एफिसि 2:17 - आठपहरिया

¹⁷ हिट्‌नुङ् उन् उङ्‌साउङ् माङ्‌हाङ्‌लाम्‍मा लाप्‍माङ् उलिसागा हिट्‌नुङ् नेट्‌टाङ् उलिसागालाउङ्‌सा हाङ्‌हाङ् आपिना नुना खाबोर पारचार चोगुए॥

एफिसि 2:17 ပူးပေါင်းရင်းမြစ်များ

मात्‌ति 10:13

हिट्‌ना पाङ्‌ङिगा याप्‌मिचिङा खानि स्‍वागाट् माचोगिए भोने, आसिक्‌ङा हिट्‌नागा खोना बेला चा नाडुन्‌चिन्‍गा॥ टरो हिट्‌ना पाङ्‌ङिगा याप्‌मिचिङा स्‍वागाट् माचोग्‍याट्‌टिन् भोने, आसिक् खानिलेङ् डोक् नोक्‌युक्॥

लुका 15:8

येसुङा हिट्‌नागा आरको मुन्‍डुम् लोडुचे, “ठिबाङ् मेन्‍झेमालोक् ठिमेक् रुपाक् राङ् काप्‍टुएसुना॥ हिट्‌ना मेन्‍झेमाङा ठिक् रुपाक् राङ् मासुए भोने, कुपि हाट्‌टुङ् हिट्‌ना राङ् टुबुन्‍लोक् सोम्‍मा पाङ्‌ङि टाम्‍फेक्‍सा कोलुन्‍नै टे?

लुका 2:14

“सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

मुलिचेला टोॽवा 10:36

खानिङा ठाहा आटोगुएसुम्‍मे, माङ्‌हाङ्‌ङा येसु खिरिस्‍टलाम्‍मा हाङ्‌हाङ् लिसिनाँ नुना खाबोर इस्‍राएलि याप्‌मिचि सोरि पाङ्‌सुए, उन् डोक् सोब्‍बेङाना टाङ्‌बा॥

मुलिचेला टोॽवा 2:39

पोङ्‌भोने ना सेङ्‌सेङ्‌ना हाङ्‌साङाना चामारसिङा खानि, हिट्‌नुङ् खानि छालेट्‌चि, हिट्‌नुङ् ख्‍वाप्‍पा लाप्‍माङ् लाप्‍माङ्‌ङि ओवाहेट्‌गा आनि माङ्‌हाङ् टाङ्‌बाङा छेम्‍डुचिगा सोब्‍बे लोङ्‌सा ए॥”

रोमि 10:14

टरो याप्‌मिचिङा बिस्‍वास डोक् ओचोगुन्‍गेट्‌टुन्‍गा भोने खोड्‌डेउङ् हिट्‌नागाँ उनिङ् ओलाडुटुना टे? हिट्‌नुङ् याप्‌मिचिङा उन्‍ङाना बारेङि ओखेम्‍सुन्‍गेट्‌टुन्‍ना भोने खोड्‌डेउङ् उन् बिस्‍वास ओचोगुटुना टे? उन्‍ङाना बारेङि साङा चा पारचार ओचोगुन्‍गेट्‌टुन् भोने, याप्‌मिचिङा खोड्‌डेउङ् उन्‍ङाना बारेङि ओखेम्‍सुटुना टे?

रोमि 5:1

नाड्‌डेउङ् आनि चोगुम्‍ना बिस्‍वासङा माङ्‌हाङ् सोरि आनि धारमोति लिसेसे॥ हिट्‌नुङ् आनि डाङ्‌बा येसु खिरिस्‍टङा चोगुनाँ माङ्‌हाङ्‌लोक् आनिना साम्‍बान्‍धा ओचेट्‌नुना लिसेसे॥

२ कोरिन्‌थि 5:20

नाड्‌डेउङ् आनिउम्‍टे खिरिस्‍ट लाउङ्‌सा चेक्‍मा आपाङ्‌सागा याप्‌मिचि ए हिट्‌नुङ् माङ्‌हाङ् आप्‍पेङा खानि लाउङ्‌सा आन्‍याँलाम्‍मा बिन्‌टि चोगुएट्‌टु॥ माङ्‌हाङ्‌लोक् खानि टोङानि नुङ् खिरिस्‍टङाना उनिङ्‌ङि आन्‍याँ बिन्‌टि चोगुम्‍टुम्‍मा॥

एफिसि 4:21

छेम्‍बा डोक्, खानिङा उन्‍ङाना बारेङि आखेम्‍सुम्‍मे हिट्‌नुङ् येसुङि डोक् छेम्‍बाना खाबोर युङ्‌ग्‍वा नुङ् सिकाँ आलिसिए॥