कालास्‌सि 3:19 - आठपहरिया

¹⁹ हाउ टालिबाङ् याप्‌मिचि, खानि पाङ्‌ढाङ्‌माचि माया चोगानुम्‌चिम् हिट्‌नुङ् काइले चा याङ्‌छामा चाट्‌नेनुम्‌चिम्॥

कालास्‌सि 3:19 ပူးပေါင်းရင်းမြစ်များ

लुका 14:26

“आङा आएङ् आएङ् रोक् कारिक्‍बाङा उप्‍मा-उमा, ओटालिमाङ्, उइछाचि, उम्‍भु-उन्‍झाचि, उना-उन्‍झाचि हिट्‌नुङ् आप्‍पे नुङ्‌ना चा आङा माया याङ्आचोगिन्‍नागा भोने, हिट्‌ना आचेला लिमा हिनिना॥

रोमि 3:14

“हिट्‌नागा उन्‌चि यासिलाम्‍मा माङ् ओभेन्‍गा रिङ् लोक् साराप एडोक् ओचेक्‍गा॥”

एफिसि 4:31

सोब्‍बे ओचाफेन्‍ना रिङ्, याक्‍लेट्‌मा, खेमाबुङ्‌मा चोक्‍मा, खिजेक्‍पा चाट्‌मा हिट्‌नुङ् सोब्‍बे खाले ओभेन्‍गा रिङ् चोक्‍मा नाडानुम्॥

एफिसि 5:25

हाउ टालिबाङ्‌चि, खिरिस्‍टङा आप्‍पे ओचोला पिडुङ् माङ्‌पाङ्‌ङिगा माया चोगुचि गाड्‌डे डोक्, खानिङा चा खानि टालिमाङ्‌चि हिट्‌डेडोक् औधि याप्‍मा माया चोगानुम्‌चिम्॥

एफिसि 5:33

फेरि आङा लोनाँनि, सोब्‍बे टालिबाङ्‌ङा आप्‍पेलाउङ्‌सा माया चोगु गाड्‌डे ओटालिमाङ्‌चि माया चोक्‍माचि कोन्‌युक्, हिट्‌नुङ् सोब्‍बे टालिमाङ्‌चिङा उन्‌चि टालिबाङ्‌चि मान् चोक्‍माचि कोन्‌युक्॥

कालास्‌सि 3:21

हाउ पाबाचि, खानिङा खानि पिच्‍छाचिगा याग्‍लेप्‍मा पिनेनुम्‌चिम्॥ हिट्‌डे आचोगिए भोने उन्‌चि निङ्‌ग्‍वा एक्‌युक्॥

याकुब 3:14

टरो खानिङि निङ्‌ग्‍वा खिक्‍मा, आरु रेक् काप्‍मा हिट्‌नुङ् आप्‍पे खानि निङ् एरोक् टो चोक्‍माना निङ्‌ग्‍वा युङ्‌ग्‍वा भोने, खानिङा ठेलोक् चोक्‍सा हिट्‌नुङ् माङ्‌जो चेक्‍सा आचोगुम्‍ना पाप टेप्‍नेनुम्॥

१ पाटरुस 3:7

नाड्‌डेडोक्, टालिबाङ्‌चि खानि टालिमाङ्‌चि खानि नुङ्‌ना फेटुलो उलिगा नुङ् बुजा चोगानुमुङ् उन्‌चिलोक् आयुङिनाँ मान् चोगानुम्‌चिम्॥ पोङ्‌भोने हिट्‌नागाँ चा खानिलोक् डोक् माङ्‌हाङ्‌ङा आपिना चोला ओटोगुटु॥ नाड्‌डेउङ् खानिङा आचोगुम्‍ना बिन्‌टिङि खोना खाले चा बाधा उलिनि चा नुङ् खानिङा हिट्‌नागा नुलोक् चाट्‌ला मेट्‌टानुम्‌चिम्॥