मुलिचेला टोॽवा 6:4 - आठपहरिया

⁴ टरो आनिम्‌बाक् सोरोक् बिन्‌टि चोक्‍मा हिट्‌नुङ् माङ्‌हाङ्‌ङाना रिङ् पारचार चोक्‍माना टोॽवाङि लाहाब् लिसि॥”

मुलिचेला टोॽवा 6:4 ပူးပေါင်းရင်းမြစ်များ

लुका 1:23

जाकारियाङा माङ्‌ठानाङि माङ्‌हाङ्‌ङाना सेवा चोक्‍माना ओपालो लाट्‌टाउङ् ओपाङ्‌ङि नोक्‍टे॥

मुलिचेला टोॽवा 1:14

हिट्‌नागा ख्‍वाप्‍पा एक्‍केउ उलिसाउङ् सोरोक् बिन्‌टि ओचोगायाक्‍टे॥ हिट्‌नि येसुङा उमा मारियाम हिट्‌नुङ् आरु मेन्‍झेमाचि, हिट्‌नुङ् येसुङाना येम्‍बेछा उन्‍झाचि चा ओडागा॥

मुलिचेला टोॽवा 2:42

हिट्‌नुङ् हिट्‌नागा मुलिचेलाचिगा हिसिक्‍मा, साङ्‌गातिङि, चामा-ठुङ्‌माङि हिट्‌नुङ् बिन्‌टिङि सोरोक् लाहाब् उलिसे॥

रोमि 1:9

आङा आनिङ्‌ग्‍वालाम्‍मा डोक् माङ्‌हाङ् छाङाना बारेङि नुना खाबोर पारचार चोगुङ् उन्‍ङाना सेवा चोगुङ्‌टुङ्, हिट्‌नुङ् आङा बिन्‌टि चोगुङ्‌नाँ खानि सोरोक् मिट्‌नानिगा रिङ् उन्‍ङा डोक् निसुटु॥

१ कोरिन्‌थि 9:16

आङा नुना खाबोर पारचार चोगुङ्‌ना आङा ठेलोक् लिमाना रिङ् वाइना, पोङ्‌भोने ना रिङ् आङा चोक्‍मा डोक् कोन्‌युक्॥ आङा ना नुना खाबोर पारचार चोक्‍नेएट्‌निङ् भोने आङा साजाए टोगुङ्‌टुङ्॥

फिलिप्‌पि 1:4

खानि सोब्‍बे लोङ्‌सा बिन्‌टि चोगुङ्‌नाँ सोरोक् आचाप् टासा बिन्‌टि चोगुङ्‌टुङ्॥

कालास्‌सि 2:1

छेम्‍बा डोक्, आङा आम्‍टेप्‍मा औधि खानि लाउङ्‌सा, हिट्‌नुङ् लाउडिकियाङिगा माङ्‌हाङ् ओयाप्‌मिचि, हिट्‌नुङ् आङा मिसेन् याङ्उनिनिङ्‌गा आरु याप्‍मा बिस्‍वासिचि लोङ्‌सा दुखे चोगुङुङ् टोॽवा चोगुएट्‌टुङ्‌ना रिङ् खानिङा ठाहा टोगानुम् नुङ् आङा मिट्‌नाँ॥

कालास्‌सि 4:12

खानि माड्‌डेङिना ठिबाङ् झान्‍झा, खिरिस्‍ट येसुङाना सेवाक् इपाफारसलाम्‍मा बाबा बो ए॥ उन्‍ङा खानि आत्‌मिक् रिङ्‌ङि बोल्‍लेउ हिट्‌नुङ् माङ्‌हाङ्‌ङा निङ्‌ग्‍वा चोगु गाड्‌डे डोक् खानि ख्‍वाप्‍पा रिङ्‌ङि ढुक्‍का लिसानि नुङ् खानि लाउङ्‌सा सोरोक् बिन्‌टि चोगुयाक्‍टुगा॥

कालास्‌सि 4:17

हिट्‌नुङ् “टाङ्‌बाङा जिम्‍मा मापिडाना टोॽवा खान्‍ङा युमा कोन्‌युक्” नुङ् आरखिप्‍पास लोडानुम्॥

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥