मुलिचेला टोॽवा 18:28 - आठपहरिया

²⁸ पोङ्‌भोने हिट्‌निगा याहुदिचिलोक् याप्‌मिचि टोकानाङि जोम् बादबिबाद चोगाउङ् हिट्‌नागाँगा बिरोध चोक्‍सा उन्‍ङा धारमाछाप्‍लालाम्‍मा “येसु डोक् खिरिस्‍ट” नुङ् पारमान् चोगुङ् निमेट्‌टुचे॥

मुलिचेला टोॽवा 18:28 ပူးပေါင်းရင်းမြစ်များ

लुका 1:80

हिट्‌नुङ् ओओ युहान्‍ना ओयेम्‌ङि पोसा खाडे॥ ओहाङ्‌साङि चा बोल्‍लेउ लिसा खाडे॥ हिट्‌नुङ् इस्‍राएलि याप्‌मिचिङि मिहोन्‍ने सोम्‍मा याप्‌मिचि उयुङ्‌निना डेन्‌ङि युङायाक्‍टे॥

लुका 24:27

हिट्‌नुङ् येसुङा हिट्‌नागाचि मोसाङा छेप्‍टुना धारमाछाप्‍ला हिट्‌नुङ् माङ्‌काटाचि ख्‍वाप्‍पाङा ओछेप्‍टुना छाप्‍लाङि ओबारेङि छेप्‍बालाक् रिङ् पारचिन्‍दा माट्‌टुबिडुचे॥

लुका 24:44

हिट्‌नुङ् हिट्‌नागा लोडुचे, “आङा खानिलोक् वासाङ्‌नाँ मोसाङा छेप्‍टुना धारमाबिधिङाना छाप्‍ला, माङ्‌काटाचिङा ओछेप्‍टुना छाप्‍ला हिट्‌नुङ् छाम्‍लोमा छाप्‍लाङि आङाना बारेङि छेप्‍टाना रिङ्‌चि ख्‍वाप्‍पा युयुक् पिक्‍सा आङा खानि लोनानिगा॥”

युहान्‍ना 5:39

खानिङा धारमाछाप्‍ला पोढाँ आचोगुम्‍गा, पोङ्‌भोने हिट्‌नि खोना बेला चा लाट्‌निना चोला टोगुम्‍टुम् नुङ् खानि आमिट्‌टिगा॥ हिट्‌ना धारमाछाप्‍लाङा डोक् आङाना बारेङि माट्‌टुटु॥

मुलिचेला टोॽवा 17:3

पावालङा हिट्‌निगा याप्‌मिचि खिरिस्‍टङा याङ्‌छामा आङ्‌मा हिट्‌नुङ् सियानालाम्‍मा उहिङ्‌ग्‍वाट् लिमा कोन्‍ना रिङ् धारमाछाप्‍लालाम्‍मा पारमान् पिडुचिउङ् पारचिन्‍दा चोगुचे॥ हिट्‌नुङ् उन्‍ङा “आङा पारचार चोगुङ्‌ना येसु डोक् खिरिस्‍ट ए” पिक्‍सा लोडुचे॥

मुलिचेला टोॽवा 18:25

उन्‍ङा येसु डाङ्‌बाङा निमेट्‌टुना चोला टोगुम्‍ना लाम्‍बोङाना बारेङि हिसिक्‍मा टोगुएसुना, हिट्‌नुङ् आड्‌डिक् छोम्‍बोक् छोम्‍बोक् लिसाउङ् येसुङागा रिङ्‌चि ओचेट्‌नुलोक् याप्‌मिचि हिसिक्‍टुचिगा डागा॥ टरो चा आपोल्‍लोसङा युहान्‍नाङा पिडुचिगा बाप्‌टिस्‍मा एडोक् ठाहा टोगुएसुना॥

मुलिचेला टोॽवा 18:5

सिलास लोक् तिमोथि माकेडोनिया छेट्‌रालाम्‍मा आबाचे, पावालङाम्‍बाक् येसुङाना बारेङि पारचार चोग्‍माना टोॽवा डोक् चोगुएट्‌टुना॥ हिट्‌नुङ् उन्‍ङा “येसु डोक् खिरिस्‍ट ए” पिक्‍सा याहुदिचि पारचिन्‍दा उलिलोक् लोडुचे॥

मुलिचेला टोॽवा 8:35

हिड्‌डेउङ् फिलिपङा ना धारमाछाप्‍लाङाना ओखान्‍डालाम्‍मा उटुम् चोगुङ् येसुङाना बारेङि नुना खाबोर हिट्‌ना नापुङ्‌साक् खेम्‍मेट्‌टुए॥

मुलिचेला टोॽवा 9:22

टरो सावालङा चोगुना पारचार झान् बोल्‍लेउ लिसा खाडे हिट्‌नुङ् दामास्‍कासङि उलिसागा याहुदिचि “येसु डोक् खिरिस्‍ट ए” पिक्‍सा पारमान् पिडुचे॥ हिड्‌डेउङ् हिट्‌नागाँ उन् पाक्‍चा लोमा उहिडुवाट्‌टुन्॥