मुलिचेला टोॽवा 2:41 - आठपहरिया

⁴¹ हिड्‌डेउङ् याप्‍मा याप्‌मिचिङा पाटरुसङाना रिङ् उन्‌चि निङ्‌ग्‍वाङि उयुङ्‌सुए हिट्‌नुङ् बाप्‌टिस्‍मा ओचोगे॥ हिट्‌ना लेम्‍बालाम्‍मा सुम्‍बोक् हाजार नुङ्‌ना चा जोम् याप्‌मिचि उलिसे॥

मुलिचेला टोॽवा 2:41 ပူးပေါင်းရင်းမြစ်များ

युहान्‍ना 14:12

“छेम्‍बा डोक्, आङा खानि लोनाँनि, जुन्‍ङा आङा बिस्‍वास याङ्‌चोक्‌युक्, हिट्‌नाङा आङा चोगुङ्‌ना टोॽवा चा चोगुटु, हिट्‌नुङ् हिट्‌नागा नुङ्‌ना चा ठेगा टोॽवा चोगुटु, पोङ्‌भोने आङा पाबाङि खाट्‌नागेट्‌नाँ॥

युहान्‍ना 21:11

हिट्‌नुङ् सिमोन पाटरुस नाउङि ठाङाउङ् ठिक् साए तिरपोन्‍ना गोटा ठे-ठेगा ङासाङा इप्‍टुना चेल्‍ले साडुङ् भारा आप्‍टुए॥ टरो नाटेप्‍मा जोम् ङासाङा चेल्‍ले इप्‍टुचा सेङ्‌नेट्‌नि॥

मुलिचेला टोॽवा 1:15

हिट्‌ना बेला पाटरुस ठिक् साए बिस जाना टेप्‍मा बिस्‍वासिचि माझाङि येबाउङ्,

मुलिचेला टोॽवा 13:48

ना रिङ् ओखेम्‍सुङ् पानिछोङ्‌बाचिगा औधि उन्‌चि चाप् टायाउङ् टाङ्‌बाङाना रिङ्‌ङाना उनिङ् ओचोन्‍डुए॥ हिट्‌नुङ् लाट्‌निना चोला लोङ्‌सा सेग्‍बालाक्‌चि टेप्‍माङा बिस्‍वास ओचोगुए॥

मुलिचेला टोॽवा 2:37

जब ना रिङ् काखेम्‍बाचिगा उन्‌चि निङ्‌ग्‍वा खोट्‌टुए हिट्‌नुङ् पाटरुस हिट्‌नुङ् आरु मुलिचेलाचि उसिलाप्‍टुचे, “आम्‍भु-आन्‍झाचि, हाट्‌ले आन्‍याँ पाक् चोग्‍याँगा टे?”

मुलिचेला टोॽवा 2:47

माङ्‌हाङ्‌ङाना उनिङ् ओचोन्‍डुए हिट्‌नुङ् याप्‌मिचिङा उन्‌चि निङ्‌ग्‍वा ओटाडुचे॥ हिट्‌नुङ् उदार ओटोगुगा याप्‌मिचि लेम्‍बासेम्‍बा टाङ्‌बाङा पोयुचे॥

मुलिचेला टोॽवा 27:37

हिट्‌ना चुवाखोङ्‌डाङ्‌ङि आन्‍याँ सोब्‍बे इप्‍पोक् साए छायाहत्‍तार जाना याप्‌मिचि वासेट्‌टियाँगा॥

मुलिचेला टोॽवा 3:23

टरो हिट्‌ना माङ्‌काटाङाना रिङ् ओखेम्‍सुन्‍गा याप्‌मिचि माङ्‌हाङ्‌ङा ओयाप्‌मिचिलाम्‍मा साम्‍डुचिचि हिट्‌नुङ् हिट्‌नागा फ्याङ् मेगुचिचि॥’

मुलिचेला टोॽवा 4:4

टरो नुना खाबोर काखेम्‍बाचि जोम् याप्‌मिचिङा येसुङि बिस्‍वास ओचोगुए॥ येम्‍बेछा बिस्‍वासिचि याप्‍मा उलिसाउङ् लेम्‍बोक् हाजार टेप्‍मा उलिसे॥

मुलिचेला टोॽवा 7:14

हिट्‌नुङ् योसेफङा उप्‍पा याकुब हिट्‌नुङ् ख्‍वाप्‍पा ओपाङ्‌ङिगा याप्‌मिचि मिस्‍राङि आबानि पिक्‍सा खाबोर हाङ्‌सुए॥ हिट्‌नागा ख्‍वाप्‍पा पाचाहात्‍तार जाना ओडागा॥

रोमि 13:1

सोब्‍बे याप्‌मिचि सासाक्‌चिगा आधिकारङि युङ्‌मा कोन्‌युक्, पोङ्‌भोने माङ्‌हाङ्‌ङा सासाक्‌चि सासान् चोक्‍माना आधिकार पिडुचिचि॥ सासान् चोक्‍मा सासाक्‌चि माङ्‌हाङ् आप्‍पेङा डोक् युङ्‌सुचिगा ए॥

१ थेसालोनिकि 1:6

खानिङा आन्‍याँना हिट्‌नुङ् टाङ्‌बाङाना सिको चा आचोगुमे॥ हिट्‌नुङ् आम्‍टेप्‍मा याङ्‌छामा आङ्‌डुमुङ् चा खानिङा सेङ्‌सेङ्‌ना हाङ्‌साङा मापिडिगा खाबोर खुसिलोक् आलाडुमे॥

१ पाटरुस 3:20

हिट्‌नागा हाङ्‌साचिम्‍बाक् नोआङा चुवाखोङ्‌डाङ् चोगुना बेला हिट्‌नागा काएल्-काबु उलियुक्‌गि नुङ् माङ्‌हाङ्‌ङा पाङ्‌सुचिगा हाङ्‌साचि ओडागा॥ टरो हिट्‌नागाँ माङ्‌हाङ् उरिङ् ओखेम्‍स्‍वाट्‌टुन्॥ चुवाखोङ्‌डाङ् भिट्‌रा उलिसागा याङ् जाना एरोक् चुवालाम्‍मा उहिङे॥

पारकास 16:3

दोस्‍रो माङ्‌हाङ् रिङ् काउग्‍बाङा ओखोरे सामुन्‍दराङि हुङ्‌सुए, हिट्‌नुङ् सामुन्‍दराङिना चुवा उसियागा याप्‌मिङाना ओहेलिक् गाड्‌डे डोक् लिसे॥ हिट्‌नुङ् सामुन्‍दराङि उलिसागा सोब्‍बे उहिङ्‌ग्‍वाट् पारानिचि उसिए॥