कालास्सि 1:12 - आठपहरिया12 माङ्हाङ् पाबा सोरोक् पोए-पोए ठाङ्सानुम्॥ उन्ङा व्हाङ्ङाना उमुलुक् सेङ्सेङ्गा ओयाप्मिचि पिमाचिलाउङ्सा चामारसिङा चोगुना रिङ् खानिङा चा टोक्मा आहिडुम्लोक् माचोगेसिए॥ အခန်းကိုကြည့်ပါ။ |
कालास्सि 1:12
50 ပူးပေါင်းရင်းမြစ်များ
खान्ङा हिट्नागा याप्मिचिगा मिक् ओङ्सुबिडुचि, हिट्नुङ् हिट्नागा डुम्बारिक् डुम्लाम्मा व्हाङ्ङि हिट्नुङ् सैतानङाना ओसाक्तिलाम्मा माङ्हाङ्ङि ओनोक्याक्॥ हिट्नुङ् माङ्हाङ्ङा हिट्नागाँगा पाप टुगुबिडुचिचि, हिट्नुङ् हिट्नागाँ माङ्हाङ्ङि बिस्वास ओचोगुनाँ उन्ङा सेगुचिगा ओयाप्मिचिलोक् साङ्गाटिङि युङ्मा ओटोगुटु॥’
याहुदि याप्मिचि माङ्हाङ्ङा लेट्टुना हिट्नुङ् स्यारसुसार चोगुना ओचेट्नुना जैतुन उभुङ्मालोक् टोङ्मा हिडुम्चिम्चिम्, टरो इम्टेप्मा ओहागेप्पाचिम्बाक् ओएगाडे॥ हिट्नुङ् खानि पानिछोङ्बाचि जाङ्गालि जैतुन उभुङ्माङाना ओहागेप्पाचिलोक् टोङ्मा हिडुम्टुम्, खानि हिट्ना ओचेट्नुना सिङ् उभुङ्माङाना ओहागेप्पाचिङि कालामि मारेक्टेसिए॥ हिट्डेउङ् हाट्ले खानिङा हिट्ना ओचेट्नुना जैतुन उभुङ्मालाम्मा बारगाट् हिट्नुङ् चोला आटोगुम्टुम्॥
हिट्नागा आप्पेङा डोक् यरुसलेमङिगा बिस्वासिचि घुवार फामा निङ्ग्वा ओचोगुएसुगा डागा॥ छेम्बा डोक्, हिट्नागाँ हिट्नागा घुवार फामाचि उन्चि टोॽवा डोक् ए, पोङ्भोने याहुदि बिस्वासिचिलाम्मा माङ्हाङ्ङाना बारेङि पानिछोङ्बाचिङा ओखेम्सुङ् आसिक् ओटोगुए॥ नाड्डेउङ् पानिछोङ्बाचिङा चा उन्चिलोक् लिसागा थोक्चि याहुदि बिस्वासिचि उपिडुचिउङ् घुवार फामाचि कोन्युक्॥
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
टरो आनि लोङ्साम्बाक् ठिबाङ् एडोक् माङ्हाङ् पाबा वाहेट्, उन्ङा डोक् सोब्बे थोक् सिरिस्टि चोगुए, हिट्नुङ् उन्ङाना सेवा चोक्माउङ्सा आनि हिङिटि॥ येसु खिरिस्टउम्बाक् आनिना ठिबाङ् एना टाङ्बा ए॥ उन्लाम्मा डोक् सोब्बे थोक् सिरिस्टि लिसे हिट्नुङ् उन्लाम्मा डोक् माङ्हाङ्ङाना सेवा आनि चोगुम्टुम्॥
आनि खिरिस्टङि युङ्सुम्ना आसा खानिङा बुजा चोक्मा माङ्हाङ्ङा घुवार माफाडियाक् नुङ् आङा बिन्टि चोगुङ्टुङ्, हिट्नुङ्ना माङ्हाङ्ङा सेगुचिगा ओयाप्मिचि चामारसिङा चोगुना ओचेट्नुना रिङ्ङाना उटुप् खानिङा बुजा आचोगुम्टुम्, हिट्नुङ् उन्ङा सेगुचिगा याप्मिचिङा ओचोगुनाँ माङ्हाङ्ङा ठेना मान् टोगुटु॥
खानि ख्वाप्पाङा आँट् टोगानुम् हिट्नुङ् खानि खानिङि माया चोगानिउङ् एक्केउ लिसानि नुङ् आङा नाड्डे चोगुङ्ना॥ हिड्डे लिसानाँ खानि निङ्ग्वाङि आड्डिक् बोल्लेउ आलिसिउङ् सोब्बे माङ्हाङ्ङाना रिङ् बुजा चोक्मा आहिडुम्टुम्, हिट्नुङ् माङ्हाङ्ङाना ठोबाना रिङ् डोक् खिरिस्ट ए नुङ् मिसेन् आनिसुम्टुम्॥
ကြော်ငြာတွေ