एफिसि 5:20 - आठपहरिया

²⁰ आनि टाङ्‌बा येसु खिरिस्‍टङाना उनिङ्‌ङि माङ्‌हाङ् पाबालाउङ्‌सा ख्‍वाप्‍पा रिङ्‌ङि सोरोक् पोए-पोए पिडानुम्॥

एफिसि 5:20 ပူးပေါင်းရင်းမြစ်များ

युहान्‍ना 15:16

खानिङा आङा आसेगेट्‌टिन्‍ना, टरो आङा खानि सेग्‍नाने॥ हिट्‌नुङ् खानि खाडानिउङ् सोरोक् लियुयाक्‍ना टुल्‍फुल केङानुम् नुङ् खानिलोङ्‌सा टोॽवा पिनाने॥ हिट्‌डेउङ् खानिङा पाबालोक् आनिङ्‌ङि जे आनाक्‍टुम् चा उन्‍ङा खानि मापिडिटि॥

मुलिचेला टोॽवा 5:41

हिट्‌नुङ् मुलिचेलाचि काचाहारि-कुन्‍डाललाम्‍मा भारा ओहोन्‍डाउङ् “माङ्‌हाङ्‌ङाना ओनाजारङि आनिम्‍टे येसु लोङ्‌सा चिम्‍मा फुट्‌मा हिट्‌नुङ् याङ्‌छामा आङ्‌मा आखान्‌युक्” पिक्‍सा आड्‌डिक् उन्‌चि चाप् टाए॥

रोमि 1:8

हाट्‌ले सोब्‍बे नुङ् पाइले खानि सोब्‍बे लोङ्‌सा येसु खिरिस्‍टङा उनिङ्‌ङि आङाना माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा खिरिस्‍टङि आचोगुम्‍ना बिस्‍वासङाना बारेङि सोब्‍बे ठोङ्‌ङिगा याप्‌मिचिङा रिङ्‌पान् ओचोगुएट्‌टु॥

१ कोरिन्‌थि 1:4

खानि लाउङ्‌सा आङा माङ्‌हाङ्‌ङि सोरोक् पोए-पोए ठाङ्‌सुङ्‌टुङ्, पोङ्‌भोने खानि खिरिस्‍ट येसुङाना ओयाप्‌मिचि आलिसिनाँ माङ्‌हाङ्‌ङा ओमायादाया खानि मापिडिएसे॥

१ कोरिन्‌थि 15:24

हिट्‌नुङ्‌ना नाराङाना आखेरि बेला टायुक्॥ हिट्‌ना बेला खिरिस्‍टङा सोब्‍बे सासान् काचोक्‌चि, आधिकार हिट्‌नुङ् बोल्‍लेउचि फ्याङ् जाखाम् चोगुचिचि॥ हिट्‌नुङ्‌ना उन्‍ङा सासान् चोक्‍माना मुलुक् माङ्‌हाङ् पाबा उमुक्‌ङि जिम्‍मा पिडुटु॥

एफिसि 5:4

हिट्‌टेप्‍मा एडोक् माखाक्, खानिङा मोन्‌डिसिइगा रिङ् चेक्‍नेनिन्, खेडोक्‍गा माङ्‌जोगा रिङ् चोक्‍नेनिन्, हिट्‌नुङ् खोङ्‌माना रिङ् चेक्‍नेनिन्, नाड्‌डेगा रिङ् चेक्‍मा बिस्‍वासिचि लाउङ्‌सा खान्‍डुन्‍ना॥ हिट्‌नागा ओसाट्‌टोङि, खानिङा सोरोक् माङ्‌हाङ् पोए-पोए ठाङ्‌माना रिङ् माट्‌टानुम्॥

फिलिप्‌पि 1:3

जाइले आङा खानि मिट्‌नाँनि हिट्‌ना बेला खानि लाउङ्‌सा आङाना माङ्‌हाङ् पोए-पोए ठाङ्‌सुङ्‌टुङ्॥

फिलिप्‌पि 4:6

पाक् रिङ्‌ङि चा सुरटा चोक्‍नेनिन्, टरो सोब्‍बे रिङ् लाउङ्‌सा बिन्‌टि चोगानुम्॥ खानिलाउङ्‌सा आभोर आलिसिगा थोक् बिन्‌टि चोगानुमुङ् माङ्‌हाङ् लोडानुम् हिट्‌नुङ् उन्‍ङा चोगुना ख्‍वाप्‍पा थोक् लाउङ्‌सा पोए-पोए ठाङ्‌सानुम्॥

कालास्‌सि 3:17

हिट्‌नुङ् खानिङा पाक् आमाट्‌टुम् चा, आचोगुम्‍चा, ख्‍वाप्‍पा रिङ् टाङ्‌बा येसु उनिङ्‌ङि चोगानुम् हिट्‌नुङ् उन्‌लाम्‍मा डोक् माङ्‌हाङ् पाबालाउङ्‌सा पोए-पोए ठाङ्‌सानुम्॥

१ थेसालोनिकि 3:9

खानि लोङ्‌सा माङ्‌हाङ्‌ङि आड्‌डिक् पोए-पोए ठाङ्‌सुम्‍मा चा हिट्‌ना खाट्‌टिप्‍मा लियुक्, पोङ्‌भोने खानिङा आचोगुम्‍नाँ आनि माङ्‌हाङ् ओटोकानाङि आन्‍याँ आड्‌डिक् हारका लिसिएसिङे॥

१ थेसालोनिकि 5:18

जे सुके लिचा माङ्‌हाङ् पोए-पोए ठाङ्‌सानुम्, पोङ्‌भोने खिरिस्‍ट येसुङि खानिङा नागा रिङ्‌चि डोक् चोगानुम् नुङ् माङ्‌हाङ्‌ङाना उनिङ्‌ग्‍वा ए॥

२ थेसालोनिकि 1:3

भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा सोरोक् आन्‍याँ माङ्‌हाङ् पोए-पोए पिमा डोक् कोन्‌युक्, हिट्‌नुङ् नाड्‌डे चोक्‍मा नुयुक्‍चा, पोङ्‌भोने खानि बिस्‍वास माङ्‌जोम् पोयुगेट्, हिट्‌नुङ् खानिङा ठिबाङ्‌ङा आरको औधि जोम् माया चोग्‍गा चोक् आचोगेट्‌टि॥

२ थेसालोनिकि 2:13

टाङ्‌बाङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा आन्‍याँ सोरोक् पोए-पोए ठाङ्‌मा डोक् कोन्‌युक्, पोङ्‌भोने उटुम्‌लाम्‍मा डोक् सेङ्‌सेङ्‌ना हाङ्‌साङा चोखो चोक्‍माना टोॽवालाम्‍मा हिट्‌नुङ् छेम्‍बाना खाबोरङाना बिस्‍वासलाम्‍मा हिङ्‌माउङ्‌सा माङ्‌हाङ्‌ङा खानि मासेगिए॥

हिब्‍रु 13:15

हिड्‌डेउङ् येसुङाना उनिङ्‌लाम्‍मा आनि यासिङा सोरोक् माङ्‌हाङ् उनिङ् चोन्‍डुम्, हिट्‌नाम्‍बाक् उन्‌लाउङ्‌सा ठाङ्‌सुम्‍ना आनिना भोक् ए॥ ना निङ् चोम्‍माम्‍बाक् आनि यासिङा उन् डोक् टाङ्‌बा नुङ् लाड्‌मा ए॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥