मुलिचेला टोॽवा 5:14 - आठपहरिया

¹⁴ हिट्‌नाडे लिसा चा टाङ्‌बाङि बिस्‍वास काचोक्‌चि मेन्‍झेमा हिट्‌नुङ् येम्‍बेछाचि झान् जोम् लिसा ओखाडे॥

मुलिचेला टोॽवा 5:14 ပူးပေါင်းရင်းမြစ်များ

मुलिचेला टोॽवा 11:24

बारनाबास आड्‌डिक् निङ्‌ग्‍वा नुना, सेङ्‌सेङ्‌ना हाङ्‌साङा इप्‍टुना हिट्‌नुङ् बिस्‍वासङि बोल्‍लेउ याप्‌मि डाना॥ उन्‍ङा चोगुना टोॽवा उनिसुङ् जोम् याप्‌मिचिङा टाङ्‌बाङि बिस्‍वास ओचोगुए॥

मुलिचेला टोॽवा 2:41

हिड्‌डेउङ् याप्‍मा याप्‌मिचिङा पाटरुसङाना रिङ् उन्‌चि निङ्‌ग्‍वाङि उयुङ्‌सुए हिट्‌नुङ् बाप्‌टिस्‍मा ओचोगे॥ हिट्‌ना लेम्‍बालाम्‍मा सुम्‍बोक् हाजार नुङ्‌ना चा जोम् याप्‌मिचि उलिसे॥

मुलिचेला टोॽवा 2:47

माङ्‌हाङ्‌ङाना उनिङ् ओचोन्‍डुए हिट्‌नुङ् याप्‌मिचिङा उन्‌चि निङ्‌ग्‍वा ओटाडुचे॥ हिट्‌नुङ् उदार ओटोगुगा याप्‌मिचि लेम्‍बासेम्‍बा टाङ्‌बाङा पोयुचे॥

मुलिचेला टोॽवा 22:4

हिट्‌डेउङ् आङाना टाङ्‌बाङाना लाम्‍बोङि ओलाम्‌टियागा याप्‌मिचि याङ्‌छामा चाट्‌टुङ्‌चें हिट्‌नुङ् आम्‍टेप्‍मा सेडुङ्‌चिङे चा॥ हिट्‌नुङ् आङा येम्‍बेछा लोक् मेच्‍छेमाचि लाबुङ्‌चिउङ् खाम्‍बाङ्‌ङि छाक्‍टुङ्‌चिङे॥

मुलिचेला टोॽवा 4:4

टरो नुना खाबोर काखेम्‍बाचि जोम् याप्‌मिचिङा येसुङि बिस्‍वास ओचोगुए॥ येम्‍बेछा बिस्‍वासिचि याप्‍मा उलिसाउङ् लेम्‍बोक् हाजार टेप्‍मा उलिसे॥

मुलिचेला टोॽवा 6:7

माङ्‌हाङ्‌ङाना रिङ् सोरोक् छिन्‍सा खाडे॥ हिट्‌नुङ् यरुसलेमङि जोम् याप्‌मिचि बिस्‍वासि लिसा ओखाडे हिट्‌नुङ् जोम् पुजारिचिङा चा ना नुना खाबोर बिस्‍वास ओचोगुए॥

मुलिचेला टोॽवा 8:12

टरो जब फिलिपङा माङ्‌हाङ् उमुलुक् हिट्‌नुङ् येसु खिरिस्‍टङाना बारेङि नुना खाबोर पारचार चोगुए, टब याप्‌मिचिङा फिलिपङा माट्‌टुना रिङ्‌ङि बिस्‍वास ओचोगुए हिट्‌नुङ् जोम् येम्‍बेछा हिट्‌नुङ् मेन्‍झेमाचिङा बाप्‌टिस्‍मा ओलाडुए॥

मुलिचेला टोॽवा 8:3

टरो सावालङा माङ्‌पाङ् जाखाम् चोक्‍मा ठालाँ चोगुए॥ उन् पाङ्-पाङ्‌ङि खाडाउङ् मेन्‍झेमा हिट्‌नुङ् येम्‍बेछा बिस्‍वासिचि लाबुचिउङ् साट्‌सा खाम्‍बाङ्‌ङि ठेन्‍डुचे॥

मुलिचेला टोॽवा 9:2

हिट्‌नुङ् टाङ्‌बाङाना लाम्‍बो कारिक्‍बा ख्‍वाप्‍पा मेन्‍झेमाचि लोक् येम्‍बेछाचि लाबुचियुङ् यरुसलेमङि आप्‍माचि ओटोगुङ् नुङ् दामास्‍कासङिना याहुदि छुम्‍मापाङ्‌ङिगा सासाक्‌चि लोङ्‌सा चिट्‌ठि याङ्‌छेप्‍टाबिडा पिक्‍सा उन् लोडुए॥

मुलिचेला टोॽवा 9:31

हिट्‌नुङ् याहुदिया, गालिलि हिट्‌नुङ् सामारिया छेट्‌राङि लिसागा सोब्‍बे माङ्‌पाङ्‌ङि हाङ्‌हाङ् लिसे॥ हिट्‌नागाँ टाङ्‌बा आड्‌डिक् आदार उपिडुए, हिट्‌नुङ् सेङ्‌सेङ्‌ना हाङ्‌साङा हिट्‌नागा बोल् हिट्‌नुङ् आँट् पिडुचे हिट्‌नुङ् जोम् लिसा ओखाडे॥

मुलिचेला टोॽवा 9:35

हिट्‌नुङ् लुड्‌डा खालाङ्‌गा हिट्‌नुङ् सारोन ओलोडुना डेन्‍डुना डेन्‌ङि उयुङागा याप्‌मिचिङा एनियास नुयाना उनिसुङ् हिट्‌नागाँ येसु डाङ्‌बाङि बिस्‍वास ओचोगुए॥

मुलिचेला टोॽवा 9:42

हिट्‌नुङ् ना रिङ् ख्‍वाप्‍पा योप्‍पा खालाङ्‌गा टेप् छिन्‍डे हिट्‌नुङ् जोम् याप्‌मिचिङा टाङ्‌बाङि बिस्‍वास ओचोगुए॥

२ कोरिन्‌थि 6:15

खिरिस्‍ट लोक् बेलिआल खोड्‌डेउङ् टोङ्‌चिचिगा टे? हिट्‌डेडोक् बिस्‍वास काचोक्‌चि हिट्‌नुङ् बिस्‍वास ओचोक्‌निगालोक् एक्‍केउ लिमा उहिनिगा॥

गालाति 3:28

हाट्‌ले खिरिस्‍ट येसुङि याहुदि याप्‌मि चा माखाक्, गिरिक् चा माखाक्, कामारा चा माखाक्, छुट्‌कारा टोगुना याप्‌मि चा माखाक्, येम्‍बेछा चा माखाक्, मेन्‍झेमा चा माखाक्, पोङ्‌भोने खिरिस्‍टङि खानि सोब्‍बे ठिक् एडोक् ए॥