कालास्‌सि 4:5 - आठपहरिया

⁵ येसुङि बिस्‍वास ओचोगुन्‍गा याप्‌मिचिलोक् ठोना लिसाना गाड्‌डे चोगानि हिट्‌नुङ् खानिङा आटोगुम्‍ना नाड्‌डेना बेला आरु घुवार फामाङि डोक् टिसानुम्॥

कालास्‌सि 4:5 ပူးပေါင်းရင်းမြစ်များ

मात्‌ति 10:16

“खेम्‍सानुम्, आङा खानि ब्‍वाँसोचिगा माझै ठुँबा गाड्‌डे डोक् पाङ्‌नागेट्‌नानि, हिट्‌डेउङ् खानि ओप्‍पु गाड्‌डे ओचाप्‍पाङ् हिट्‌नुङ् ढुकुर गाड्‌डे सोझो लिसानि॥

मारकुस 4:11

हिट्‌नुङ् येसुङा हिट्‌नागा लोडुचे, “खानिङाउम्‍टे माङ्‌हाङ् उमुलुक्‌ङाना सोगोप्‍ना रिङ्‌चि ठाहा टोग्‍माना ठोना आटोगुएसुम्‍मे, टरो आङि बिस्‍वास ओचोगुन्‍गेट्‌टुन्‍गा आरु याप्‌मिचि मुन्‍डुम्‌ङि एडोक् आङा हिसिक्‍टुङ्‌चिङ्‌चिङ्॥

रोमि 16:19

खानिङा खिरिस्‍टङाना आग्‍याँ पालान् आचोगुम्‍ना रिङ् सोब्‍बेङा ओखेम्‍सुएसुए, हिड्‌डेउङ् ना रिङ्‌ङा आङाना चा आड्‌डिक् आचाप् टाइसे॥ टरो खानिउम्‍बाक् ओचेट्‌नुना रिङ्‌ङि ठोना लिसाना लिमा कोन्‌युक् हिट्‌नुङ् ओचाफेन्‍ना रिङ्उम्‍बाक् चोक्‍मा नामा कोन्‌युक् नुङ् आङा निङ्‌ग्‍वा चोगुङ्‌टुङ्॥

कालास्‌सि 3:16

खिरिस्‍टङाना उहिसिक्‍मा खानि निङ्‌ग्‍वाङि जोम् उइप्‍टुवाक्॥ ख्‍वाप्‍पा चालाँ चोक्‍माना ठोनालाम्‍मा ठिबाङ्‌ङा आरको हिसिक्‍टानुम्‌चिम् हिट्‌नुङ् साल्‍लाह कापिबा लिसानि॥ खानि निङ्‌ग्‍वालाम्‍मा माङ्‌हाङ् पोए-पोए पिसा छाम्‍लोसानि, निङ् चोन्‍डानुम् हिट्‌नुङ् माङ्‌हाङ्‌ङाना छाम्‍लोमा लोसानि॥

१ थेसालोनिकि 4:12

हिड्‌नाड्‌डेउङ् बिस्‍वास ओचोगुन्‍गाँ चा खानि मान् माचोगिटि, हिट्‌नुङ् खानि चाहाब् आलिसिनाँ साक्‌लोक् चा भोर चोक्‍मा कोन्‌निना॥

१ तिमोथि 3:7

उन्‌बाक् बिस्‍वास ओचोगुन्‍गेट्‌टुन्‍गा याप्‌मिचिङा चा नुना याप्‌मि नुङ् मिसेन् उनिसुना लिमा कोन्‌युक्, हिट्‌नुङ् एरोक् याप्‌मिचिङा उन् ओलोडुजोन्‍ना हिट्‌नुङ् सैतानङाना वारिक्‌ङि ठानिना॥

याकुब 1:5

खानि माड्‌डेङि खोनालाउङ्‌सा ठोना चाहाब् लिसाइसे भोने, खेमा मिलाप्‍मे उनिङ्‌ग्‍वालाम्‍मा डोक् कापिबा माङ्‌हाङ्‌लोक् हिट्‌नाङा ओनाक्‍टुवाक्, हिट्‌नुङ् उन्‍ङा हिट्‌ना पिडुटु॥

याकुब 3:13

खानि माड्‌डेङि कोइ ठोना लिसाना हिट्‌नुङ् रिङ् बुजा काचोक्‍बा याप्‌मि युङ्‌ग्‍वा भोने, उन्‍ङा आप्‍पेलाउङ्‌सा मेयोक् चोगुङ् हिट्‌नुङ् ठोना लिसाना याप्‌मि गाड्‌डे डोक् ओचेट्‌नुलोक् टोॽवा चोगुङ् ओचोलाङि निमेट्‌मा कोन्‌युक्॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥

१ पाटरुस 3:1

टालिमाङ्‌चि, नाड्‌डेडोक् खानि टालिमाङ्‌चि आप्‍पे लाउङ्‌सा खानिगा टालिबाङ्‌चिगा आधिन्‌ङि युङ्‌मा कोन्‌युक्॥ हिट्‌नाड्‌डेउङ् माङ्‌हाङ्‌ङाना रिङ् बिस्‍वास ओचोगुन्‍गा टालिबाङ्‌चिङा चा खानि चाट्‌ला ठाहा ओटोगुङ् खानिङा पाक्‍चा आलोनिम्‌चिम्‍चा बिस्‍वास चोक्‍मा उहिडुटु,