कालास्‌सि 3:17 - आठपहरिया

¹⁷ हिट्‌नुङ् खानिङा पाक् आमाट्‌टुम् चा, आचोगुम्‍चा, ख्‍वाप्‍पा रिङ् टाङ्‌बा येसु उनिङ्‌ङि चोगानुम् हिट्‌नुङ् उन्‌लाम्‍मा डोक् माङ्‌हाङ् पाबालाउङ्‌सा पोए-पोए ठाङ्‌सानुम्॥

कालास्‌सि 3:17 ပူးပေါင်းရင်းမြစ်များ

मात्‌ति 28:19

हिड्‌डेउङ् खाडानि, हिट्‌नुङ् सोब्‍बे देसङिगा छोङ्‌बाचि चेला चोगानुम्‌चिम्, माङ्‌हाङ् पाबा, छा हिट्‌नुङ् सेङ्‌सेङ्‌ना हाङ्‌सा उनिङ्‌ङि बाप्‌टिस्‍मा पिडानुम्‌चिम्॥

मुलिचेला टोॽवा 19:17

ना रिङ् एफिसासङि उयुङागा याहुदि हिट्‌नुङ् पानिछोङ्‌बाचिङा ओखेम्‍सुए हिट्‌नुङ् हिट्‌नागा सोब्‍बे उकिट्‌टे॥ हिट्‌नुङ् हिट्‌नागाँ टाङ्‌बा येसुङाना उनिङ् ओचोन्‍डुए॥

मुलिचेला टोॽवा 4:30

हिट्‌नुङ् सेङ्‌सेङ्‌ना कासेवाक् येसुङाना उनिङ्‌ङि याप्‌मिचि नुमानिङ् चोक्‍माना, डोङ् ठोङ्‌डिना मिक्‍सेन् हिट्‌नुङ् टोॽवाचि काबोल्‌लाम्‍मा उलियाक्॥”

रोमि 1:8

हाट्‌ले सोब्‍बे नुङ् पाइले खानि सोब्‍बे लोङ्‌सा येसु खिरिस्‍टङा उनिङ्‌ङि आङाना माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा खिरिस्‍टङि आचोगुम्‍ना बिस्‍वासङाना बारेङि सोब्‍बे ठोङ्‌ङिगा याप्‌मिचिङा रिङ्‌पान् ओचोगुएट्‌टु॥

१ कोरिन्‌थि 10:31

नाड्‌डेउङ् आङा लोनाँनि, खानिङा आचाम्‍चा, आठुङुम्‍चा, जे सुके आचोगिचा, सोब्‍बे माङ्‌हाङ्‌ङाना उनिङ् चोन्‍मा लोङ्‌सा चोगानुम्॥

एफिसि 1:17

आनि टाङ्‌बा येसु खिरिस्‍टङाना माहिमित माङ्‌हाङ् पाबाङा खानि उन्‍ङाना हाङ्‌सालाम्‍मा ठोना लिना माचोगिटि, हिट्‌नुङ् उन् आप्‍पे खानिङि पारकाट् चोगुटु, हिट्‌डेउङ् खानिङा उन् आझा नुलोक् मिसेन् आनिसुम्‍टुम्॥

एफिसि 5:20

आनि टाङ्‌बा येसु खिरिस्‍टङाना उनिङ्‌ङि माङ्‌हाङ् पाबालाउङ्‌सा ख्‍वाप्‍पा रिङ्‌ङि सोरोक् पोए-पोए पिडानुम्॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 2:11

हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

कालास्‌सि 1:12

माङ्‌हाङ् पाबा सोरोक् पोए-पोए ठाङ्‌सानुम्॥ उन्‍ङा व्‍हाङ्‌ङाना उमुलुक् सेङ्‌सेङ्‌गा ओयाप्‌मिचि पिमाचिलाउङ्‌सा चामारसिङा चोगुना रिङ् खानिङा चा टोक्‍मा आहिडुम्‍लोक् माचोगेसिए॥

कालास्‌सि 2:7

सिङ् उभुङ्‌माङा खाम्‌ङि ओजारा ठेन्‍डु गाड्‌डे डोक् खानि चा बिस्‍वासङि बोल्‍लेउ लिसानिउङ् पोसा खाडानि॥ खानि माहिसिक्‌टिगा गाड्‌डे बिस्‍वासङि बोल्‍लेउ लिसानि, हिट्‌नुङ् माङ्‌हाङ् सोरोक् पोए-पोए ठाङ्‌सानुम्॥

कालास्‌सि 3:15

खिरिस्‍टङि लिसाना हाङ्‌हाङ्‌ङा खानि निङ्‌ग्‍वाङि राज्‍य ओचोगुवाक्॥ खानि ठिक्‍ए येम्‌ङि हाङ्‌हाङ् लिसानिउङ् युङानि नुङ् डोक् माङ्‌हाङ्‌ङा माछेम्‌डिगा ए, हिट्‌नाम्‍बाक् खिरिस्‍टङाना ओयेम् ए॥ खानिङा पोए-पोए ठाङ्‌सानुम्॥

कालास्‌सि 3:23

खानिङा जे आचोगुएट्‌टुम्, खानि निङ्‌ग्‍वालाम्‍मा डोक् चोगानुम्, याप्‌मि लोङ्‌सा चोगि गाड्‌डे माखाक्, टरो टाङ्‌बाङाना सेवा चोगि गाड्‌डे डोक् चोगानि॥

१ थेसालोनिकि 1:1

थेसालोनिकि माङ्‌पाङ्‌ङिगा माङ्‌हाङ् पाबा हिट्‌नुङ् टाङ्‌बा येसु खिरिस्‍टङि बिस्‍वास काचोक्‌चिलाउङ्‌सा आङा पावाल, सिलास लोक् तिमोथिलाम्‍मा ना चिट्‌ठि छेप्‍टुएट्‌टुम्‍मा॥ खानिलोङ्‌सा मायादाया लोक् हाङ्‌हाङ् उलियाक्॥

१ थेसालोनिकि 5:18

जे सुके लिचा माङ्‌हाङ् पोए-पोए ठाङ्‌सानुम्, पोङ्‌भोने खिरिस्‍ट येसुङि खानिङा नागा रिङ्‌चि डोक् चोगानुम् नुङ् माङ्‌हाङ्‌ङाना उनिङ्‌ग्‍वा ए॥

२ थेसालोनिकि 2:17

उन्‍ङा डोक् सोब्‍बे ओचेट्‌नुगा रिङ्‌चि चोक्‍मा हिट्‌नुङ् माप्‍मालाउङ्‌सा आँट् लोक् बोल् खानि मापिड्‌याक्॥

हिब्‍रु 1:5

माङ्‌हाङ्‌ङा खोना चा माङ्‌हाङ् रिङ् काउग्‍बा “खान् आइछा ए, हाट्‌ले आङा काप्‍पा लिसैसाङे” नुङ् लोडुवाट्‌टुन्‌चिन्॥ फेरि माङ्‌हाङ् रिङ् काउग्‍बाचि माङ्‌हाङ्‌ङा नाड्‌डे चा लोडुवाट्‌टुन्‌चिन्, “आङा हिट्‌नागाँगा पाबा लिङा, हिट्‌नुङ् हिट्‌नागा आइछाचि उलियुक्॥”

हिब्‍रु 13:15

हिड्‌डेउङ् येसुङाना उनिङ्‌लाम्‍मा आनि यासिङा सोरोक् माङ्‌हाङ् उनिङ् चोन्‍डुम्, हिट्‌नाम्‍बाक् उन्‌लाउङ्‌सा ठाङ्‌सुम्‍ना आनिना भोक् ए॥ ना निङ् चोम्‍माम्‍बाक् आनि यासिङा उन् डोक् टाङ्‌बा नुङ् लाड्‌मा ए॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

१ युहान्‍ना 2:23

जुन्‍ङा छा लाडुन्‍ना, हिट्‌नाङा पाबा चा लाडुन्‍ना॥ जुन्‍ङा छा लाडुटु, हिट्‌नाङा पाबा चा लाडुटु॥

१ युहान्‍ना 3:18

खानि आइछाचि गाड्‌डेगा, आनि यासि लोक् रिङ्‌ङा एडोक् माया चोगि पिगिन्‍चा, टरो आनिना मायाम्‍बाक् छेम्‍बाना लिमा कोन्‌युक् हिट्‌नुङ् नाड्‌डेना माया टोॽवालाम्‍मा डोक् ठेट्‌युक्॥