‍राहाम लाउङ्‌सा चोगुना चामारसिङा डोक् खानिङा चा आटोगुम्‍टुम्॥

२ तिमोथि 1:1

माङ्‌हाङ् उनिङ्‌ग्‍वा गाड्‌डे आङा पावाल खिरिस्‍ट येसुङाना मुलिचेला लिमा याङ्‌सेगे हिट्‌नुङ् खिरिस्‍ट येसुङि लिसाना चोलाङाना चामारसिङा बारेङि माप्‍मा लोङ्‌सा आङा याङ्‌पाङ्‌से॥

हिब्‍रु 9:15

नाड्‌डेउङ् माङ्‌हाङ्‌ङा चामारसिङा चोगुना सोरोक् लियुयाक्‍ना आसिक् ओटोगुवाक् नुङ् उन्‍ङा छेम्‍डुचिगा लाउङ्‌सा खिरिस्‍टम्‍बाक् ओछोङ्‌ग्‍वाट् माङ्‌हुप् काटोङ्‌बा ए, पोङ्‌भोने पाइलेना माङ्‌हुप् आझै लिसाना बेला याप्‌मिचिङा ओचोगुना पापलाम्‍मा छुट्‌कारा पिमाउङ्‌सा उन् सिए॥

२ पाटरुस 1:4

हिट्‌नुङ् उन्‍ङाना माहिमा लोक् भोलाइलाम्‍मा उन्‍ङा चामारसिङा चोगुना ठेना हिट्‌नुङ् बाहुमुल्‍ले थोक् आनि आपिडाइसे॥ खानि ना नाराङि लिसागा जाखाम् काचोक् ओचाफेन्‍ना निङ्‌ग्‍वालाम्‍मा आहोन्‌डिउङ् माङ्‌हाङ्‌ङाना ओचाट्‌लाङि साहाभागि लिसानि नुङ् उन्‍ङा नागा चामारसिङा चोगुए॥

२ पाटरुस 3:13

टरो माङ्‌हाङ्‌ङा चामारसिङा चोगुना ओछोङ्‌ग्‍वाट् टोनालोग् हिट्‌नुङ् ओछोङ्‌ग्‍वाट् नाराङाना लाम्‍बो आनि पुयेट्‌टुम्॥ हिट्‌नि ख्‍वाप्‍पा याप्‌मिचिङा पाक् नुना हिट्‌ना एरोक् ओचोगुटु॥

१ युहान्‍ना 2:25

हिट्‌नुङ् उन्‍ङा आनिलोक् माङ्‌हुप् चोगुना रिङ्उम्‍बाक् लाट्‌निना चोला ए॥