मुलिचेला टोॽवा 23:17 - आठपहरिया

¹⁷ हिट्‌नुङ् पावालङा ठिबाङ् काप्‍तान छेम्‍डुङ् लोडुए, “आडाङ्‌बा, ना ठाङ्‌बेन् सेनापतिलोक् मुन्‍डुप्‍माना रिङ्‌पान् बो युङ्‌ग्‍वा, ना याप्‌मि सेनापतिङि सायुढोलो॥”

मुलिचेला टोॽवा 23:17 ပူးပေါင်းရင်းမြစ်များ

मात्‌ति 10:16

“खेम्‍सानुम्, आङा खानि ब्‍वाँसोचिगा माझै ठुँबा गाड्‌डे डोक् पाङ्‌नागेट्‌नानि, हिट्‌डेउङ् खानि ओप्‍पु गाड्‌डे ओचाप्‍पाङ् हिट्‌नुङ् ढुकुर गाड्‌डे सोझो लिसानि॥

युहान्‍ना 18:12

हिट्‌नुङ्‌ना रोमिचिगा टिलिङ्‌गाचि हिट्‌नुङ् उन्‌चि काप्‍तान, याहुदिचिगा माङ्‌ठाना काकोबाचिङा येसु ओलाबुङ् ओरेक्‍टुए॥

मुलिचेला टोॽवा 22:26

काप्‍तानङा ना रिङ् खेम्‍सुङ् सेनापति सोरि खाडाउङ् नाड्‌डे लोडुए, “आडाङ्‌बा, खान्‍ङा पाक् चोक्‍मा आइट्‌टुलाबुएना? नाउम् रोमि याप्‌मि गोलो रैछो॥”

मुलिचेला टोॽवा 23:16

टरो पावाल ओनाक्‍पाङा याहुदिचिङा उन् सेप्‍मा लोङ्‌सा उसुक्‍टुना रिङ् ठाहा टोगुए, हिट्‌नुङ् ब्‍यारेक भिट्‌रा लिगाउङ् पावाल लोडुए॥

मुलिचेला टोॽवा 23:18

हिट्‌नुङ् काप्‍तानङा पावाल ओनाक्‍पा सेनापति सोरि सायुङ् लोडुए, “आडाङ्‌बा, कैदि पावालङा याङ्‌छेम्‍डाउङ् ‘ना ठाङ्‌बेन् खान्‌लोक् रिङ्‌पान् चोक्‌युक् बो’ पिक्‍सा याङ्‌लोडाउङ् ना खान्‌ङि आप्‍टुएसुङे॥”

मुलिचेला टोॽवा 23:23

हिट्‌नुङ्‌ना सेनापतिङा इप्‍पाङ् काप्‍तानचि छेम्‍डुचिउङ् लोडुचे, “हाट्‌ले युसा याङ् बाजाँ लिसाना बेला इप्‍पोक् साए टिलिङ्‌गाचि, सात्‍तारि जाना घोडा लोक्‍गा हिट्‌नुङ् इप्‍पोक् साए टिक्‍फे काखुबाचि कैसारिया सोम्‍मा खाप्‍मा लोङ्‌सा टेयार चोगाचु॥