मुलिचेला टोॽवा 25:23 - आठपहरिया

²³ हिट्‌नुङ् हान्‍डेङ् लेम्‍बा हाङ्‌बा आग्‌रिपास हिट्‌नुङ् बारनिकि नुगा नुगा लोट्‌लिङ् वाडाचुङ् गाजाबाजालोक् आबाचे॥ हिट्‌नुङ् हिट्‌नागाचि सेनापतिचि हिट्‌नुङ् खालाङ्‌गाङिगा मुलि याप्‌मिचिलोक् काचाहारि-कुन्‍डाल चोक्‍माना ठोङ्‌ङि लिगाचे॥ हिट्‌नुङ् फेस्‍तासङा पावाल आप्‍टानुम् लोडुचे, हिट्‌नुङ् उन् ओआप्‍टुए॥

मुलिचेला टोॽवा 25:23 ပူးပေါင်းရင်းမြစ်များ

मारकुस 6:21

हिट्‌नुङ् हिट्‌ना बेला नुना बेला टाए, ठिक् लेम्‍बा हेरोद हाङ्‌बाङा उन् पोङ्‌साना लेम्‍बा हारका मानाँ चोक्‍मा ठेना भातेर चोगुए॥ हिट्‌ना भातेरङि ओभारदारचि, काप्‍तानचि हिट्‌नुङ् गालिलङिगा आरु मुलि-मुलि याप्‌मिचि छेम्‍डुएसुचिगा॥

मुलिचेला टोॽवा 12:21

जब हेरोद हाङ्‌लोक् टुब्‍माना बेला लिसे, हिट्‌नुङ् हिट्‌ना हेरोदङा हाङ्‌ङाना लोट्‌लिङ् वाडुङ् उन् सिङासान्‌ङि युङाउङ् याप्‌मिचि साम्‍बोदान् चोगुचे॥

मुलिचेला टोॽवा 25:13

आम्‍टेप्‍मा लेम्‍बा ओएङ्‌स्‍वा फेस्‍तास स्‍वागाट् चोक्‍ङा हाङ्‌बा आग्‌रिपास लोक् उन्‍झा बारनिकि कैसारियाङि खाडाचे॥

मुलिचेला टोॽवा 26:30

हिट्‌नुङ् हाङ्‌बा आग्‌रिपास, ठेना हाकिम फेस्‍तास, बारनिकि हिट्‌नुङ् हिट्‌नि उलिसागा सोब्‍बे याप्‌मिचि ओकोबे॥

मुलिचेला टोॽवा 9:15

टरो टाङ्‌बाङा हानानिया लोडुए, “खान् खाडा, पोङ्‌भोने हिट्‌ना याप्‌मि लोङ्‌सा पानिछोङ्‌बाचि, हाङ्‌बाचि हिट्‌नुङ् इस्‍राएलि याप्‌मिचि सोरि आनिङ् पारचार चोक्‍मा लोङ्‌सा आङा सेगुएसुङे॥

१ कोरिन्‌थि 7:31

हिट्‌नुङ् आनि ना नाराङि जे चोगिटि, नागा थोक्‌चि आनि लाउङ्‌सा बाहुमुल्‍ले माखाक् नुङ् ठाहा टोक्‍मा कोन्‌युक्, पोङ्‌भोने ना नारा हाट्‌ले जाखाम् लिसा खाट्‌युगेट्॥

याकुब 1:11

जब टुक्‍लोक् नाम्‍छेयुक् टब फुङ् उभुङ्‌मा डोक् चोप्‌युङ् सियुक्॥ हिट्‌नुङ् ओफेट् ठायुङ् हिट्‌नाङाना ओसोभा डोक् खाट्‌युक्॥ हिट्‌नाड्‌डे डोक् वागाठागा याप्‌मि चा आप्‍पे ओटोॽवा चोगुगेट्‌टुलोक् डोक् ओचोला चा जाखाम् लियुङ् खाट्‌युक्॥

१ पाटरुस 1:24

धारमाछाप्‍लाङि नाड्‌डे छेप्‍टेसे– “ख्‍वाप्‍पा याप्‌मि घाँसा गाड्‌डेगा डोक् हिट्‌नुङ् हिट्‌नागाँगा निङ्‌ला चा फुङ् गाड्‌डेगा डोक्॥ घाँसा लेम्‌युएट्‌युक्, हिट्‌नुङ् फुङ्‌चि ओठायुएट्‌युक्,

१ युहान्‍ना 2:16

पोङ्‌भोने नाराङिगा याप्‌मिचिगा भेन्‍ना निङ्‌ग्‍वाङा येम्‌ङाना मोज्‍मोज्‍जाङि एडोक् लुम्‍मा कोलुटु, निसुम्‍गा ख्‍वाप्‍पा रिङ्‌चि टोक्‍मा लुम्‍मा कोलुटु, हिट्‌नुङ् माक्‍फेन्‍सुबेन् हिट्‌नुङ् चोगु फासुगा थोक्‌ङि एडोक् ठेलोक् चोक्‍मा कोलुटु॥ नाड्‌डेगा रिङ्उम्‍बाक् माङ्‌हाङ् पाबालाम्‍मा ओटायागा माखाक्, टरो नाड्‌डेगा थोक् ना नारालाम्‍मा ओटायुक्॥