मुलिचेला टोॽवा 18:3 - आठपहरिया

³ पोङ्‌भोने पावालङा पाल चोक्‍माना टोॽवा चोगुगा डागा हिट्‌नुङ् हिट्‌नागाचिङा चा पाल चोक्‍माना टोॽवा डोक् चोगाचुगा डाचिगा॥ हिट्‌डेउङ् उन् हिट्‌नागाचिलोक् युङे हिट्‌नुङ् एक्‍केउ टोॽवा ओचोगे॥

मुलिचेला टोॽवा 18:3 ပူးပေါင်းရင်းမြစ်များ

१ कोरिन्‌थि 4:12

हिट्‌नुङ् चामा-ठुङ्‌मा लोङ्‌सा आन्‍याँ आप्‍पे मुक्‍ङा टोॽवा चोगुम्‍टुम्‍मा॥ आरुङा साराप ओयाङ्‌नाँ हिट्‌नागा आसिक् पिडुम्‌चिम्‍मागा॥ याप्‌मिचिङा ओचाफेन्‍लोक् चाट्‌ला याप्‌मि ओमेट्‌नाँ आन्‍याँ आङ्‌डुम्‍टुम्‍मा॥

१ कोरिन्‌थि 9:14

हिड्‌नाड्‌डे डोक् नुना खाबोर पारचार काचोक्‍बाङा नुना खाबोरलाम्‍मा डोक् चामा-ठुङ्‌मा ओटोगुवाक् नुङ् टाङ्‌बाङा आग्‍याँ चोगुएसुए॥

१ कोरिन्‌थि 9:15

टरो आङा खोना चा हाक लाट्‌निङ्‌गेट्‌निङ्‌ना, हिट्‌नुङ् आङालोङ्‌सा नाड्‌डेना डोक् लिमा कोन्‌युक् नुङ् नागा रिङ् खानिलाउङ्‌सा छेप्‍टुङाना चा माखाक्॥ पोङ्‌भोने आनाभुक् ठेना चोक्‍माना रिङ्‌ङि आरुङा आनाभाक् ठाना रिङ् चोक्‍मा नुङ्‌ना बुरु आङा सिमा डोक् ओचेट्‌नुयुक्॥

१ कोरिन्‌थि 9:18

माङ्‌हाङ्‌ङा ना चोक्‍माना टोॽवा याङ्‌पिडाइसे भोने खोड्‌डेउङ् आङा इनाम टोक्‍मा हिडुङ्‌टुङ्‌ना टे? टरो आङाना इनामम्‍बाक् आङालोक् लिसाना हाक यान्‍दा मिचोक्‍ङे हिट्‌नुङ् खेरोक् डोक् आङाना आप्‍पे आनिङ्‌ग्‍वाङा नुना खाबोर पारचार चोगुङुङ् एडोक् टोगुङ्‌टुङ्॥

२ कोरिन्‌थि 11:7

आङा माङ्‌हाङ्‌ङाना ना नुना खाबोर पारचार चोगुङ्‌नाँ खानिङा पालोवालो हुङानुम् नुङ् आङा काइले चा नाक्‍नेयाट्‌निङ्॥ टरो खानि टो आलिस्‍याक् नुङ् आङा आप्‍पेलाउङ्‌सा यो चोगुङे॥ पाक् आङा नाड्‌डे चोक्‍मा गाल्‌ति लिसेनि टे?

२ कोरिन्‌थि 11:9

हिट्‌नुङ् खानिलोक् आङा वासाङ्‌नाँ आङा चाहाब् लिसाङ्‌ना बेला खानि खोना चा दुखे पिनेट्‌निन्, पोङ्‌भोने आङा लाउङ्‌सा चाहाब् लिसागा सोब्‍बे थोक् माकेडोनियालाम्‍मा ओआबागा बिस्‍वासिचिङा डोक् याङ्ओटोङ्‌साबिडे॥ नाड्‌डेउङ् आङा खानिलाउङ्‌सा याङ्‌छामा पिनेट्‌निन् हिट्‌नुङ् हान्‍डेङ् चा हिट्‌नाड्‌डे डोक् चोक्‍ङा॥

२ कोरिन्‌थि 12:13

खोना रिङ्‌ङा आरु माङ्‌पाङ्‌ङिगा नुङ्‌ना खानि निङ्‌ग्‍वा टुक्‌युक्‍ना? पाक् आङा खानि घुवार याङ्‌फाडानि नुङ् लोनेट्‌निन्‍ना रिङ्‌ङा इ? छेम्‍बा डोक्, आङा खानि घुवार याङ्‌फाडानि नुङ् लोनेट्‌निन्॥ आङा ना गाल्‌ति डोक् चोगुङे, ना रिङ्‌ङि माफि याङ्‌पिडानि ए॥

१ थेसालोनिकि 2:9

भुम्‍बु-झान्‍झाचि हिट्‌नुङ् आनो-आन्‍झाचि, आन्‍याँ टोगुम्‍माना याङ्‌छामा लोक् चोगुम्‍ना मिहिनेत खानिङा आमिट्‌टुएसुम्‍मे॥ खानि खोनालाउङ्‌सा चा दुखे उलिनि चा नुङ् लेम्‍बासेम्‍बा टोॽवा चोगिङाउङ् माङ्‌हाङ्‌ङाना नुना खाबोर खानि लोङ्‌सा आन्‍याँ पारचार चोगुम्‍मे॥

१ थेसालोनिकि 4:11

आन्‍याँ खानि पाइले लोनानि गाड्‌डे डोक् हाङ्‌हाङ्‌ङाना चोलाङि वामाउङ्‌सा निङ्‌ग्‍वा पिडानुम्॥ आप्‍पे खानि टोॽवाङि एरोक् ख्‍याल चोगानुम् हिट्‌नुङ् आप्‍पे डोक् टोॽवा चोगानुम्॥