मुलिचेला टोॽवा 28:8 - आठपहरिया

⁸ हिट्‌ना बेला पाब्‌लियासङाना उप्‍पा जोरो हिट्‌नुङ् रागाट् मासि लिसाउङ् टुगेएसाना॥ हिड्‌डेउङ् पावाल पाब्‌लियास उप्‍पा ठोम्‌सिङा खाडे, हिट्‌नुङ् हिट्‌ना टुगाना याप्‌मि उठुङ्‌ङि उमुक् युङ्‌सुङ् बिन्‌टि चोगुना उन् नुमानिङ् लिसे॥

मुलिचेला टोॽवा 28:8 ပူးပေါင်းရင်းမြစ်များ

मात्‌ति 10:1

येसुङा बारो जाना ओचेलाचि छेम्‍डुचिउङ् ओचाफेन्‍ना रिमेट्‌चि होप्‍माना हिट्‌नुङ् सोब्‍बे पारिक्‍ङागा रोगा लोक् टुखुमाङ्‌चि नुमानिङ् चोक्‍माना आधिकार हिट्‌नागा पिडुचे॥

मात्‌ति 10:8

टुखुमाङ्‌चि नुमेट्‌टानुम्‌चिम्, उसियागा उहिङ्‌ग्‍वाट् चोगानुम्‌चिम्, कुस्‍टा रोगिचि चोख्‍याँ चोगानुम्‌चिम्, हिट्‌नुङ् ओचाफेन्‍ना रिमेट्‌चि होट्‌टानुम्‌चिम्॥ खानिङा खेडोक् आटोगुम्‍मे, हिट्‌नुङ् खेडोक् डोक् पिडानुम्‌चिम्॥

मात्‌ति 12:13

हिट्‌नुङ् येसुङा हिट्‌ना याप्‌मि लोडुए, “कामुक् सोट् चोगु॥” हिट्‌ना याप्‌मिङा उमुक् सोट् चोगुए, हिट्‌नुङ् हिट्‌नाङाना उमुक् आरको गाड्‌डे डोक् नुलोक् लिसाडे॥

मात्‌ति 9:18

येसुङा हिट्‌नागा ना रिङ् लोडुएट्‌टुचिना बेला ठिबाङ् याहुदि ओठेडोङ् हिट्‌नि होन्‍डा आबे, हिट्‌नुङ् येसु स्‍या मेट्‌टुङ् नाड्‌डे पिक्‍सा बिन्‌टि ठाङ्‌सुए, “आडाङ्‌बा, आइछा मेच्‍छेमा लोप्‍मो सिए, टरो खान् आबाउङ् कामुक् हिट्‌ना उठुङ्‌ङि याङ्‌युङ्‌साबिडा, हिट्‌नुङ् हिट्‌ना हिङ्‌युक्॥”

मारकुस 16:18

हिट्‌नागाँ बिखालु ओप्‍पुचि ओलाबुचिचि हिट्‌नुङ् हिट्‌नागाँ बिख ठेन्‍बालाक् थोक्‌चि उठुङुए भोने चा हिट्‌नागा पाक्‍चा उलिनिगा॥ हिट्‌नागाँ उटुगागा याप्‌मिचि उठुङ्‌ङि उन्‌चि मुक् उयुङ्‌सुनाँ उटुगागा याप्‌मिचि उनुयुक्॥”

मारकुस 5:23

नाड्‌डे पिक्‍सा बिन्‌टि ठाङ्‌सुए, “काहिसिक्‍बा, आङाना खाट्‌टियुना मेन्‍झेमा आइछा सिया लाबे, खान् आबाउङ् कामुक् हिट्‌ना उठुङ्‌ङि याङ्‌युङ्‌साबिडा, हिट्‌नुङ् हिट्‌ना नुयुङ् उहिङ्‌याक्॥”

मारकुस 6:5

हिड्‌डेउङ् येसुङा हिट्‌नि कोइ-कोइ उटुग्‍गा याप्‌मिचि उठुङ्‌ङि उमुक् युङ्‌सुङ् नुमानिङ् चोगुचे, टरो आरु खोना चा साक्‌तिसालि टोॽवा चोक्‍मा हिड्‌वाट्‌टुन्॥

मारकुस 7:32

हिट्‌नि याप्‌मिचिङा ठिबाङ् उनुभेक् याङ्‌खेम्‌निना ओकेलुबा याप्‌मि उन् सोरि ओआप्‍टुए, हिट्‌नुङ् “हिट्‌ना याप्‌मि खोट्‌टुङ् नुलोक् चोगु” पिक्‍सा येसुङि बिन्‌टि ओचोगुए॥

लुका 13:13

हिट्‌नुङ् येसुङा हिट्‌ना उठुङ्‌ङि उमुक् युङ्‌सुए, हिट्‌नुङ् हिट्‌ना बेला डोक् ओयाक्‍चुरिक् सोट् लिसे हिट्‌नुङ् माङ्‌हाङ्‌ङाना उनिङ् चोन्‍मा ठालाँ चोगुए॥

लुका 4:40

हिट्‌नुङ् नाम् ठायाना बेला याप्‌मिचिङा पारिक् पारिक्‍ङागा उटुगागा याप्‌मिचि येसुङि ओटाडुचे॥ उन्‍ङा हिट्‌नागा ठिबाङ् ठिबाङ् याप्‌मिचि उठुङ्‌ङि उमुक् युङ्‌सुए हिट्‌नुङ् हिट्‌नागा याप्‌मिचि सोब्‍बे नुमानिङ् चोगुचे॥

मुलिचेला टोॽवा 28:7

हिट्‌नि ठिबाङ् पाब्‌लियास उनिङ् लिसाना टापुङाना मुलि ओठेडोङ् डाना॥ हिट्‌नाङाना ओपाङ्‌ठाङ् हिट्‌नुङ् ओस्‍वाँरा हिट्‌ना डेन् याम्‍बा-नायाम्‍बा डोक् डाना॥ पाब्‌लियासङा आन्‍याँ ओपाङ्‌ङि याप्‌मि खाट्‌टे हिट्‌नुङ् ओचेट्‌नुलोक् याप्‌मि मेट्‌टे॥ आन्‍याँ सुम्‍बोक् लेम्‍बा सोम्‍मा ओपाङ्‌ङि पाहुना लिसिङाउङ् युङिङे॥

मुलिचेला टोॽवा 28:9

नाड्‌डेउङ् टुगाना याप्‌मि नुयाना रिङ् याप्‌मिचिङा ओखेम्‍सुङ् हिट्‌ना टापुङि उलिसागा आरु उटुगागा याप्‌मिचि चा ओटाए हिट्‌नुङ् पावाललाम्‍मा सोब्‍बे उनुए॥

मुलिचेला टोॽवा 9:40

टरो पाटरुसङा ख्‍वाप्‍पा याप्‌मिचि कोठालाम्‍मा भारा पाङ्‌सुचे हिट्‌नुङ् उटुम्‍बुट्‌ङि युङाउङ् बिन्‌टि चोक्‍मा ठालाँ चोगुए॥ हिट्‌नुङ् हिट्‌ना सियाना याप्‌मिलेङ् नोक्‍टाउङ् लोडुए, “हाउ ताबिता, कोबा!” हिट्‌नुङ् हिट्‌नाँ उमिक् ओङ्‌सुए हिट्‌नुङ् पाटरुस निसुङ् कोबाउङ् युङे॥

१ कोरिन्‌थि 12:28

हिट्‌नुङ् माङ्‌हाङ्‌ङा डोक् माङ्‌पाङ्‌ङि– पाइले मुलिचेलाचि, दोस्‍रोम्‍बाक् माङ्‌काटाचि, तेस्‍रोम्‍बाक् काहिसिक्‍बाचि, हिट्‌नुङ् डोङ् ठोङ्‌डिगा टोॽवा काचोक्‌चि, हिट्‌नुङ् उटुगागा नुमानिङ् चोक्‍माना बारदान काटोक्‌चि, आरु घुवार काफाबाचि, माङ्‌पाङ् चालाँ काचोक् ओठेडोङ्‌चि हिट्‌नुङ् खाले-खाले रिङ्‌ङि चेक्‍माना बारदान ओटोगुगा याप्‌मिचि युङ्‌सुएसुचे॥

१ कोरिन्‌थि 12:9

हिट्‌ना सेङ्‌सेङ्‌ना हाङ्‌साङा डोक् कोइम्‍बाक् बिस्‍वासङि बोल्‍लेउ लिमा हिट्‌नुङ् कोइम्‍बाक् उटुक्‍गा याप्‌मिचि नुमानिङ् चोक्‍माना बारदान पिडुचिचि॥