कालास्‌सि 3:25 - आठपहरिया

²⁵ ओचाफेम्‍मा टोॽवा काचोक्‍बा खोना चा उलियाक्, हिट्‌नाङा ओचाफेन्‍ना डोक् साजाए आङ्‌डुटु॥ माङ्‌हाङ्‌ङा खोना चा टो यो चोगुन्‌चिन्‍गा॥

कालास्‌सि 3:25 ပူးပေါင်းရင်းမြစ်များ

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

लुका 20:21

नागा याप्‌मिचिङा येसु उसिलाप्‍टुए, “काहिसिक्‍बा, खान्‍ङा माहामा डोक् आमाट्‌टुगा हिट्‌नुङ् माहामा डोक् आहिसिक्‍टुचिगा॥ खान्‍ङा सोब्‍बे याप्‌मिचि ठिक्‍ए चाट्‌ला आमेट्‌टुचिगा खोनालेङ् चा आकेङ्‌निना, हिट्‌नुङ् छेम्‍बा डोक् माङ्‌हाङ्‌ङाना ओलाम्‍बो बारेङि आहिसिक्‍टुचिगा नुङ् ठाहा टोगुएसुम्‍मे॥

मुलिचेला टोॽवा 10:34

ना रिङ् खेम्‍सुङ् पाटरुसङा माप्‍मा ठालाँ चोगुए, “माङ्‌हाङ्‌ङा याप्‌मिचि ठिक्‍ए चाट्‌ला मेट्‌टुचिगा रिङ् हाट्‌ले आङा ठाहा टोगुङे॥

रोमि 2:11

पोङ्‌भोने माङ्‌हाङ्‌ङा साक्‍चा टो यो चोगुन्‌चिन्‍गा॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

एफिसि 6:8

खानिङा ना रिङ् मिट्‌टानुम्, चाकार नुङ् चा चाकार माखाक् नुङ् चा, ख्‍वाप्‍पा याप्‌मिचिङा उन्‌चिङा ओचोगुना ओचेट्‌नु टोॽवाङाना इनाम टाङ्‌बालाम्‍मा ओटोगुटु॥

एफिसि 6:9

हाउ डाङ्‌बाचि, खानि कामाराचि ओचेट्‌नु चाट्‌ला मेट्‌टानुम्‌चिम्, हिट्‌नुङ् हिट्‌नागा पाट्‌नेनुम्‌चिम्, पोङ्‌भोने खानि हिट्‌नुङ् खानि कामाराचिगा ठिक्‍ए डाङ्‌बा टोनालोग्‌ङि वाहेट् नुङ् मुन्‍नेनुम्॥ उन् खोनालेङ् चा केङ्‌निना॥

कालास्‌सि 4:1

हाउ डाङ्‌बाचि, खानि कामाराचि टो यो मिचोक्‍ङे नुलोक् चाट्‌ला मेट्‌टानुम्‌चिम्॥ टोनालोग्‌ङि खानिगा चा डाङ्‌बा युङ्‌ग्‍वा नुङ् मिट्‌टानुम्॥

१ थेसालोनिकि 4:6

हिट्‌नुङ् ना रिङ्‌ङि साङा चा आप्‍पे बिस्‍वासि भुम्‍भु-झान्‍झाचि बिरुद्‌दाङि पाप ओचोगुन्‍चा आथाबा उसुबुन्‌चिन्‍चा, पोङ्‌भोने नाड्‌डेगा रिङ् काचोक्‌चिलाउङ्‌सा टाङ्‌बाङा डोक् साजाए पिडुचिचि नुङ् आन्‍याँ पाइले डोक् नागा रिङ् बारेङि नुलोक् ओछेक्‍छेक् चोक्‍नाइने॥

२ थेसालोनिकि 1:6

माङ्‌हाङ्‌ङा खोना चा टो यो मिचोक्‍ङे न्‍याए चोगुटु, खानि याङ्‌छामा काचाट्‌चि उन्‍ङा याङ्‌छामा पिडुचिचि॥

फिलेमोन 1:18

हिट्‌नाङा काबिरुद्‌दाङि ओचाफेम्‍मा माचोगाइसे आथाबा जे रिङ् हुङ्‌माना केङ्‌ग्‍वा भोने चा आनिङ्‌ङि हिसाब छेप्‍टुङ् युङ्‌सु॥

हिब्‍रु 2:2

पोङ्‌भोने माङ्‌हाङ् रिङ् काउग्‍बाचिङा पारचार ओचोगुना रिङ् छेम्‍बाना डाना, हिट्‌नुङ् माङ्‌हाङ्‌ङा गाल्‌ति ओचोग्‍गा हिट्‌नुङ् आग्‍याँ पालान् ओचोगुन्‍गालाउङ्‌सा हिट्‌नागाँ टोक्‍माना साजाए ख्‍वाप्‍पा लाउङ्‌सा पिडुचे॥

१ पाटरुस 1:17

हिट्‌नुङ् खोनालेङ् चा मिकेङ्‌ङे सोब्‍बे याप्‌मिचि उन्‌चि टोॽवा गाड्‌डे न्‍याए काचोक्‍बाउम् खानिङा बिन्‌टि आचोगिनाँ माङ्‌हाङ्‌लाउङ्‌सा पाबा आलोडुम्‍टुम् भोने, ना नाराङि पारदेसि आलिसिउङ् आयुङिनाँ उन् आड्‌डिक् मान् पिडानुमुङ् युङानि॥

याहुदा 1:16

नाड्‌डेगा याप्‌मिचि सोरोक् गिन्‌गिन् काचोक्, आरु फाट्‌टुर कालाब्‌चि, ओचाफेम्‍मा निङ्‌ग्‍वा ओचोगुङ् हिट्‌ना गाड्‌डे डोक् काचोक्, हिट्‌नुङ् घामान्‌डि रिङ् काचेक्, हिट्‌नुङ् उन्‌चि निङ्‌ग्‍वाङा उमिट्‌टुगा रिङ् टोक्‍मा याप्‌मिचि फुरक्‍याँ काचोक् उलिगा ए॥