मुलिचेला टोॽवा 28:19 - आठपहरिया

¹⁹ टरो याहुदि भुम्‍भु-झान्‍झाचिङा आङाना बिरुद्‌दाङि फाट्‌टुर ओलाबाङे, हिट्‌नुङ् आङाना न्‍याए रोमि हाङ्‌ङा डोक् ओचोगु नुङ् बिन्‌टि ठाङ्‌मा आङा कारङि ठायाङे॥ टरो चा आङा आप्‍पे याहुदि भुम्‍भु-झान्‍झाचिगा बिरोधङि फाट्‌टुर लाब्‍माना पाक्‍चा रिङ् वाइना॥

मुलिचेला टोॽवा 28:19 ပူးပေါင်းရင်းမြစ်များ

मात्‌ति 14:22

हिट्‌नुङ् हिट्‌ना बेला डोक् येसुङा ओचेलाचि नाउङि उन् नुङ्‌ना पाइले तालङाना याहाँपारा पाङ्‌सुचे, हिट्‌नुङ् उन्‍ङाम्‍बाक् याप्‌मिचि बिदा पिडुचे॥

मुलिचेला टोॽवा 25:21

टरो उन्‍ङा रोमि साम्‍राटङा आङाना न्‍याए ओचोगुवाक् नुङ् बिन्‌टि ठाङ्‌सुए, हिट्‌नुङ् रोमि हाङ्‌ङि मिपाङ्‌ङे सोम्‍मा टिलिङ्‌गाचिङा हिट्‌ना नुलोक् ओकोडु नुङ् आग्‍याँ पिडुङ्‌चिङे॥”

मुलिचेला टोॽवा 25:25

टरो आङा ना याप्‌मि सेप्‍मा डोक् कोन्‍ना टोॽवा चोगुना आङा पाक्‍चा टुब्‍नेएट्‌निङ् हिट्‌नुङ् ना याप्‌मिङा आप्‍पे रोमि साम्‍राट सोरि बिन्‌टि ठाङ्‌सुङ्‌टुङ् नुङ् माट्‌टुनाँ आङा ना याप्‌मि रोमि साम्‍राट सोरि पाङ्‌माना निङ्‌ग्‍वा चोगुङे॥

मुलिचेला टोॽवा 26:32

हिट्‌नुङ् आग्‌रिपासङा फेस्‍तास लोडुए, “ना याप्‌मिङा उन्‍ङाना न्‍याए कैसारङा डोक् ओचोगुवाक् नुङ् बिन्‌टि ठाङ्‌स्‍वाट्‌टुन्‍नाँ बे लेडुम्‌डिसुम्‍नाँ चा बे लिसे॥”