मुलिचेला टोॽवा 20:32 - आठपहरिया32 “हाट्ले आङा खानि माङ्हाङ्ङाना उमुक्ङि पिनाँनि हिट्नुङ् उन्ङा आनि आलोडाना ओदायाङाना रिङ्ङाना भोरङि युङानि नुङ् लोनाँनि॥ हिट्डेउङ् माङ्हाङ्ङा बिस्वासङि खानि बोल्लेउ माचोगिटि हिट्नुङ् उन्ङाना ओयाप्मिचि आसिक्ङाना भागिदार चोगुचिचि॥ အခန်းကိုကြည့်ပါ။ |
मुलिचेला टोॽवा 20:32
37 ပူးပေါင်းရင်းမြစ်များ
हिट्नुङ् हिट्नागाचि आटालियालाम्मा चुवाखोङ्डाङ्ङि ठाङाचिउङ् एन्टिओखिया खालाङ्गाङि नोक्टाचे॥ ना सिरियाङिना एन्टिओखिया खालाङ्गाङिगा बिस्वासि भुम्भु-झान्झाचिङा पावाल हिट्नुङ् बारनाबास लोङ्सा माङ्हाङ्ङाना ओदायाङि ओटोॽवा चोक्मालोङ्सा ओसेगुचिउङ् ओपाङ्सुएसुचिगा डागा हिट्नुङ् हिट्ना टोॽवा चोग्मा हिडाचुङ् हिट्नागाचि हिट्नि डोक् नोक्टा टायाचे॥
हिट्नुङ् चा पावाल लोक् बारनाबास हिट्ना खालाङ्गाङि याप्मा लेन् सोम्मा युङाचे॥ हिट्नागाचि टाङ्बाङाना बारेङि मिकिट्ने चेक्टाचे॥ टाङ्बाङा उन्चि मुक्लाम्मा डोङ् ठोङ्डिना टोॽवाचि हिट्नुङ् चिन्ना चोक्माना बोल् पिडुचिउङ् हिट्नागाचिङा माट्टाचुना दायाङाना खाबोर छेम्बाना ए पिक्सा पारमान् चोगुए॥
खान्ङा हिट्नागा याप्मिचिगा मिक् ओङ्सुबिडुचि, हिट्नुङ् हिट्नागा डुम्बारिक् डुम्लाम्मा व्हाङ्ङि हिट्नुङ् सैतानङाना ओसाक्तिलाम्मा माङ्हाङ्ङि ओनोक्याक्॥ हिट्नुङ् माङ्हाङ्ङा हिट्नागाँगा पाप टुगुबिडुचिचि, हिट्नुङ् हिट्नागाँ माङ्हाङ्ङि बिस्वास ओचोगुनाँ उन्ङा सेगुचिगा ओयाप्मिचिलोक् साङ्गाटिङि युङ्मा ओटोगुटु॥’
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
ना चिट्ठि आङा कोरिन्थिङि आलिसिगा माङ्हाङ्ङाना माङ्पाङ्ङिगा लाउङ्सा छेप्टुएटुङ्, खानिम्बाक् खिरिस्ट येसुङि सेङ्सेङ् लिमा माछेम्डिगा याप्मिचि ए॥ खिरिस्ट येसुङाना उनिङ् ओलाडुगा ख्वाप्पा याप्मिचि सेङ्सेङ् लिमा उन्ङा छेम्डुचि गाड्डे खानि ख्पाप्पालाउङ्सा येसु खिरिस्टलाम्मा सेङ्सेङ् माचोगिएसिए॥ खिरिस्टम्बाक् आनिना हिट्नुङ् हिट्नागाँगा टाङ्बा ए॥
ओभेन्गा याप्मिचिङा माङ्हाङ् उमुलुक्ङि लिक्माना हाक् ओटोगुन्ना नुङ् पाक् खानिलाउङ्सा ठाहा वाइना इ? आप्पेलाउङ्सा ढाँट् फोक्नेनुम्॥ नाड्डेगा वालाफेडुबा टोॽवा काचोक्चि, मुर्ति साम्माङ् काचोक्चि, इम्मेप्माजामा टोॽवा काचोक्चि, वालाफेडुबा येम्बेछाचि, येम्बेछा-येम्बेछा हिट्नुङ् मेच्छेमा-मेच्छेमा इम्मेप्माजामा टोॽवा काचोक्चि,
आनि खिरिस्टङि युङ्सुम्ना आसा खानिङा बुजा चोक्मा माङ्हाङ्ङा घुवार माफाडियाक् नुङ् आङा बिन्टि चोगुङ्टुङ्, हिट्नुङ्ना माङ्हाङ्ङा सेगुचिगा ओयाप्मिचि चामारसिङा चोगुना ओचेट्नुना रिङ्ङाना उटुप् खानिङा बुजा आचोगुम्टुम्, हिट्नुङ् उन्ङा सेगुचिगा याप्मिचिङा ओचोगुनाँ माङ्हाङ्ङा ठेना मान् टोगुटु॥
खाले-खाले ओछोङ्ग्वाट् हिसिक्माङा छेम्बाना रिङ्लाम्मा गालात लाम्बोलेङ् माखाट्टिन्चा॥ पोङ्भोने चामा-ठुङ्मागा रिङ्ङा आनि निङ्ग्वा बोल्लेउ चोगुन्ना, टरो माङ्हाङ्ङाना मायादायाङा एडोक् आनि निङ्ग्वा बोल्लेउ चोगुटु॥ चामा-ठुङ्मागा थोक्ङाना नियाम पालान् ओचोगुगा लाउङ्सा फाइदा लिनिगेट्निना॥
ကြော်ငြာတွေ