कालास्सि 3:16 - आठपहरिया16 खिरिस्टङाना उहिसिक्मा खानि निङ्ग्वाङि जोम् उइप्टुवाक्॥ ख्वाप्पा चालाँ चोक्माना ठोनालाम्मा ठिबाङ्ङा आरको हिसिक्टानुम्चिम् हिट्नुङ् साल्लाह कापिबा लिसानि॥ खानि निङ्ग्वालाम्मा माङ्हाङ् पोए-पोए पिसा छाम्लोसानि, निङ् चोन्डानुम् हिट्नुङ् माङ्हाङ्ङाना छाम्लोमा लोसानि॥ အခန်းကိုကြည့်ပါ။ |
कालास्सि 3:16
62 ပူးပေါင်းရင်းမြစ်များ
हिड्डेउङ् हाट्ले आङा नाड्डे चोक्ङा, सेङ्सेङ्ना हाङ्साङा आङा याङ्लोडा गाड्डे बिन्टि चोगुङ्टुङ्, हिट्नुङ् आङा बुजा चोगुङ्ना रिङ्ङि चा बिन्टि चोगुङ्टुङ्॥ आङा आनिङ्ग्वालाम्मा सेङ्सेङ्ना हाङ्साङा याङ्लोडि गाड्डे छाम्लोमा ठाक्टुङ्टुङ्, हिट्नुङ् आङा बुजा चोगुङ्ना रिङ्ङि चा छाम्लोमा ठाक्टुङ्टुङ्॥
आम्बु-आन्झाचि हिट्नुङ् आनो-आन्झाचि, हाट्ले आङा माप्मा कोलुङ्ना रिङ्म्बाक् ना ए, खानि माङ्पाङ्ङि माङ्ध्यान् चोक्ङा आछुमिनाँ, कोइलोक् छाम्लोमा ठाक्माना बारदान लिमा हियुक्, आरकोलोक् हिसिक्माना रिङ्, आरकोलोक् माङ्हाङ्ङा निमेट्टुना रिङ् माप्माना रिङ् लिमा हियुक्, कोइलोक् आरु रिङ्ङि चेक्माना बारदान लिमा हियुक् भोने, आरकोलोक् हिट्ना रिङ्ङाना उटुप् माप्माना बारदान लिमा हियुक्॥ नागा सोब्बे रिङ्ङा माङ्पाङ्ङिगा बिस्वासिचि बिस्वासङि दोरो चोक्मालाउङ्सा चोक्मा कोन्युक्॥
हिड्नाड्डेउङ् सोब्बे याप्मि लोङ्सा खिरिस्टङाना बारेङि आन्याँ पारचार चोगुम्टुम्मा॥ हिट्नुङ् हिट्नागा ख्वाप्पा याप्मिचि माङ्हाङ्ङा आन्याँ याप्मिपिडाना ठोनालाम्मा ओछेक्छेक् चोक्सा हिसिक्टुम्चिम्चिम्मा॥ हिट्नुङ् खिरिस्टङाना साम्बान्धाङि बोल्लेउ लिमा ख्वाप्पा याप्मिचि उन्ङाना ओटोकानाङि टाप्माचिलाउङ्सा आन्याँ नाड्डे चोगुम्टुम्मा॥
हिड्डेउङ् आन्याँ ना रिङ् खेम्सुम्माना बेलालाम्मा डोक् खानि लोङ्सा सोरोक् बिन्टि चोगुएट्टुम्मा॥ खानिलाउङ्सा माङ्हाङ्ङाना उनिङ्ग्वाङिना रिङ् हाङ्सालाम्मा चालाँ चोक्माना ठोना हिट्नुङ् ठोनाङाना बारेङि ख्वाप्पा थोक् बुजा चोक्मा घुवार माफाड्याक् नुङ् आन्याँ बिन्टि ठाङ्सुम्टुम्मा॥
खानि आइछाचि गाड्डेगा, आङा खानि लाउङ्सा छेप्टुएट्टुङ्, पोङ्भोने खानिङा माङ्हाङ् पाबा मिसेन् आनिसुएसुम्मे॥ पाबाचि, आङा खानि लाउङ्सा छेप्टुएट्टुङ्, पोङ्भोने उटुम्लाम्मा वासेट्टाना खानिङा मिसेन् आनिसुम्टुम्॥ ठाङ्बेन्चि, आङा खानि लाउङ्सा छेप्टुएट्टुङ्, पोङ्भोने खानि बोल्लेउ आवासेट्टि, हिट्नुङ् माङ्हाङ् उरिङ् खानि निङ्ग्वाङि युङ्ग्वा, हिट्नुङ् खानिङा सैतान आमेट्टुएसुम्मे॥
टरो खानिङाम्बाक् सेङ्सेङ्ना हाङ्सा आटोगुएसुम्मे, हिट्नुङ् उन् खानिङि लियुक्, हिट्डेउङ् साङा चा खानि हिसिक्मा कोन्निना॥ पोङ्भोने सेङ्सेङ्ना हाङ्साङा खानि सोब्बे रिङ् सिकाँ माचोगिटि, हिट्नुङ् उन्ङा सिकाँ माचोगिगा रिङ् छेम्बाना ए, माङ्जोना माखाक्॥ सेङ्सेङ्ना हाङ्साङा सिकाँ माचोगि गाड्डे डोक् खिरिस्टङि लिसानि॥
हिट्नागा एक लाख चावालिस हाजार याप्मिचिङा माङ्हाङ्ङाना सिङासान् सोरि, टेम्बोक् उहिङ्ग्वाट् जिवाट्चि टोकानाङि हिट्नुङ् ओठेडोङ्चि टोकानाङि ठिक् ओछोङ्ग्वाट् छाम्लोमा ओठाक्टुएट्टुगा॥ नाराङिगा याप्मिचि माड्डे छुट्कारा ओटोगुगा एक लाख चावालिस हाजार याप्मिचिङा एडोक् हिट्ना ओछोङ्ग्वाट् छाम्लोमा खोड्डे पारिक् छाम्लोमाना नुङ् उनिसुगा डागा, आरु खोनाँ चा उनिसुन्गा डागा॥
हिट्नागाँ माङ्हाङ् ओसेवाक् मोसाङाना छाम्लोमा हिट्नुङ् थुमाङाना छाम्लोमा ओछाम्लोसेट्टागा, “माङ्हाङ् डाङ्बा, खान् सोब्बे नुङ्ना माङ्बोल्लेउ, हिट्नुङ् खान्ङा आचोगुना टोॽवा माङ्ठेना हिट्नुङ् डोङ् ठोङ्डिना ए॥ खान् सोब्बे छोङ्बाचिगा हाङ्बा ए, खान्ङागा सोब्बे टोॽवा सिधा हिट्नुङ् छेम्बागा ए॥
हिट्नुङ् हिट्ना माङ्हाङ् रिङ् काउग्बा माङ्ध्यान् चोक्मा लाउङ्सा ओटोकानाङि गुङ् चोगाङे, टरो हिट्नाङा आङा नाड्डे याङ्लोडे, “नाड्डे चोक्नेन्॥ आङाउम्टे खान् हिट्नुङ् बिस्वासि कासाइबाचि गाड्डे येसुङाना सेवा काचोक्बा एडोक् ए॥ खान्ङा माङ्हाङ् एडोक् माङ्ध्यान् चोक्मा कोन्युक्, पोङ्भोने छेम्बाना माङ्हाङ्लाम्माना रिङ् काचेक्बाङा एडोक् येसुङाना बारे आरु लोडुचिचि॥”
हिट्नागाँ नाड्डे पिक्सा ठिक् ओछोङ्ग्वाट् छाम्लो ओठाक्टुए, “ना छाप्लाङाना मुठा खान्ङा एडोक् काप्मा आहिडुटु हिट्नुङ् हिट्नागा छाप्चि ओङ्मा योग्ए खान् एडोक् ए, पोङ्भोने याप्मिचिङा खान् मासेडे, हिट्नुङ् खान्ङा काहेलिक् आवेडुङ् ख्वाप्पा छोङ्बाचि, खाले-खाले रिङ् काचेक्, सोब्बे याप्मिचि हिट्नुङ् ख्वाप्पा देसङिगा माङ्हाङ् लाउङ्सा छुट्कारा आपिडुचे॥
ကြော်ငြာတွေ