कालास्सि 1:23 - आठपहरिया23 टरो खानिङा ना छेम्बाना रिङ्ङि बिस्वास चोगायाक्टानुम् हिट्नुङ् ना रिङ्ङि डोक् बोलियो लिसानिउङ् युङानि॥ खानिङा आखेम्सुम्ना नुना खाबोरङि आटोगुम्ना आसालाम्मा खोनालेङ् चा निङ्ग्वा पिनेनुम्॥ ना खाबोर डोक् नारा टेप्गा याप्मिचिलोङ्सा पारचार चोगाइसे॥ हिट्नुङ् आङा पावाल चा ना रिङ् पारचार चोक्माउङ्सा डोक् माङ्हाङ्ङाना ओसेवाक् लिसाइसाङे॥ အခန်းကိုကြည့်ပါ။ |
कालास्सि 1:23
72 ပူးပေါင်းရင်းမြစ်များ
टरो आङा सिलाप्नाँनि, “पाक् इस्राएलि याप्मिचिङा नुना खाबोर ओखेम्सुन्गेट्टुन्गि टे?” छेम्बा डोक् हिट्नागाँ ओखेम्सुएसुए, पोङ्भोने धारमाबिधिङि छेप्टेसे– “ना नुना खाबोर पारचार काचोक्बाचिगा खाबोर नाराङिना ख्वाप्पा डेन्लेङ् छिन्डेसे॥ हिट्नुङ् हिट्नागाँ ओमाट्टुगा रिङ् सोब्बे याप्मिचिलाउङ्सा पारचार चोगेसे॥”
आङा पानिछोङ्बाचिलाउङ्सा माङ्हाङ्ङाना बारेङि ओचेट्नुना खाबोर पारचार चोगुङुङ् खिरिस्ट येसुङाना सेवा चोगुङ्टुङ्॥ नाड्डेउङ् पुजारिङा भेटि ठाङ्सु गाड्डे डोक् आङा चा हिट्नागा माङ्हाङ्ङाना उनिङ्ग्वा टासुना भेटि ठाङ्मा हिडुङ्टुङ्, पोङ्भोने सेङ्सेङ्ना हाङ्साङा हिट्नागा सेङ्सेङ्गा याप्मिचि चोगुएसुचे॥
पाक् हिट्नागा खिरिस्टङाना ओसेवाक्चि इ? आङा ङाङ्सुबा याप्मि गाड्डे डोक् चेक्ङा, आङा हिट्नागा नुङ्ना चा ओचेट्नुना सेवाक् ए॥ आङा हिट्नागा नुङ्ना याप्मा टुक्ना टोॽवा चोगेसुङे॥ याप्मा खेप् आङा खाम्बाङ्ङि याङ्ओठेन्डे, ओचाफेन्लोक् कोरराङा याङ्ओलेम्से, याप्मा खेप् सिमालोक् हिङ्मा लिसाङे॥
आनि खिरिस्टङि युङ्सुम्ना आसा खानिङा बुजा चोक्मा माङ्हाङ्ङा घुवार माफाडियाक् नुङ् आङा बिन्टि चोगुङ्टुङ्, हिट्नुङ्ना माङ्हाङ्ङा सेगुचिगा ओयाप्मिचि चामारसिङा चोगुना ओचेट्नुना रिङ्ङाना उटुप् खानिङा बुजा आचोगुम्टुम्, हिट्नुङ् उन्ङा सेगुचिगा याप्मिचिङा ओचोगुनाँ माङ्हाङ्ङा ठेना मान् टोगुटु॥
हिड्नाड्डेउङ् आङा आरु याप्मा आङ्मा हिनेट्निउङ् खानि बिस्वास दोरो युङ्ग्वानि वाइना इ नुङ् ठाहा टोक्मा लोङ्सा खानिलोक् टुब्सिङा तिमोथि पाङ्सुङे, पोङ्भोने निङ्ग्वा काछिक्बाङा खानि निङ्ग्वा छिक्टुङ् वारिक्ङि माठेन्डिए होला हिट्नुङ् आन्याँ चोगुम्माना टोॽवा खेरोक् डोक् लियुक्नि नुङ् आङा किट्टाइसाङ्ना॥
आन्याँ साङ्का मिचोक्ङे ना राहास्ये आड्डिक् माङ्ठेना नुङ् बिस्वास चोगुम्टुम्मा– खिरिस्ट आप्पे याप्मिङाना येम्ङि ठेट्टे, हिट्नुङ् सेङ्सेङ्ना हाङ्साङा उन् धारमोति याप्मि नुङ् पारमान् चोगुए॥ माङ्हाङ् रिङ् काउग्बाचिङा उनिसुए, हिट्नुङ् ओचेलाचिङा छोङ्बा छोङ्बाचिङि पारचार ओचोगुए॥ नाराङिगा याप्मिचिङा उन् बिस्वास ओचोगुए, हिट्नुङ् माङ्हाङ्ङा उन् माहिमाङि टोनालोग्लेङ् फोगुवाट्टुए॥
टरो खानिङाम्बाक् सेङ्सेङ्ना हाङ्सा आटोगुएसुम्मे, हिट्नुङ् उन् खानिङि लियुक्, हिट्डेउङ् साङा चा खानि हिसिक्मा कोन्निना॥ पोङ्भोने सेङ्सेङ्ना हाङ्साङा खानि सोब्बे रिङ् सिकाँ माचोगिटि, हिट्नुङ् उन्ङा सिकाँ माचोगिगा रिङ् छेम्बाना ए, माङ्जोना माखाक्॥ सेङ्सेङ्ना हाङ्साङा सिकाँ माचोगि गाड्डे डोक् खिरिस्टङि लिसानि॥
हाट्ले खानिङा आङ्डुम्लाबुम्ना याङ्छामालोक् किट्नेनिन्॥ खानि बिस्वास जाँचा चोक्माउङ्सा खानि माड्डे कोइ-कोइ सैतानङा खाम्बाङ्ङि माठेन्डिटि॥ हिट्नुङ् खानिङा ठिमेक् लेम्बा टेप्मा याङ्छामा आआङ्डुम्टुम्॥ टरो सिमा डोक् कोन्ना लिचा आङि बिस्वास चोक्मा नानेनुम्, हिट्नुङ् आङा खानि खोना बेला चा लाट्निना चोलाङाना इनाम् पिनाँनि॥
ကြော်ငြာတွေ