एफिसि 5:14 - आठपहरिया

¹⁴ हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”

एफिसि 5:14 ပူးပေါင်းရင်းမြစ်များ

लुका 1:78

पोङ्‌भोने आनि माङ्‌हाङ् लुक्‍मा काटुक् हिट्‌नुङ् मायालु ए॥ हिट्‌नुङ् टोनालोग्‌लाम्‍मा खिरिस्‍टलाउङ्‌सा भ्‍यानिक् छेना नाम्‌ङा ओलाप्‍को गाड्‌डे डोक् आनि उठुङ्‌ङि आपाङ्‌युबियुक्॥

लुका 15:24

पोङ्‌भोने ना आइछा सियेसाना, टरो फेरि उहिङ्‌ग्‍वाट् लिसाइसे॥ ना मासेसाना, टरो टुबाइसे॥’ हिट्‌नुङ् हिट्‌नागा आनान्‍दा चोक्‍मा ठालाँ ओचोगुए॥

युहान्‍ना 8:12

येसुङा फेरि हिट्‌नागा लोडुचे, “आङा नाराङिना व्‍हाङ् ए॥ आङालोक् ओलाम्‌टिगा डुम्‌ङि लाम्‌टिमा कोन्‌निना, टरो हिट्‌नाङा चोला आपिना व्‍हाङ् टोगुटु॥”

युहान्‍ना 9:5

आङा नाराङि युङ्‌ङालोक् आङा डोक् नाराङिना व्‍हाङ् ए॥”

मुलिचेला टोॽवा 13:47

पोङ्‌भोने टाङ्‌बाङा आन्‍याँ नाड्‌डेना आग्‍याँ याप्‌मि पिडैसे– ‘नारा टेप्‍गा याप्‌मिचिङा मुक्‌टि ओटोगु नुङ् आङा खान् पानिछोङ्‌बाचि सोरि व्‍हाङ् लिसा नुङ् पाङ्‌नेने’॥”

रोमि 6:13

खानि येम्‌ङिना खोना चा आङ्‌गाचि पाप चोक्‍मा हिट्‌नुङ् ओभेन्‍गा टोॽवा चोक्‍मा पिनेनुम्॥ टरो खानि आप्‍पेलाउङ्‌सा माङ्‌हाङ्‌ङि पिडानुम्, पोङ्‌भोने खानि आसिइगा याप्‌मिचि गाड्‌डेगा डोक् आवासेट्‌टिगा टरो हाट्‌ले खानिङा ओछोङ्‌ग्‍वाट् चोला आटोगुएसुम्‍मे॥ हिट्‌डेउङ् खानि आङ्‌गाचि ओचेट्‌नुना टोॽवा चोक्‍माउङ्‌सा माङ्‌हाङ् पिडानुम्॥

१ कोरिन्‌थि 15:34

पाक् नुना ए हिट्‌ना ओछेक्‍छेक् चोगानिउङ् मिट्‌टानुम्, हिट्‌नुङ् पाप चोक्‍मा नाडानुम्॥ ना रिङ् खानिलोङ्‌सा मोम्‍मासिमाना रिङ् उलियाक् नुङ् आङा खानि लोनाँनि, पोङ्‌भोने खानि माड्‌डे आम्‍टेप्‍माङा माङ्‌हाङ् मिसेन् डोक् उनिसुन्‍गेट्‌टुन्‍ना॥

२ कोरिन्‌थि 4:6

पोङ्‌भोने माङ्‌हाङ्‌ङा माट्‌टुए, “डुम्‍बारिक् डुम्‌लाम्‍मा व्‍हाङ् ओओम्‌याक्,” आनि निङ्‌ग्‍वाङि चा उन्‍ङाना व्‍हाङ् ओम्‍सेसे, हिट्‌डेउङ् खिरिस्‍टङाना ओनाभाक्‌ङि पारकाट् चोगुना माङ्‌हाङ्‌ङाना माहिमा आनि ठाहा टोग्‍मा हिडुम्‍टुम्॥

एफिसि 2:1

पाइले खानिङा माङ्‌हाङ् बिरुद्‌दाङि पाप आचोगुम्‍मुङ् हाङ्‌साङि सिमाना साजाए आटोगुम्‍मे॥

एफिसि 2:5

हिट्‌नाड्‌डेउङ् आनि पाप चोगुमुङ् सिएसिगा नुङ् चा उन्‍ङा खिरिस्‍ट सियानालाम्‍मा उहिङ्‌ग्‍वाट् चोगुङ् आनि चोला आपिडे॥ माङ्‌हाङ्‌ङा मायादाया माचोगिनाँ उन्‍ङा खानि माहिङेसिए॥

कालास्‌सि 3:1

छेम्‍बा डोक्, खानि चा खिरिस्‍टलोक् उहिङ्‌ग्‍वाट् आलिसिगा ए, हिट्‌डेउङ् सोरोक् टोनालोग्‌ङिना रिङ् कोलानुम्, हिट्‌नि खिरिस्‍ट माङ्‌हाङ्‌ङाना छुप्‍टाङ् उमुक्‌लेङ् युङ्‌ग्‍वा॥

१ थेसालोनिकि 5:6

हिड्‌डेउङ् आनि आरु याप्‌मिचि गाड्‌डे इम्‌सिन्‍चा, टरो ओछेक्‍छेक् चोगि हिट्‌नुङ् आनि ठोना मानिम्‍चा॥

२ तिमोथि 1:10

हाटले ना मायादाया आनि काहिङ्‌मेप्‍बा डाङ्‌बा खिरिस्‍ट येसु उङ्‌साउङ् माङ्‌हाङ्‌ङा आनि सोरि आनिमेट्‌टाइसे॥ उन्‍ङा डोक् आसेट्‌ना बोल् जाखाम् चोगुए हिट्‌नुङ् नुना खाबोरलाम्‍मा खोना बेला चा लाट्‌निना चोला आनिमेट्‌टे॥

२ तिमोथि 2:26

हिट्‌डेउङ् हिट्‌नागाँगा उन्‌चि ठोना नोक्‌युङ् सैतानङाना वारिक्‌लाम्‍मा होम्‍मा उहियुक्॥ पोङ्‌भोने सैतानङा उनिङ्‌ग्‍वा गाड्‌डे चोक्‍मा हिट्‌नागा ओकाब्‍जाङि युङ्‌सुएसुचे॥