मुलिचेला टोॽवा 4:36 - आठपहरिया36-37 ठिक् खेप् योसेफ उनिङ् ओलोडुना लेबि पुङ्लाङिना साइपारस युङ्ना याप्मिङा चा ठिक् ओखान्डा बेङ्सि छोङ्सुङ् ओफाबा मुलिचेलाचिङि आप्टुए॥ मुलिचेलाचिङा हिट्ना बारनाबास चा ओलोडुए (नाङाना उटुप् आरु आँट् कापिबा लियुक्)॥ အခန်းကိုကြည့်ပါ။ |
मुलिचेला टोॽवा 4:36
24 ပူးပေါင်းရင်းမြစ်များ
नाड्डे पारिक्ना हिसिक्मा पावाल लोक् बारनाबासङा खेम्साचुङ् हिट्ना रिङ्ङि टेन्च्याट्चिन् हिट्नुङ् हिट्नागालोक् खेमाबुङ्मा रिङ् चोगाचे॥ हिट्डेउङ् हिट्निगा भुम्भु-झान्झाचिङा ना रिङ् बारेङि मुलिचेलाचि हिट्नुङ् ओठेडोङ्चिलोक् रिङ्पान् चोक्मा लोङ्सा पावाल लोक् बारनाबास हिट्नुङ् आरु याप्मिचि चा यरुसलेमङि पाङ्सुम्चिम् नुङ् निङ्ग्वा ओचोगुए॥
टरो बारनाबास ओलोडुना आबाउङ् सावाल मुलिचेलाचिङि खाट्टुए॥ हिट्नुङ् सावाल खोड्डे पारिक् दामास्कासङि खाडाना बेला लाम्बोङि येसु डाङ्बा टुबुएना हिट्नुङ् येसु डाङ्बा उन्लोक् चेक्टेना हिट्नुङ् खोड्डे पारिक् दामास्कासङि मिकिट्ङे येसुङाना बारेङि सावालङा पारचार चोगुएना हिट्ना रिङ् ख्वाप्पा खेम्मेटुचे॥
हिट्नुङ् माङ्पाङ्ङिगा याप्मिचिङा हिट्नागा ओठेडोङ्चि नुङ् मिसेन् उनिसुचिगा याप्मिचिङा ना टोॽवा माङ्हाङ्ङा आङा याङ्पिडाना रिङ् ठाहा ओटोगुएसुए॥ हिट्नुङ् हिट्नागाँ आङालोक् बारनाबास चा टाङ्बाङाना सेवा चोक्मा लाउङ्सा स्वागाट् याप्मिओचोगे॥ हिट्नागाँ आन्च्याँम्बाक् पानिछोङ्बाचिङि नुना खाबोर पारचार चोक्मा हिट्नुङ् उन्चिम्बाक् याहुदिचिङि नुना खाबोर पारचार चोक्माउङ्सा ओटोङ्सुए॥
ကြော်ငြာတွေ