मुलिचेला टोॽवा 26:24 - आठपहरिया

²⁴ पावालङा माट्‌टुना नागा रिङ् खेम्‍सुङ् फेस्‍तासङा राट्‌टुङ् लोडुए, “हाउ पावाल, खान् आङाङ्‌सेना रैछो, जोम् कानिबा आलिसाउङ् खान् ङाङ्‌सुबा डोक् आलिसे॥”

मुलिचेला टोॽवा 26:24 ပူးပေါင်းရင်းမြစ်များ

मारकुस 3:21

जब येसु ओपाङ्‌ङिगा याप्‌मिचिङा ना रिङ् ओखेम्‍सुए, हिट्‌नुङ् उन् लोहोट्‌सिङा हिट्‌नागा ओटाए, पोङ्‌भोने ओपाङ्‌ङिगा याप्‌मिचिङा उन् ङाङ्‌से नुङ् उमिट्‌टुए॥

युहान्‍ना 7:15

याहुदिचि डोङ् ओठोङ्‌डाउङ् ओमाट्‌टुए, “ना याप्‌मि धारमाछाप्‍ला हिसिक्‍मा खोना चा काहिसिक्‍बा वानेट्‌निना डाना, खोड्‌डेउङ् आम्‍टेप्‍मा जोम् कानिबा लिसेना?”

युहान्‍ना 8:48

याहुदि ओठेडाङ्‌चिङा उन् ओलोडुए, “आन्‍याँ माट्‌टुम्‍माना छेम्‍बा डोक्, खान् सामारि याप्‌मि हिट्‌नुङ् खान् टोन्‍डेबाङा माखोट्‌टाइसे॥”

युहान्‍ना 8:52

याहुदिचिङा ओलोडुए, “हाट्‌ले छेम्‍बा डोक् खान् टोन्‍डेबाङा माखोट्‌टेना रैछो नुङ् आन्‍याँ ठाहा टोगुम्‍मे॥ आब्‍राहाम सियाडे, माङ्‌काटाचि चा उसिए, टरो खान्‌उम्‍बाक् ‘कोइङा आङा माट्‌टुङ्‌ना रिङ् पालान् चोगुटु भोने, हिट्‌ना खोना बेला चा सिनिना’ नुङ् आपिग्‍ना॥

मुलिचेला टोॽवा 17:32

जब याप्‌मिचिङा उसियागा उहिङ्‌ग्‍वाट् उलियुक् नुङ् ओखेम्‍सुङ् इम्‍टेप्‍मा याप्‌मिचिङा पावाल खिसि चोक्‍सा ओरेट्‌टुजोए॥ टरो आरुङाम्‍बाक् नाङाना बारेङि आरको खेप् आन्‍याँ कारिङ् खेम्‍सुम्‍टुम्‍मा पिक्‍सा ओलोडुए॥

मुलिचेला टोॽवा 22:1

“हाउ आम्‍भु-आन्‍झाचि, आप्‍पा-आमाचि, आङा पोङ् फाट्‌टुर आलाबिङेगा हिट्‌ना बारेङि पारचिन्‍दा खानि लोमा कोन्‌युक्, आरिङ् खेम्‍सानुम्॥”

मुलिचेला टोॽवा 24:25

पावालङा “माङ्‌हाङ्‌ङाना धारमिक्‍ता, निङ्‌ग्‍वा मुक्‍ठुङ्‌ङि युङ्‌माना रिङ् हिट्‌नुङ् माङ्‌हाङ्‌ङा न्‍याए चोक्‍माना लेम्‍बा टायुगेट्‌ना” रिङ् माट्‌टुना खेम्‍सुङ् फेलिक्‍स किट्‌टे हिट्‌नुङ् लोडुए, “हाट्‌ले याक्‍टुए, हाट्‌ले खान् खाडा॥ हान्‍डेङ् छिङ्‌डेन् आङा भ्‍याप् चोगुङे भोने खान् छेम्‍नाँ॥”

मुलिचेला टोॽवा 24:27

इप्‍पोक् बारखा ओएङ्‌स्‍वालेङ् फेलिक्‍साङाना ओसाट्‌टोङि पारकिआस फेस्‍तास ओलोडुना याप्‌मि ठेना हाकिम लिसे॥ फेलिक्‍सङा याहुदिचिगा उन्‌चि चाप् उटायाक् नुङ् पावाल खाम्‍बाङ्‌ङि डोक् छाक्‍टुढोउङ् खाडे॥

मुलिचेला टोॽवा 26:11

हिट्‌नुङ् आङा सोब्‍बे याहुदिचिगा छुम्‍मापाङ्‌ङि खाडाउङ् ‘हिट्‌नागाँ बिस्‍वास ओनाडुवाक्’ नुङ् साजाए पिमा मेट्‌टुङ्‌चें॥ हिट्‌नुङ् हिट्‌नागालोक् आङाना आड्‌डिक् आरेक् काडाउङ् आरु देसङिगा खालाङ्‌गाङि चा खाडाउङ् आङा हिट्‌नागा याङ्‌छामा चाट्‌टुङ्‌चिङे॥

१ कोरिन्‌थि 1:23

टरो आन्‍याँम्‍बाक् खाप्‍चेङि छुडाना खिरिस्‍टङाना खाबोर पारचार चोगुम्‍टुम्‍मा॥ याहुदिचिङा ना खाबोर लाड्‌मा चिम्‍मा उफुट्‌टुए, हिट्‌नुङ् पानिछोङ्‌बाचिङा ना खाबोर काम लाहाब् लिनिना नुङ् उमिट्‌टुए॥

१ कोरिन्‌थि 4:10

खिरिस्‍ट लोङ्‌सा आन्‍याँम्‍बाक् मुरखा लिसिएसिइङे, टरो खानिम्‍बाक् खिरिस्‍टङि ठोना लिसागा गाड्‌डे आलिसिएसिए॥ आन्‍याँ निम्‍छारो लिसिएसिङे, टरो खानि बोल्‍लेउ आलिसिएसिए॥ याप्‌मिचिङा खानि मान् माचोगिगा, टरो आन्‍याँम्‍बाक् चिम्‍मा याप्‌मिउफुट्‌गा॥

२ कोरिन्‌थि 5:13

आन्‍याँ ठोना मालेगा गाड्‌डेगा लिसिटिङा भोनेम्‍टे माङ्‌हाङ् लोङ्‌सा डोक् ठोना मालेना लिसिटिङा॥ हिट्‌नुङ् आन्‍याँ ठोना मानिगेट्‌निना भोनेउम्‍टे खानिना ओचेट्‌नुना लोङ्‌सा डोक् आन्‍याँ ठोना मानिगेट्‌निना॥

२ तिमोथि 3:15

हिट्‌नुङ् कापिच्‍छा बेलालाम्‍मा डोक् खान्‍ङा सेङ्‌सेङ्‌ना धारमाछाप्‍ला बारेङि ठाहा आटोगुएसुए॥ नागा रिङ्‌ङा डोक् खान् खिरिस्‍ट येसुङि लिसाना बिस्‍वासलाम्‍मा टोगुम्‍ना मुक्‌टि बारेङि बुजा चोक्‍माना ठोना मापियुक्॥