एफिसि 5:15 - आठपहरिया15 हिट्नाड्डेउङ् खानि खोड्डे पारिक् आवासेट्टिगा, ओछेक्छेक् चोगानिउङ् वासानि, ठोनाबा याप्मि गाड्डे माखाक्, टरो ठोना लिसाना याप्मि गाड्डे लिसानिउङ् वासानि॥ အခန်းကိုကြည့်ပါ။ |
एफिसि 5:15
26 ပူးပေါင်းရင်းမြစ်များ
मायालु भुम्भु-झान्झाचि हिट्नुङ् नाना-झान्झाचि, पिच्छाचि गाड्डे नागा थोक् बारेङि निङ्ग्वा रिमा नाडानुम्॥ ओभेन्गा रिङ्ङि खानि पिच्छाचि गाड्डे लिमा कोन्युक्, पोङ्भोने पिच्छाचिङा ओभेन्गा रिङ् उमिट्टुन्गा, टरो नागा बारदानचि बारेङि खानि निङ्ग्वा रिमाना रिङ्ङि पासिङ् याप्मिचि गाड्डे डोक् लिसानि॥
मुलि रिङ्म्बाक् खिरिस्टङाना नुना खाबोर गाड्डेना खान्डुना खानि चाल चालान् लिमा कोन्युक्॥ हिट्नुङ् आङा खानि टुब्मा आप्मा चा, टुब्मा आप्निङ्चा खानिङा ठिक्ए निङ्ग्वा आचोगिउङ् ठिक्ए उदेसेङि जोम् याप्मिचिङा नुना खाबोर बिस्वास ओचोगुवाक् नुङ् टोॽवा आचोगुम्ना रिङ् खेम्मा ओटोगुङ् नुङ् निङ्ग्वा चोगुङ्टुङ्॥
हिड्डेउङ् आन्याँ ना रिङ् खेम्सुम्माना बेलालाम्मा डोक् खानि लोङ्सा सोरोक् बिन्टि चोगुएट्टुम्मा॥ खानिलाउङ्सा माङ्हाङ्ङाना उनिङ्ग्वाङिना रिङ् हाङ्सालाम्मा चालाँ चोक्माना ठोना हिट्नुङ् ठोनाङाना बारेङि ख्वाप्पा थोक् बुजा चोक्मा घुवार माफाड्याक् नुङ् आन्याँ बिन्टि ठाङ्सुम्टुम्मा॥
ओछेक्छेक् चोगानि, खानिलोक् चेक्येट्ना उरिङ् खेम्मा इन्कार चोक्नेनुम्॥ पोङ्भोने नाराङि खाबोर कालो मोसाङा माङ्हाङ् उरिङ् इस्राइलि याप्मिचि लोडुचिनाँ खेम्मा इन्कार काचोक्चि साजाए पिडुचे भोने, हाट्ले आनिलोक् टोनालोग्लाम्मा चेक्ना माङ्हाङ् उरिङ् खेम्नेट्निम् भोने आनि चा साजाए टोगुम्टुम्॥
हिट्नुङ् हिट्ना माङ्हाङ् रिङ् काउग्बा माङ्ध्यान् चोक्मा लाउङ्सा ओटोकानाङि गुङ् चोगाङे, टरो हिट्नाङा आङा नाड्डे याङ्लोडे, “नाड्डे चोक्नेन्॥ आङाउम्टे खान् हिट्नुङ् बिस्वासि कासाइबाचि गाड्डे येसुङाना सेवा काचोक्बा एडोक् ए॥ खान्ङा माङ्हाङ् एडोक् माङ्ध्यान् चोक्मा कोन्युक्, पोङ्भोने छेम्बाना माङ्हाङ्लाम्माना रिङ् काचेक्बाङा एडोक् येसुङाना बारे आरु लोडुचिचि॥”
ကြော်ငြာတွေ