मुलिचेला टोॽवा 8:12 - आठपहरिया

¹² टरो जब फिलिपङा माङ्‌हाङ् उमुलुक् हिट्‌नुङ् येसु खिरिस्‍टङाना बारेङि नुना खाबोर पारचार चोगुए, टब याप्‌मिचिङा फिलिपङा माट्‌टुना रिङ्‌ङि बिस्‍वास ओचोगुए हिट्‌नुङ् जोम् येम्‍बेछा हिट्‌नुङ् मेन्‍झेमाचिङा बाप्‌टिस्‍मा ओलाडुए॥

मुलिचेला टोॽवा 8:12 ပူးပေါင်းရင်းမြစ်များ

मात्‌ति 28:19

हिड्‌डेउङ् खाडानि, हिट्‌नुङ् सोब्‍बे देसङिगा छोङ्‌बाचि चेला चोगानुम्‌चिम्, माङ्‌हाङ् पाबा, छा हिट्‌नुङ् सेङ्‌सेङ्‌ना हाङ्‌सा उनिङ्‌ङि बाप्‌टिस्‍मा पिडानुम्‌चिम्॥

लुका 9:2

हिट्‌नुङ् उन्‍ङा हिट्‌नागा माङ्‌हाङ् उमुलुक् पारचार चोक्‍ङा हिट्‌नुङ् उटुग्‍गा याप्‌मिचि नुमानिङ् चोक्‌सिङा पाङ्‌सुचे॥

लुका 9:60

हिट्‌ना येसुङा लोडुए, “उसियागाँ उसियागा याप्‌मिचि डोक् हुम्‍मा पिडानुम्‌चिम्, टरो खान् खाडाउङ् माङ्‌हाङ् उमुलुक् पारचार चोगु॥”

मुलिचेला टोॽवा 1:3

येसुङा याङ्‌छामा आङ्‌डुङ् सिए, हिट्‌नुङ् चालिस लेम्‍बा सोम्‍मा छेम्‍बा डोक् उहिङ्‌ग्‍वाट् लिसाना रिङ् मुलिचेलाचि निमेट्‌मा उन् छुट्‌लुक् छुट्‌लुक् ठेट्‌टे, हिट्‌नुङ् माङ्‌हाङ् उमुलुक्‌ङाना रिङ् उन्‍ङा मुलिचेलाचि खेम्‍मेट्‌टुचे॥

मुलिचेला टोॽवा 11:20

हिट्‌नागा माड्‌डे आम्‍टेप्‍मा साइपारस हिट्‌नुङ् कुरेनि देसलाम्‍मा ओआबागा बिस्‍वासिचि ओडागा॥ हिट्‌नागा एन्‌टिओखियाङि ओखाडाउङ् पानिछोङ्‌बाचि चा येसु डाङ्‌बाङाना बारेङि नुना खाबोर पारचार ओचोगुए॥

मुलिचेला टोॽवा 18:8

याहुदि छुम्‍मापाङ्‌ङिना ओठेडोङ् किरिस्‍पास हिट्‌नुङ् ओपाङ्‌ङिगा सोब्‍बे याप्‌मिचिङा टाङ्‌बाङि बिस्‍वास ओचोगुए हिट्‌नुङ् कोरिन्‌थिङिगा जोम् याप्‌मिचिङा पावालङा पारचार चोगुना नुना खाबोर ओखेम्‍सुङ् बिस्‍वास ओचोगुए, हिट्‌नुङ् बाप्‌टिस्‍मा ओलाडुए॥

मुलिचेला टोॽवा 19:5

ना रिङ् ओखेम्‍सुङ् हिट्‌नागाँ येसु डाङ्‌बा उनिङ्‌ङि बाप्‌टिस्‍मा ओलाडुए॥

मुलिचेला टोॽवा 2:38

हिट्‌नुङ् पाटरुसङा हिट्‌नागा लोडुचे, “खानि पापलाम्‍मा छेमा टोक्‍मा लोङ्‌सा काएल्-काबु लिसानिउङ् येसु खिरिस्‍टङाना उनिङ्‌ङि बाप्‌टिस्‍मा चोगानि॥ हिट्‌नुङ् सेङ्‌सेङ्‌ना हाङ्‌साङाना बारदान आटोगुम्‍टुम्॥

मुलिचेला टोॽवा 2:41

हिड्‌डेउङ् याप्‍मा याप्‌मिचिङा पाटरुसङाना रिङ् उन्‌चि निङ्‌ग्‍वाङि उयुङ्‌सुए हिट्‌नुङ् बाप्‌टिस्‍मा ओचोगे॥ हिट्‌ना लेम्‍बालाम्‍मा सुम्‍बोक् हाजार नुङ्‌ना चा जोम् याप्‌मिचि उलिसे॥

मुलिचेला टोॽवा 20:21

आङा याहुदिचि हिट्‌नुङ् पानिछोङ्‌बाचि सोब्‍बे आ-आप्‍पे पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि हिट्‌नुङ् आनि येसु डाङ्‌बाङि बिस्‍वास चोगानुम्” नुङ् पारचार चोगुङे॥

मुलिचेला टोॽवा 20:25

“हाट्‌ले खेम्‍सानुम्, माङ्‌हाङ् उमुलुक् खानि सोब्‍बेलोङ्‌सा आङा पारचार चोक्‍सा वासाङे, खानिङा फेरि आङा खोना बेला चा आटुबिन्‍नागा नुङ् आङा ठाहा टोगुएसुङे॥

मुलिचेला टोॽवा 28:31

पावालङा मिकेट्‌ङे माङ्‌हाङ् उमुलुक्‌ङाना पारचार चोगुए हिट्‌नुङ् टाङ्‌बा येसु खिरिस्‍टङाना बारेङि याप्‌मिचि हिसिक्‍टुचे हिट्‌नुङ् उन् साङा चा ओछाक्‍टुवाट्‌टुन्॥

मुलिचेला टोॽवा 5:14

हिट्‌नाडे लिसा चा टाङ्‌बाङि बिस्‍वास काचोक्‌चि मेन्‍झेमा हिट्‌नुङ् येम्‍बेछाचि झान् जोम् लिसा ओखाडे॥

मुलिचेला टोॽवा 8:4

बिस्‍वासिचि यरुसलेमलाम्‍मा पारिक् पारिक् डेन्‌ङि उछिन्‍डाउङ् नुना खाबोर पारचार ओचोगुए॥

रोमि 10:10

पोङ्‌भोने कोइ याप्‌मिङा उनिङ्‌ग्‍वाङा डोक् बिस्‍वास चोगुटु भोने, उन् माङ्‌हाङ् ओनाजारङि धारमोति लियुक्, हिट्‌नुङ् हिट्‌नाँ ओयासिङा डोक् माट्‌टुङ् सुइकार चोगुटु भोने, माङ्‌हाङ्‌ङा हिट्‌ना बाचाँ चोगुटु॥

१ कोरिन्‌थि 11:11

टरो टाङ्‌बा ओटोकानाङि मेन्‍झेमा लोङ्‌सा येम्‍बेछा चाहाब् लियुक्, हिट्‌नुङ् येम्‍बेछा लोङ्‌सा मेन्‍झेमा चाहाब् लियुक्॥

गालाति 3:28

हाट्‌ले खिरिस्‍ट येसुङि याहुदि याप्‌मि चा माखाक्, गिरिक् चा माखाक्, कामारा चा माखाक्, छुट्‌कारा टोगुना याप्‌मि चा माखाक्, येम्‍बेछा चा माखाक्, मेन्‍झेमा चा माखाक्, पोङ्‌भोने खिरिस्‍टङि खानि सोब्‍बे ठिक् एडोक् ए॥

१ पाटरुस 3:21

हिट्‌नुङ् ना चुवाङा बाप्‌टिस्‍माङाना साङ्‌केट् चोगुटु, जुन्‍ङा खानि माहिङिटि॥ ना येम्‌ङिना रिग्‍वाट् वासिडि गाड्‌डे माखाक्, टरो ना चोखो मिप्‍माना बोल्‍ङा माङ्‌हाङ्‌लोक् चोक्‍बालाक् चामारसिङा ए॥ येसु खिरिस्‍ट सियानालाम्‍मा उहिङ्‌ग्‍वाट् लिसानाँ ना बाप्‌टिस्‍माङा खानि आहिङिटि॥