मुलिचेला टोॽवा 24:25 - आठपहरिया

²⁵ पावालङा “माङ्‌हाङ्‌ङाना धारमिक्‍ता, निङ्‌ग्‍वा मुक्‍ठुङ्‌ङि युङ्‌माना रिङ् हिट्‌नुङ् माङ्‌हाङ्‌ङा न्‍याए चोक्‍माना लेम्‍बा टायुगेट्‌ना” रिङ् माट्‌टुना खेम्‍सुङ् फेलिक्‍स किट्‌टे हिट्‌नुङ् लोडुए, “हाट्‌ले याक्‍टुए, हाट्‌ले खान् खाडा॥ हान्‍डेङ् छिङ्‌डेन् आङा भ्‍याप् चोगुङे भोने खान् छेम्‍नाँ॥”

मुलिचेला टोॽवा 24:25 ပူးပေါင်းရင်းမြစ်များ

मात्‌ति 22:5

टरो हिट्‌नागा निम्‍तो उपिडुचिगाँ यान्‍दा डोक् मिचोक्‍ङे ठिबाङ् ओबेङ्‌सिलेङ्, आरको बेपारलेङ् खाडे॥

युहान्‍ना 16:8

हिट्‌नुङ् उन् उङ्‌युङ् उन्‍ङा नाराङिगा याप्‌मिचिगा पाप, माङ्‌हाङ्‌ङाना धारमिक्‍ता बारेङि हिट्‌नुङ् टायुगेट्‌ना माङ्‌हाङ्‌ङाना न्‍याएङाना बारेङि हिट्‌नागा निमेट्‌टुचिचि॥

मुलिचेला टोॽवा 10:42

हिट्‌नुङ् ख्‍वाप्‍पा याप्‌मिचि पारचार चोक्‍मा, हिट्‌नुङ् उन् उहिङ्‌ग्‍वाट् हिट्‌नुङ् उसियागा न्‍याए काचोक्‍बा लिमालोङ्‌सा माङ्‌हाङ्‌ङा सेगुना याप्‌मि नुङ् माप्‍मा लोङ्‌सा आन्‍याँ आग्‍याँ याप्‌मिपिडे॥

मुलिचेला टोॽवा 17:13

टरो थेसालोनिकेङि उलिसागा याहुदिचिङा पावालङा बेरियाङि चा माङ्‌हाङ्‌ङाना रिङ् पारचार चोगुना ओखेम्‍सुए, हिट्‌नि चा हिट्‌नागा ओखाडाउङ् जोम् याप्‌मिचि मुसिक्‍पा ओचाट्‌टुचिउङ् पावालङाना बिरुद्‌दाङि ओफोगुचे॥

मुलिचेला टोॽवा 17:2

साडे गाड्‌डे डोक् पावाल हिट्‌ना छुम्‍मापाङ्‌ङि चा खाडे॥ हिट्‌नुङ् पावाल सुम्‍बोक् साता याहुदिचिगा युङ्‌माना लेम्‍बा खाडाउङ् धारमाछाप्‍लालाम्‍मा हिट्‌नागालोक् नुलोक् रिङ्‌पान् चोगे॥

मुलिचेला टोॽवा 17:32

जब याप्‌मिचिङा उसियागा उहिङ्‌ग्‍वाट् उलियुक् नुङ् ओखेम्‍सुङ् इम्‍टेप्‍मा याप्‌मिचिङा पावाल खिसि चोक्‍सा ओरेट्‌टुजोए॥ टरो आरुङाम्‍बाक् नाङाना बारेङि आरको खेप् आन्‍याँ कारिङ् खेम्‍सुम्‍टुम्‍मा पिक्‍सा ओलोडुए॥

मुलिचेला टोॽवा 2:37

जब ना रिङ् काखेम्‍बाचिगा उन्‌चि निङ्‌ग्‍वा खोट्‌टुए हिट्‌नुङ् पाटरुस हिट्‌नुङ् आरु मुलिचेलाचि उसिलाप्‍टुचे, “आम्‍भु-आन्‍झाचि, हाट्‌ले आन्‍याँ पाक् चोग्‍याँगा टे?”

मुलिचेला टोॽवा 24:15

आङा चा उन्‌चि गाड्‌डे डोक् माङ्‌हाङ्‌ङि धारमोति याप्‌मिचि हिट्‌नुङ् आधारमोति याप्‌मिचि उसियुङ् उहिङ्‌ग्‍वाट् उलियुङ् ओकोब्‌युक् नुङ् आसा चोगुङ्‌टुङ्॥

मुलिचेला टोॽवा 24:26

फेलिक्‍सङा पावाललाम्‍मा ओफाबा टोगुङ्‌टुङ्‌नि नुङ् उनिङ्‌ग्‍वाङि मिट्‌टेसाना॥ हिड्‌डेउङ् पावाल छुट्‌लुप् छुट्‌लुप् छेम्‍सा रिङ्‌पान् चोगाना डाना॥

मुलिचेला टोॽवा 26:28

हिड्‌डेउङ् आग्‌रिपासङा पावाल लोडुए, “छोप्‍मोङ्‌ङा डोक् पाक् आङा खिरिस्‌टियान लिङा नुङ् खान् आमिट्‌येट्‌नि?”

मुलिचेला टोॽवा 9:6

हाट्‌ले खान् कोबाउङ् खालाङ्‌गाङि खाडा हिट्‌नि खान्‍ङा पाक् चोक्‍मा कोन्‌युक्‍ना खान् मालोयुक्॥”

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 14:12

हिड्‌डेउङ् आनि ख्‍वाप्‍पाङा माङ्‌हाङ्‌लाउङ्‌सा चोगुम्‍ना टोॽवाङाना हिसाब् आनि पिमा कोन्‌युक्॥

रोमि 2:16

हिट्‌ना लेम्‍बा टायुगेट् जाबो माङ्‌हाङ्‌ङा खिरिस्‍ट येसु याप्‌मिचिगा उन्‌चि निङ्‌ग्‍वाङि ठोबागा रिङ्‌ङाना न्‍याए काचोक्‍बा चोगुटु॥ ना रिङ् डोक् आङा नुना खाबोर पारचार चोगुङ्‌नाँ माट्‌टुङ्‌टुङ्॥

१ कोरिन्‌थि 4:5

हिट्‌डेउङ् बेला मिलिए पाइले डोक् न्‍याए चोक्‍नेनुम्, टाङ्‌बा उङ्‌लोक् सोम्‍मा हाङ्‌सानुम्॥ टाङ्‌बाङा डोक् डुम्‍बारिक् डुम्‌ङि ठोबागा रिङ् व्‍हाङ्‌ङि पारकाट् चोगुटु, हिट्‌नुङ् याप्‌मिचिगा निङ्‌ग्‍वाङिगा रिङ् पारचिन्‍दा चोगुटु॥ हिट्‌ना बेला सोब्‍बे याप्‌मिचिङा ओचोगुना टोॽवालाम्‍मा टोक्‍माना जाए-जाए माङ्‌हाङ्‌लाम्‍मा ओटोगुटु॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

२ कोरिन्‌थि 6:2

पोङ्‌भोने माङ्‌हाङ्‌ङा माट्‌टुटु, “खान्‍ङा आठाङ्‌सुना बिन्‌टि ठिक्‍का बेलाङि खेम्‍सुङे, हिट्‌नुङ् मुक्‌टि टोग्‍माना लेम्‍बा खान्‌लोङ्‌सा घुवार फाने॥” खेम्‍सानुम्, माङ्‌हाङ्‌ङाना ओमायादाया टोग्‍मा बेला हाट्‌ले डोक् हिट्‌नुङ् मुक्‌टि टोग्‍माना लेम्‍बा हाट्‌ले डोक् ए॥

गालाति 3:22

टरो धारमाछाप्‍लाङा आनि सोब्‍बे पापङाना आधिन्‌ङि लिसेइसिए नुङ् माट्‌टुटु, हिट्‌डेउङ् येसु खिरिस्‍टङि बिस्‍वास चोगुमुङ् एडोक् माङ्‌हाङ्‌ङा चोगुना चामारसिङा आनि टोगुम्‍टुम्॥

गालाति 5:23

मेयोक्‍ना लियुक्, हिट्‌नुङ् आप्‍पे लाउङ्‌सा काबुङि कायुङ्‌बा लियुक्॥ नागा टोॽवाङाना बिरुद्‌दाङि पाक्‍चा नियाम वाइना॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

तितास 1:8

याप्‌मिचि ओटानाँ ओरेक् काट्‌निना, नुगा रिङ्‌ङि निङ्‌ग्‍वा कापिबा, जोम् निङ्‌ग्‍वा कारिबा, निङ्‌ग्‍वा नुना, धारमोति याप्‌मि हिट्‌नुङ् आप्‍पे लोङ्‌सा मुठिङि कायुङ्‌बा याप्‌मि लिमा कोन्‌युक्॥

हिब्‍रु 12:21

हिट्‌नुङ् हिट्‌ना आड्‌डिक् किट्‌माडुङ् रिङ् निसुनाँ मोसाङा “आङा किट्‌टाङाउङ् पिलिम् पिलिम् योक्‍ङेट्‌ना” पिक्‍सा माट्‌टुए॥

हिब्‍रु 3:13

टरो जब सोम्‍मा “हाट्‌ले” नुङ् माप्‍बालाक् रिङ् लियुक् हिट्‌ना बेला सोम्‍मा लेन्‍सेन् ठिबाङ्‌ङा आरको आँट् पिडानुम्‌चिम्, नाड्‌डेउङ् खानि पापङाना वारिक्‌ङि आठाइन्‍गा हिट्‌नुङ् खानि निङ्‌ग्‍वाङा माङ्‌हाङ् इन्‍कार चोगुन्‍ना॥

हिब्‍रु 4:1

हिट्‌नाड्‌डेउङ् आनि आझै चा माङ्‌हाङ्‌ङाना आराम चोक्‍माना डेन्‌ङि लिग्‍मा हिडिटि नुङ् उन्‍ङाना बाचाङा माट्‌टुटु॥ नाड्‌डेउङ् ओछेक्‍छेक् चोगि, हिट्‌नुङ् हिट्‌ना आराम चोक्‍माना डेन्‌ङि लिग्‍मा ओटोगुन्‍गा खानि माड्‌डे साक्‍चा लिनेनिन्॥

हिब्‍रु 6:2

हिट्‌डेडोक् खाले-खाले बाप्‌टिस्‍मा बारे सिकाँ लिमाना रिङ्, याप्‌मिचि उठुङ्‌ङि मुक् युङ्‌माना बारेङि हिट्‌नुङ् उसियागा उहिङ्‌ग्‍वाट् उलियुङ् ओकोब्‍गा रिङ्‌ङि हिट्‌नुङ् आखेरिङिना न्‍याए बारेङि फेरि फेरि रिङ् चोक्‌निम्‍चा॥

हिब्‍रु 9:27

सोब्‍बे याप्‌मिचि एक्‌खेप् सिमा डोक् कोन्‌युक्, हिट्‌नुङ् उसियुङ् माङ्‌हाङ्‌ङा हिट्‌नागा न्‍याए चोगुचिचि॥

याकुब 2:19

पाक् माङ्‌हाङ् ठिबाङ् ए वाहेट् नुङ् खानिङा बिस्‍वास आचोगुटुम् नि? ना रिङ् ओचेट्‌नुना डोक्॥ टरो टोन्‍डेबाचिङा चा बिस्‍वास ओचोगुटु हिट्‌नुङ् हिट्‌नागा किप्‍माङा पिलिम् पिलिम् ओयोक्‌युक्॥

१ पाटरुस 3:15

टरो खानि निङ्‌ग्‍वालाम्‍मा खिरिस्‍ट टाङ्‌बा नुङ् मान् चोगानुम्॥ खानिङि लिसाना आसाङाना बारेङि कोइङा मासिलाप्‌टिए भोने, हिट्‌नाङाना बारेङि माप्‍मा लाउङ्‌सा सोरोक् टेयार लिसानि॥

२ पाटरुस 1:6

हिट्‌नुङ् ठोनाङि आप्‍पे लोङ्‌सा काबुङि युङ्‌माना रिङ् थापाँ चोगानुम्, आप्‍पे लोङ्‌सा काबुङि युङ्‌मा धैइरे चोगानि, धैइरे चोक्‍सा भाक्‌ति चोगानि॥

१ युहान्‍ना 3:10

माङ्‌हाङ् ओखालाक् हिट्‌नुङ् सैतानङाना ओखालाक् साइना नुङ् ना रिङ्‌लाम्‍मा डोक् मिसेन् निमा हिडुम्‍टुम्, माङ्‌हाङ् ओटोकानाइ नुना टोॽवा चोक्‌निना हिट्‌नुङ् बिस्‍वासि भुम्‍भु-झान्‍झा आथाबा नाना-झान्‍झाचि माया चोगुन्‌चिन्‍गा भोने हिट्‌ना माङ्‌हाङ् ओखालाक् माखाक्॥

१ युहान्‍ना 3:7

खानि आइछाचि गाड्‌डेगा, खोना याप्‌मिङा चा खानि माबान्‌डिन्‍चा॥ जुन् याप्‌मिङा माहामाना टोॽवा चोगुटु, हिट्‌नाम्‍बाक् धारमि याप्‌मि ए, हिट्‌नाडेडोक् खिरिस्‍ट धारमोति ए॥