कालास्सि 1:16 - आठपहरिया16 पोङ्भोने टोनालोग् हिट्नुङ् नाराङिगा सोब्बे थोक् माङ्हाङ्ङा खिरिस्टलाम्मा सिरिस्टि चोगुए॥ निमा हिडुम्गा हिट्नुङ् निमा हिनिम्गा थोक्चि, निनिम्गा सिङासान्चि आथाबा साक्तिचि उलियाक्, निनिम्गा ओभेन्गा रिमेट्चिगा आथाबा आधिकारचि उलियाक्, नागा सोब्बे रिङ्चि उन्लाम्मा डोक् हिट्नुङ् उन् लोङ्सा डोक् सिरिस्टि उलिसे॥ အခန်းကိုကြည့်ပါ။ |
कालास्सि 1:16
29 ပူးပေါင်းရင်းမြစ်များ
पोङ्भोने माङ्हाङ्ङाना ओमायालाम्मा आनि खोना चा रिङ्ङा साम्मा आहिनिना नुङ् आङा ठाहा टोगुएसुङे॥ आनि सिमा कोलेचा आथाबा उहिङ्ग्वाट् लिसि चा, उन्ङा माया ओचोक्युक्॥ हिट्नुङ् माङ्हाङ् रिङ् काउग्बाचि आथाबा ओभेन्गा रिङ्, आथाबा आरुङागा साक्ति, आथाबा हाट्लेसेन् लियेट्गा रिङ् आथाबा हान्डेङ् लिगा रिङ्ङा आनि माङ्हाङ्ङाना ओमायालाम्मा साम्मा आहिनिना॥
टरो आनि लोङ्साम्बाक् ठिबाङ् एडोक् माङ्हाङ् पाबा वाहेट्, उन्ङा डोक् सोब्बे थोक् सिरिस्टि चोगुए, हिट्नुङ् उन्ङाना सेवा चोक्माउङ्सा आनि हिङिटि॥ येसु खिरिस्टउम्बाक् आनिना ठिबाङ् एना टाङ्बा ए॥ उन्लाम्मा डोक् सोब्बे थोक् सिरिस्टि लिसे हिट्नुङ् उन्लाम्मा डोक् माङ्हाङ्ङाना सेवा आनि चोगुम्टुम्॥
पोङ्भोने आनिना खेमाबुङ्माम्बाक् याप्मिचिगा बिरुद्दाङि माखाक्, टरो आनिना खेमाबुङ्माम्बाक् ठेप्मा ठेट्निना साक्ति हिट्नुङ् आधिकारलोक्ना, हिट्नुङ् ना नाराङि सासान् काचोक् डुम्बारिक् डुम्ङिना साक्तिलोक्, हिट्नुङ् टाङ्साङि उलिगा पारिक् पारिक्गा टोम्गाचिगा हिट्नुङ् ओभेन्गा हाङ्साङागा साक्तिचिगा बिरुद्दाङि ए॥
सोब्बे थोक् माङ्हाङ्ङाना डोक्, हिट्नुङ् सोब्बे थोक् उन्ङाना ओबोललाम्मा लिसाना ए॥ हिड्डेउङ् माङ्हाङ्ङा येसु याङ्छामालाम्मा डोक् सिद्दा चोगुए॥ हिट्नाड्डेउङ् येसु याप्मा उन्ङाना ओयाप्मिचि लोङ्सा मुक्टि कापिबा लिसे हिट्नुङ् माङ्हाङ्ङा उन्ङाना माहिमाङाना ओभागा टोग्माना हिट्नागा चोगुचे॥
ကြော်ငြာတွေ