एफिसि 4:32 - आठपहरिया

³² हिट्‌नुङ् ठिबाङ्‌ङा आरको नुलोक् चोग्‍गा चोक् चोगानि हिट्‌नुङ् माया चोग्‍गा चोक् चोगानि॥ माङ्‌हाङ्‌ङा खिरिस्‍टलाम्‍मा खानि छेमा मापिडि गाड्‌डे खानिङा चा ठिबाङ्‌ङा आरको छेमा पिडानुम्‌चिम्॥

एफिसि 4:32 ပူးပေါင်းရင်းမြစ်များ

मात्‌ति 6:12

आन्‍याँ पाप छेमा याप्‌मिचोगाबिडा, हिड्‌डे डोक् आन्‍याँ चा आन्‍याँ बिरुद्‌दाङि पाप ओचोगुगालाउङ्‌सा छेमा पिडुएसुम्‌चिमे॥

मारकुस 11:25

खानि बिन्‌टि चोक्‍मा बेला कोइ याप्‌मिलोक् ओचाफेन्‍ना लिसाइसे भोने हिट्‌ना याप्‌मि माफ पिडानुम्, हिट्‌डेउङ् टोनालोग्‌ङि युङ्‌ना माङ्‌हाङ् पाबाङा चा खानि पाप छेमा माचोगिबिडिटि॥

लुका 1:78

पोङ्‌भोने आनि माङ्‌हाङ् लुक्‍मा काटुक् हिट्‌नुङ् मायालु ए॥ हिट्‌नुङ् टोनालोग्‌लाम्‍मा खिरिस्‍टलाउङ्‌सा भ्‍यानिक् छेना नाम्‌ङा ओलाप्‍को गाड्‌डे डोक् आनि उठुङ्‌ङि आपाङ्‌युबियुक्॥

लुका 11:4

आन्‍याँ पाप छेमा याप्‌मिचोगाबिडा, पोङ्‌भोने आन्‍याँ चा आन्‍याँ बिरुद्‌दाङि पाप ओचोग्‍गालाउङ्‌सा छेमा पिडुम्‌चिम्‌चिम्‍मा॥ हिट्‌नुङ् निङ्‌ग्‍वा छिक्‍माङि ठामा आन्‍याँ याप्‌मिपिनेन्॥’”

लुका 17:4

“हिट्‌नुङ् हिट्‌नाङा याप्‍मा खेप् कानिङ्‌ग्‍वा टानिना एकेलेङ् टोॽवा चोगुए हिट्‌नुङ् सोरोक् खेप् खान्‌ङि आप्‌युङ् ‘छेमा याङ्‌पिडा’ मालोडे भोने हिट्‌ना छेमा पिडु॥”

लुका 6:35

“टरो खानिङा खानि साट्‌टुरचि चा माया चोगानुम्‌चिम्, हिट्‌नुङ् हिट्‌नागा नुलोक् चाट्‌ला मेट्‌टानुम्‌चिम्॥ हिट्‌नुङ् फेरि टोक्‍माना निङ्‌ग्‍वा युङ्‌सा नाॽवा पिनेनुम्‌चिम्, हिट्‌नुङ् खानिङा ठेना इनाम् आटोगोम्‍टुम् हिट्‌नुङ् खानि सोब्‍बे नुङ्‌ना ठेना माङ्‌हाङ्‌ङाना ओछालेट्‌चि आलिसिटि, पोङ्‌भोने उन्‍ङा निङ्‌ग्‍वा एकेलेङ् ओचोग्‍गा हिट्‌नुङ् दुस्‍टाचि चा लुक्‍मा टुक्‍टुचिचि॥

लुका 6:37

“याप्‌मिचि न्‍याए चोक्‍नेनुम्‌चिम्, हिट्‌नुङ् माङ्‌हाङ्‌ङा चा खानि न्‍याए माचोगिन्‍गा॥ आरु फाट्‌टुर लाब्‍नेनुम्‌चिम्, हिट्‌नुङ् खानि चा फाट्‌टुर मालाबिन्‍गा॥ याप्‌मिचि छेमा पिडानुम्‌चिम्, हिड्‌डेउङ् खानिङा चा छेमा आटोगुम्‍टुम्॥

मुलिचेला टोॽवा 28:2

हिट्‌निगा याप्‌मिचिङा आन्‍याँ आड्‌डिक् लुक्‍मा याप्‌मि टुक्‍टे॥ हिट्‌ना बेला व्‍हेट् टामा ठालाँ चोगुए, हिट्‌नुङ् चुङ्‌ग्‍वासानाँ हिट्‌नागाँ मि उटुप्‍टुङ् हुङ्‌मा लोङ्‌सा याप्‌मि छेम्‍डाउङ् आन्‍याँ सोब्‍बे स्‍वागाट् याप्‌मिओचोगे॥

रोमि 12:10

ठिबाङ्‌ङा आरको ठिक्‍ए पाङ्‌ङिगा भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे माया चोग्‍गा चोग् चोगानि॥ आप्‍पे नुङ्‌ना याप्‍मा आरु मान् चोगानुम्‌चिम्॥

१ कोरिन्‌थि 13:4

माया काचोक्‍बा याप्‌मिलोक् आङ्‌मा हिमाना बोल् लियुक् हिट्‌नुङ् दाया चा चोगुटु॥ माया काचोक् याप्‌मिङा रेक् काप्‍माना रिङ् चोगुन्‍ना, ठेलोक् चोक्‌निना हिट्‌नुङ् आरुलाम्‍मा मान् कोलुन्‍ना॥

२ कोरिन्‌थि 2:10

खानिङा कोइ छेमा आपिडुम्‍टुम् भोने, आङा चा छेमा पिडुङ्‌टुङ्॥ आङा कोइ छेमा पिमा कोन्‍ना रिङ् युङ्‌ग्‍वा भोने, खिरिस्‍ट साँचि युङ्‌सुङ् खानिगा ओचेट्‌नु लाउङ्‌सा छेमा चोगुङ्‌टुङ्॥

२ कोरिन्‌थि 2:7

टरो हाट्‌ले हिट्‌ना याप्‌मि खानिङा छेमा पिमा कोन्‌युक्, हिट्‌नुङ् उनिङ्‌ग्‍वा दोरो चोक्‍माबिमा कोन्‌युक्, नाभाम्‍टे हिट्‌नाङाना टुक्‍लोक् उनिङ्‌ग्‍वा टुक्‌युक् हिट्‌नुङ् सानिङ्‌ग्‍वाङि ठायुक्॥

२ कोरिन्‌थि 6:6

आन्‍याँ फाकाट्‌ना लिसिङाउङ्, आन्‍याँ ठोनाङा, आङ्‌मा हिमाना हिट्‌नुङ् दायाङा, सेङ्‌सेङ्‌ना हाङ्‌साङा, हिट्‌नुङ् छेम्‍बाना मायाङा,

एफिसि 5:1

खानि माङ्‌हाङ्‌ङा माया माचोगिगा छालेट्‌चि आलिसिनाँ खानि चा उन् गाड्‌डे डोक् लिमा कोलानि॥

याकुब 5:11

हिट्‌नागा याङ्‌छामा ओआङ्‌डुगा याप्‌मिचिलोङ्‌सा आनि आड्‌डिक् मान् पिडुम्‌चिम्‌चिम्॥ आयुबङा हाङ्‌सुना बारेङि खानिङा आखेम्‍सुएसुम्‍मे॥ आन्‍तेङि टाङ्‌बाङा उन् खोड्‌डे पारिक् लुक्‍मा टुक्‍टुएना हिट्‌ना रिङ् खानिङा ठाहा आटोगुम्‍टुम्॥ छेम्‍बा डोक् टाङ्‌बा आड्‌डिक् दाया काचोक् हिट्‌नुङ् लुक्‍मा काटुक् ए॥

२ पाटरुस 1:7

हिट्‌नुङ् भाक्‌टि चोक्‍सा भुम्‍बु-झान्‍झाचि दाया चोगानुम्‌चिम्, भुम्‍बु-झान्‍झाचि दाया चोक्‍सा मायाङि पोसा खाडानि॥

१ युहान्‍ना 1:9

टरो आनि पाप माङ्‌हाङ्‌ङाना ओटोकानाङि काएल्-काबु चोगुम्‍टुम् भोने, उन्‍ङा आनि पाप छेमा आचोक्‌युबियुक् हिट्‌नुङ् सोब्‍बे ओचाफेम्‍मा रिङ्‌लाम्‍मा आनि सेङ्‌सेङ् आचोक्‌युक्, पोङ्‌भोने उन् बिस्‍वासयोग्‍ए हिट्‌नुङ् धारमोति ए॥

१ युहान्‍ना 2:12

खानि आइछाचि गाड्‌डेगा, खानि लाउङ्‌सा आङा छेप्‍टुएट्‌टुङ्, पोङ्‌भोने उन्‍ङाना उनिङ्‌ङि खानि पाप छेमा लिसाइसे॥