कालास्‌सि 2:1 - आठपहरिया

¹ छेम्‍बा डोक्, आङा आम्‍टेप्‍मा औधि खानि लाउङ्‌सा, हिट्‌नुङ् लाउडिकियाङिगा माङ्‌हाङ् ओयाप्‌मिचि, हिट्‌नुङ् आङा मिसेन् याङ्उनिनिङ्‌गा आरु याप्‍मा बिस्‍वासिचि लोङ्‌सा दुखे चोगुङुङ् टोॽवा चोगुएट्‌टुङ्‌ना रिङ् खानिङा ठाहा टोगानुम् नुङ् आङा मिट्‌नाँ॥

कालास्‌सि 2:1 ပူးပေါင်းရင်းမြစ်များ

लुका 22:44

येसुङाना आड्‌डिक् टुक्‍लोक् उनिङ्‌ग्‍वा एगाउङ् माइढा बिन्‌टि चोक्‍मा ठालाँ चोगुए, हिट्‌नुङ् ओहाङ्‌ग्‍वाट् ठे-ठेना हेलिक्‌ङाना ठेपोङ् गाड्‌डे डोक् खाम्‌मि ठामा ठालाँ चोगुए॥

मुलिचेला टोॽवा 20:25

“हाट्‌ले खेम्‍सानुम्, माङ्‌हाङ् उमुलुक् खानि सोब्‍बेलोङ्‌सा आङा पारचार चोक्‍सा वासाङे, खानिङा फेरि आङा खोना बेला चा आटुबिन्‍नागा नुङ् आङा ठाहा टोगुएसुङे॥

मुलिचेला टोॽवा 20:38

पावालङा हाट्‌ले आनि फेरि खोना बेला चा टुबिन्‍गा नुङ् लोडुचिनाँ हिट्‌नागाँगा आड्‌डिक् उन्‌चि निङ्‌ग्‍वा टुगे॥ हिट्‌नुङ् हिट्‌नागाँ पावाल चुवाखोङ्‌डाङ् सोम्‍मा ओसायुढोए॥

गालाति 4:19

खानि आइछाचि गाड्‌डेगा डोक्, मेन्‍झेमा छाडाङ्‌मा बेथा लाहाब् लिना बेला याङ्‌छामाङा छोट्-छोट् केलि गाड्‌डे आङा चा फेरि खानि लाउङ्‌सा याङ्‌छामाङा छोट्-छोट् लिङेट्‌ङा॥ खानि खिरिस्‍टङाना चाट्‌लाङि मिटुम्‍मे सोम्‍मा आङा ना याङ्‌छामा आङ्‌डुङ्‌टुङ्॥

फिलिप्‌पि 1:30

खानिङा पाइले आङा आङ्‌डुङ्‌ना याङ्‌छामा आनिसुम्‍मे, हिट्‌नुङ् हाट्‌ले चा आङ्‌डेट्‌टुङ्‌ना रिङ् खानिङा आखेम्‍सेट्‌टुम्॥ हिड्‌डेना याङ्‌छामा डोक् खानिङा चा आङ्‌डेट्‌टुम्॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

कालास्‌सि 1:29

हिट्‌नाड्‌डेउङ् खिरिस्‍टङा आनिङ्‌ग्‍वाङि याङ्‌पिडाना ठेना ओबोल्‌लाम्‍मा आङा ना टोॽवा आड्‌डिक् मिहिनेत चोगुङुङ् चोगुङ्‌टुङ्॥

कालास्‌सि 2:5

आङा खानिलोक् हिट्‌नि एक्‍केउ वानिङ् चा आनिङ्‌ग्‍वाउम् खानिलोक् डोक् युङ्‌ग्‍वा॥ हिट्‌नुङ् खानि ठिक्‍ए निङ्‌ग्‍वा आलिसिउङ् आयुङिगा हिट्‌नुङ् खिरिस्‍टङि खानि बिस्‍वास औधि बोल्‍लेउ लिसाना रिङ् खेम्‍सुङुङ् आङा हारका लिसाइसाङे॥

१ थेसालोनिकि 2:2

खानिङि आप्‍मा पाइले फिलिप्‌पिङि आन्‍याँ याङ्‌छामा याङ्‌ओचाट्‌टाना हिट्‌नुङ् ओचाफेन्‍लोक् याप्‌मि ओमेट्‌टाना रिङ् खानिङा ठाहा आटोगुएसुम्‍मे, टरो औधि बिरोध लिसा चा माङ्‌हाङ्‌ङाना नुना खाबोर माट्‌मा माङ्‌हाङ्‌लाम्‍मा आन्‍याँ आँट् टोगुमे॥

हिब्‍रु 5:7

येसु ना नाराङि येम्‌ङि वासानाँ उन् सिइनालाम्‍मा बाचाँ चोक्‍मा काहिबा माङ्‌हाङ्‌ङि आड्‌डिक् राट्‌टाउङ् हाप्‍सा मिॽवा ठेन्‍डुङ् बिन्‌टि ठाङ्‌सुए॥ पोङ्‌भोने उन्‍ङा उनिङ्‌ग्‍वालाम्‍मा डोक् माङ्‌हाङ् माङ्‌ध्‍यान् चोगुए, हिट्‌नुङ् माङ्‌हाङ्‌ङा उन्‍ङाना बिन्‌टि खेम्‍सुए॥

१ पाटरुस 1:8

खानिङा उन् आनिनिम्‍गेट्‌निम् हिट्‌नुङ् चा माया आचोगुम्‍टुम्॥ हिट्‌नुङ् उन् हाट्‌ले आनिनिम्‍चा उन्‌ङि बिस्‍वास आचोगुम्‍टुम्॥ हिट्‌नुङ् माप्‍मा डोक् हिनिम्‍ना ठेना हारकाङा खानि निङ्‌ग्‍वा इप्‍टुएसुए॥

पारकास 1:11

हिट्‌नाँ नाड्‌डे याङ्‌लोडे, “खान्‍ङा आनिसुगा रिङ् ठिक् छाप्‍लाङि छेप्‍टु, हिट्‌नुङ् एफिसास, इस्‍मुरना, पारगामाम, थिआटिरा, सारडिस, फिलाडेल्‌फिया हिट्‌नुङ् लाउडिकिया खालाङ्‌गाङि उलिसागा नागा सि माङ्‌पाङ् लाउङ्‌सा ना छाप्‍ला हाक्‍टुचि॥”