कालास्‌सि 3:4 - आठपहरिया

⁴ खिरिस्‍ट डोक् खानिगा ओछोङ्‌ग्‍वाट् चोलाङाना उपुन् ए, हिट्‌नुङ् उन् ठेट्‌ना बेला खानि चा उन्‌लोक् उन्‍ङाना माहिमाङि आठेट्‌टिटि॥

कालास्‌सि 3:4 ပူးပေါင်းရင်းမြစ်များ

मात्‌ति 13:43

हिट्‌ना बेला धारमोति याप्‌मिचिम्‍बाक् उन्‌चि माङ्‌हाङ् पाबाङाना उमुलुक्‌ङि नाम् गाड्‌डे डोक् ओम्‍सा उयुङ्‌युक्॥ खेम्‍माना नुभेक् लोक्‍गाङा ना रिङ् नुलोक् खेम्‍सानुम्॥

लुका 17:30

हिट्‌डेडोक् याप्‌मिचि टेयार उलिनिगेट्‌निना बेला याप्‌मि छा चा माहिमाङि ठेट्‌युक्॥

युहान्‍ना 11:25

येसुङा हिट्‌ना मेन्‍झेमा लोडुए, “उसियागा उहिङ्‌ग्‍वाट् काचोक्‍बा हिट्‌नुङ् चोला कापि आङा डोक् ए॥ आङा बिस्‍वास काचोक् सिए भोने चा हिङ्‌युक्॥

युहान्‍ना 14:3

हिट्‌नुङ् आङा खाट्‌नाउङ् खानि लोङ्‌सा ठोङ् टेयार चोगुङ् आङा फेरि नोक्‍ङा उङ्‌ङा, हिट्‌नुङ् खानि आङालोक् खाट्‌नाँनि, हिट्‌डेउङ् आङा खोनि युङ्‌ङा, हिट्‌नि खानि चा आलिसिटि॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 17:24

“हाउ आप्‍पो, खान्‍ङा आङा याङ्‌आपिडाङ्‌ना याप्‌मिचि आङालोक् डोक् उलियाक् नुङ् आनिङ्‌ग्‍वा युङ्‌ग्‍वा॥ हिट्‌नुङ् खान्‍ङा आङा याङ्‌आपिडाङ्‌ना माहिमा हिट्‌नागाँ उनिसुवाक्, हिट्‌ना माहिमा नारा चोक्‍मा पाइलेलाम्‍मा डोक् आङा माया याङ्आचोगाङ्‌नाँ खान्‍ङा आङा याङ्‌आपिडाङ्‌ना डाना॥

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

मुलिचेला टोॽवा 3:15

नाड्‌डेउङ् खानिङा चोला आपिना आसेडुमे, टरो माङ्‌हाङ्‌ङा उन् सियानालाम्‍मा उहिङ्‌ग्‍वाट् चोगुए॥ ना रिङ् काखेम्‍बा हिट्‌नुङ् कानिबा आन्‍याँ वासेट्‌टिङा॥

रोमि 8:18

हाट्‌ले ना चोलाङि आनि आङ्‌डुम्‍ना याङ्‌छामालोक् हान्‍डेङ् माङ्‌हाङ्‌ङा आनि आनिमेट्‌ना माहिमा टोङ्‌सुम्‍नाँ हाट्‌ले ना याङ्‌छामा पाक्‍चा माखाक् नुङ् आङा ठाहा टोगुङ्‌टुङ्॥

रोमि 8:19

माङ्‌हाङ्‌ङा सिरिस्‌टि चोगुगा ख्‍वाप्‍पा थोक्‍ङा खोना बेला ओछालेट्‌चि उन्‍ङा पारकाट् चोगुचिचिगा नुङ् आड्‌डिक् निङ्‌ग्‍वा ओचोगुङ् ओहाङ्‌सुएट्‌टु॥

१ कोरिन्‌थि 1:7

हिड्‌नाड्‌डेउङ् आनि टाङ्‌बा येसु खिरिस्‍ट उङ्‌ना लाम्‍बो आहाङ्‌सुम्‍नाँ खानिलाउङ्‌सा खोना चा आत्‌मिक् बारदानङाना खाँचो लिनिना॥

१ कोरिन्‌थि 15:43

सियाना याप्‌मिङाना ओयेम् ओचाफेन्‍ना हिट्‌नुङ् बोल् बारगाट् मालेना लियुक्, टरो फेरि उहिङ्‌ग्‍वाट् लियुङ् कोब्‌युकाट्‌नाँ पुयुम्‍नाँ ओचेट्‌नुना हिट्‌नुङ् बोल् बारगाट्‌लोक्‍ना लियुक्॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

फिलिप्‌पि 3:21

उन्‌लोक् सोब्‍बे थोक् सासान् चोक्‍माना बोल् युङ्‌ग्‍वा, हिट्‌ना ओसाक्‌तिङा डोक् आनिना ना सिना येम् उन्‍ङाना गाड्‌डेना डोक् ओम्‍ना येम् चोक्‍मा हिडुटु॥

१ थेसालोनिकि 4:17

हिट्‌नुङ्‌ना आनि हिङेसिगा हिट्‌नुङ् नाडिढाइसिगाम्‍बाक् टाङ्‌साङ्‌ङि टाङ्‌बा टुब्‌सिङा माङ्‌हाङ्‌ङा एक्‍के खेप् हिट्‌नागालोक् आछुम्‌युङ् खिमेमाङि आफोक्‌युङ् आखाट्‌युक्, हिट्‌नुङ् आनि सोरोक् डोक् टाङ्‌बालोक् वासिटि॥

१ तिमोथि 6:14

आनि टाङ्‌बा येसु खिरिस्‍ट मिटाङे सोम्‍मा खान्‍ङा ना माङ्‌हाङ्‌ङाना आग्‍याँ नुलोक् हिट्‌नुङ् फाट्‌टुर माले मान् चोगु॥

२ तिमोथि 1:1

माङ्‌हाङ् उनिङ्‌ग्‍वा गाड्‌डे आङा पावाल खिरिस्‍ट येसुङाना मुलिचेला लिमा याङ्‌सेगे हिट्‌नुङ् खिरिस्‍ट येसुङि लिसाना चोलाङाना चामारसिङा बारेङि माप्‍मा लोङ्‌सा आङा याङ्‌पाङ्‌से॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

हिब्‍रु 9:28

हिट्‌नाडेडोक् सोब्‍बे याप्‌मिचिगा पाप टुग्‍माउङ्‌सा खिरिस्‍ट आप्‍पे ठिक्‍ए खेप् भोक् लिसे॥ हिट्‌नुङ् जब खिरिस्‍ट दोस्‍रो खेप् उङ्‌युक्, हिट्‌ना बेला याप्‌मिचिगा पाप टुग्‍मा माखाक्, टरो ओलाम्‍भो उपुयुङ् उयुङेसागा याप्‌मिचि बाचाँ चोक्‍माउङ्‌सा उङ्‌युक्॥

१ पाटरुस 1:13

नाड्‌डेउङ् टोॽवा चोक्‍माउङ्‌सा खानि निङ्‌ग्‍वा टेयार चोगानुम्॥ आप्‍पे लाउङ्‌सा काबुङि युङ्‌सानुम् हिट्‌नुङ् येसु खिरिस्‍ट ठेट्‌ना बेला खानिङा आटोगुम्‍लाबुम्‍ना आसिक्‌ङि डोक् ख्‍वाप्‍पा आसा युङ्‌सानुम्॥

१ पाटरुस 5:4

जब मुलि कापुबा ठेट्‌युक्, हिट्‌ना बेला खानिङा सोरोक् ओम्‌युयाक्‍ना माहिमा लोक् मान्‌ङाना मुकुट् आटोगुम्‍टुम्॥

१ युहान्‍ना 2:28

हिट्‌नुङ् खानि आइछाचि गाड्‌डेगा, उन्‌ङि लिसायाक्‍टानि, हिट्‌डेउङ् उन् ठेट्‌ना बेला आनि आँट् टोगुम्‍टुम्, हिट्‌नुङ् उन् उङ्‌ना लेम्‍बा उन् सोरि आनि मोम्‍मासिमा कोन्‌निना॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

१ युहान्‍ना 5:12

जुन्‌लोक् माङ्‌हाङ् छा लियुक्, हिट्‌नालोक् चोला लियुक्, जुन्‌लोक् माङ्‌हाङ् छा लिनिना, हिट्‌नालोक् चोला लिनिना॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥

पारकास 2:7

“खानि सोब्‍बेलोक् खेम्‍माना नुभेक् युङ्‌ग्‍वा, हिट्‌डेउङ् माङ्‌हाङ् ओहाङ्‌साङा खानि माङ्‌पाङ्‌ङिगा लाउङ्‌सा पाक् मालोडिटिगा हिट्‌ना नुलोक् खेम्‍सानुम्॥ हिट्‌नुङ् जुन् याप्‌मिङा दुस्‍टाङाना ओसाक्‌ति मेट्‌टुटु हिट्‌ना आङा माङ्‌हाङ्‌ङाना टोनालोग्‌ङिना बाकेंचाङि लिसाना चोला आपिना सिङ् उभुङ्‌माङि केङ्‌ग्‍वाना टुल्‍फुल चामा पिडुङ्‌टुङ्॥

पारकास 22:1

हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥

पारकास 22:14

हिट्‌नुङ् जुन् याप्‌मिचिङा उन्‌चि लोट्‌लिङ् सेङ्‌सेङ् ओहोप्‍टुटु, हिट्‌नागालोक् माङ्‌हाङ् आड्‌डिक् हारका लियुक्, हिट्‌नुङ् हिट्‌नागाँ चोला आपिना टुल्‍फुल चामाना हाक ओटोगुटु हिट्‌नुङ् खालाङ्‌गाङिना ढुवारिक्‌लाम्‍मा लिक्‍माना आधिकार ओटोगुटु॥